ممكن مساعدة ؟ أفقد الأمل ولا لأ ؟

[Justice Grey]

السلام عليكم
ممكن مساعدتكم ؟
أنا جبت a+ في الأحياء و a في الاحصاء و a+ في الانجليزي و c في الكيمياء
و أنا مرة نفسي أدخل طب.. من أول بشد حيلي عالدراسة
بس مرة انصدمت من الكيمياء و ما اتوقعت إني أجيب درجة سيئة لأنو الكيمياء المشكلة كانت مادتي المفضلة و كانت سهلة بالنسبالي .. الا اني ما استهنت بدي المادة بس جبت فيها درجة خايسة
هل في أمل أدخل طب..ولا خلاص أقفل و أفكر بتخصص تاني مع إنه مافي شي في بالي غير الطب ؟
أتمنى تساعدوني و تدوني نصايحكم :(

[Lighto]

والله شوفي يا أختي انا بتكلم عن الأولاد اما البنات فما اعرف درجاتهم

بس بقلك ايش سار مع صاحبي السنه الي فاتت

جاب في الرياضيات والإحصاء a وجاب في الكيمياء والفيزياء والحاسب والإتصال a+ وجاب في الأحياء c ومع ذلك أنقبل في كلية الطب والجراحة وبمكافأة

وكمان هوا ماكان عندو انجلش لأن عادلها بس انتي عندك وجبتي فيها A+ فهذا بيزود معدلك اكتر

[Justice Grey]

يعني في أمل ان شاء الله !! إذا طبعا شديت حيلي و جبت درجات عالية في المواد الباقية ..
الله يعطيك العافية و يوفقك ان شاء الله :)
بس كنت خايفة على النسبة الخاصة للطب بما إنو مادة الكيمياء من ضمنها..بس مادام كان صاحبك الله يوفقه زي حالتي فإن شاء الله خير

[Lighto]

الله يوفقنا جميعا يارب =)

ترى النسبة الخاصة مو قصدهم ان كل مادة لازم b+ لا المقصود مجموع درجات هذه

المواد يكون b+ الاحيا والكيميا والفيزيا والانجلش

ترى الاتصال والحاسب جداً جداً جداً سهلين

والفيزياء سهله بس يبغالها اجتهاد اما الرياضيات فأنا اكرهها فما راح اعلق عليها هههههههه

[malk alghamdi]

مافي شيء مضمون ،
لانو النسبه تختلف بين سنه وسنه حسب الدفعة ،
يعني ممكن مجموع درجاتك بالنسبه الخاصة كويسة وتدخلك الطب ،
لكن فيه غيرك اعلى بكثير ف حياخذو الاعلى ف الاعلى حسب الاكتفاء ،
لكن انتي ان شاء الله ، يجيلك النصيب وتكوني من اهل الطب ،
بس مرا لاتفقدي الامل كل شيء بيصير باذن الله ،
عادة الطالبات معدلاتهم اعلى بكثير من الطلاب ،
واذا لا سمح الله ماتم الطب بامكانك تدخلي شيء شبيه ، او موازي وتحولي بعد اول ترم ل طب عادي

[AoDi]

نسبتك الخاصة ممكن تكون في السليم لو جبتي a او اعلى في الفيزياء

لكن نسبتك العامة هيا المشكلة ..لأنو العام وقفت على 97

و السنة امكن اقل او اعلى

الهم لو جبتي درجات كويسة "إمتياز" ..إحتمال طب أو موازي

[wafa al7arbi]

المشاركة الأصلية كتبت بواسطة aodi نسبتك الخاصة ممكن تكون في السليم لو جبتي a او اعلى في الفيزياء لكن نسبتك العامة هيا المشكلة ..لأنو العام وقفت على 97 و السنة امكن اقل او اعلى الهم لو جبتي درجات كويسة "إمتياز" ..إحتمال طب أو موازي

معليش ايش قصدك بالنسبة العامة انا فاهمة الخاصة بس ايش هيا العامة دي ؟؟؟
والبنت اللي تسأل انتي الانقليزي ليفل كم اللي جبتي فيه a+ لو 2 ف وراكي 3و4 لو 3 وراكي 4 فيعني لسا باقيلك مواد تعوضي فيهاآ
شدي حيلك مره ف الانقليش ادا باقيلك ليفلز وشدي ف الفيزياء وحاولي تجيبي فيهم امتياز وتعوضي اللي ناقصك بسبب الكيمياءء //.

وبالتوفيق ياآرب ، حتى أنا مره نفسي ف الطب ودرجاتي عالية بس الانقليش نازل فصرت افكر فالمختبرات .. فشوفي انتي تخصصات طبية تانية وادا ماجبتي الطب لاقدر الله تجيبي شبيه له بس ان شاء الله تفرحي بقبولك ف الطب وبالتوفيق مره تانية ""

[Asmaa Bane3ma]

العامة كلالمواد سوا ماهي خاصه في مواد معينه

[Justice Grey]

المشاركة الأصلية كتبت بواسطة malk alghamdi مافي شيء مضمون ، لانو النسبه تختلف بين سنه وسنه حسب الدفعة ، يعني ممكن مجموع درجاتك بالنسبه الخاصة كويسة وتدخلك الطب ، لكن فيه غيرك اعلى بكثير ف حياخذو الاعلى ف الاعلى حسب الاكتفاء ، لكن انتي ان شاء الله ، يجيلك النصيب وتكوني من اهل الطب ، بس مرا لاتفقدي الامل كل شيء بيصير باذن الله ، عادة الطالبات معدلاتهم اعلى بكثير من الطلاب ، واذا لا سمح الله ماتم الطب بامكانك تدخلي شيء شبيه ، او موازي وتحولي بعد اول ترم ل طب عادي

صح .. الله يعطيك العافية و يوفقك .. الله يعيننا جميعا

[Justice Grey]

المشاركة الأصلية كتبت بواسطة aodi نسبتك الخاصة ممكن تكون في السليم لو جبتي a او اعلى في الفيزياء لكن نسبتك العامة هيا المشكلة ..لأنو العام وقفت على 97 و السنة امكن اقل او اعلى الهم لو جبتي درجات كويسة "إمتياز" ..إحتمال طب أو موازي

يا رب توقف على نسبة أقل دي السنة :(
وشكرا على مرورك وبالتوفيق