ساعدوني يابنات خطة أ السابقين

[legend45]

السلام عليكم ورحمة الله وبركاته
انا حابة استفسر على طريقة مذاكرة الرياضيات مجنني وايش في ملخصات كويسة وكمان الحاسب كيف طريقة الاختبار

[Somaiah Yousef]

الرياضيات يعتمد على التدريب وبس

يعني امسكي الكتاب اقري الامثلة افهميها

بعدين ارجعي حلي الامثلة بيدك بدون ماتشوفي الحل

وقارني بين جوابك وجواب الكتاب

وحلي أسئلة الوآجب تلاقيهآ في السيلابوز

أما الحاسب إذا قصدك ع الاختبار النظري

ف هما غالبا غالبا يجيبولكك صور وعليها الاسئلة

يعني مثلا ,, من وين تفتحي ملف جديد في الوورد ؟

والجواب ملف == جديد

يعني وانتي بتذاكري لازم تركزي على جزء العملي كمآن

[أسرار سامي♥]

الحاسب من المواد السهلة جدا و إذا ركزتي واعطيتها حقها تأخذ لآ 100 بإذن المولى
ركزي مع الاستاذه وطبقي على طول
لما تدربي على العملي حتنحفظ للمعلومة للنظري كمان
شوفي موقع أستاذتي تنزل تدريبات اضافيه أتدربي عليها
سماهر الغامدي http://ssaalghamdi2.kau.edu.sa/Pages...%8A%D9%86.aspx

الاختبار النظري تجيك أشياء من العملي بشكل صورة ايش نضغط عشان نفتح ه النافذة وكذا
و الاختصارات كمان ctrl+n ايش يعني وكذا
رب يسهلك

[Ranad Ayman]

طيب يا بنات انا في قمة الحيرة
الحاسب الدكتورة قالتلي ذاكري السلايدات الكتاب محا تحتاجيه

وصحبتي كانت في خطة أ الترم الي فات ووصتني كتير بالكتاب وبعدها المراجعة من السلايدات
حتى الاسئلة قالتلي يجيكي لف ودوران واجوبتها من الكتاب

انا محتارة هل انتم نفس الكلام ؟؟

[Somaiah Yousef]

المشاركة الأصلية كتبت بواسطة ranad ayman طيب يا بنات انا في قمة الحيرة الحاسب الدكتورة قالتلي ذاكري السلايدات الكتاب محا تحتاجيه وصحبتي كانت في خطة أ الترم الي فات ووصتني كتير بالكتاب وبعدها المراجعة من السلايدات حتى الاسئلة قالتلي يجيكي لف ودوران واجوبتها من الكتاب انا محتارة هل انتم نفس الكلام ؟؟

مو صحيح

السلايدات للمذاكرة
والكتاب مراجعة

لأن السلايدات فيها اشياء كثيرة ماهي موجودة في الكتاب

+ السلايدات مرتبة المعلومات

,,
انا صراحة الكتاب كنت آمسكه في الباص وانا رآيحة ع الجامعة

[Ranad Ayman]

المشاركة الأصلية كتبت بواسطة فيونكـه مو صحيح السلايدات للمذاكرة والكتاب مراجعة لأن السلايدات فيها اشياء كثيرة ماهي موجودة في الكتاب + السلايدات مرتبة المعلومات ,, انا صراحة الكتاب كنت آمسكه في الباص وانا رآيحة ع الجامعة

طيب شكراً الله يسعدك

الاختبار كان يجيكم مباشر .. يعني احياناً في معلومات تفاصيلها طويلة يعني القراية تكفيها
كانو يجيبولكم منها بالنص ولا مباشرة

لانه زينا في الاحياء كان في تفاصيل لكن الاسئلة مباشرة لو قريتتيها بس عملتي الي عليكي

زي كدا ؟

[Somaiah Yousef]

المشاركة الأصلية كتبت بواسطة ranad ayman طيب شكراً الله يسعدك الاختبار كان يجيكم مباشر .. يعني احياناً في معلومات تفاصيلها طويلة يعني القراية تكفيها كانو يجيبولكم منها بالنص ولا مباشرة لانه زينا في الاحياء كان في تفاصيل لكن الاسئلة مباشرة لو قريتتيها بس عملتي الي عليكي زي كدا ؟

بالنسبة للمعلومات اللي تفاصيلها طويلة ,, افهميها بطريقتك

هما للاسف في الاختبار مايجيبولك الكلام بالنص

احيانا على حسب فهمك

وافتكر صاحبتي جاها سؤال ماعدا علينا لا في سلايدات ولا كتاب

يعني أتوقعي اي سؤال يجيك

بس يعني كلهآ معلومات تنفهم لو ركزتي

[Ranad Ayman]

المشاركة الأصلية كتبت بواسطة فيونكـه بالنسبة للمعلومات اللي تفاصيلها طويلة ,, افهميها بطريقتك هما للاسف في الاختبار مايجيبولك الكلام بالنص احيانا على حسب فهمك وافتكر صاحبتي جاها سؤال ماعدا علينا لا في سلايدات ولا كتاب يعني أتوقعي اي سؤال يجيك بس يعني كلهآ معلومات تنفهم لو ركزتي

هههههههههه
الله يستر بس

بس خلاص المهم انه نذاكر السلايد اهم شي

تسلمي حبيبتي
الله يعطيكِ العافية ما قصرتي

[Yasmina95]

المشاركة الأصلية كتبت بواسطة فيونكـه بالنسبة للمعلومات اللي تفاصيلها طويلة ,, افهميها بطريقتك هما للاسف في الاختبار مايجيبولك الكلام بالنص احيانا على حسب فهمك وافتكر صاحبتي جاها سؤال ماعدا علينا لا في سلايدات ولا كتاب يعني أتوقعي اي سؤال يجيك بس يعني كلهآ معلومات تنفهم لو ركزتي

اهلان فيونكة

فيونكة بسألك عن سلايدات الفيزياء

انا مع سناء اباظة ، ايش اذاكر سلايدات من موقع ريم الوافي ؟ ولا من هناء فرحان ؟

[Somaiah Yousef]

^

آهلا فيكي حبيبتي
السلايدات نفسها في الموقعين


إيوا صح نصيحة

السامبل بروبلم في سلايدات الفيزيآء لا تذاكروه لآنه مايجي زيه في الاختبار

يعني السلايدات بس قراءة ولو فيه معلومات حسيتوها ضرورية ,, اكتبوها في ورقة

عشان تختصرو الوقت يوم الاختبار

ويصير بس تذاكرو اسئلة السنوات السابقة


الله يوفقكم