احصاء وش تنصحونا فيه...

[منصور رده]

الطلاب اللي اخذو +a+ or a or B وش تنصحونا فيه
السيديلات بس والا مع السعدي وفي احد جرب فديوهات يوسف زويل اللي على الموقع حقه لان "ماودي اروح له مشوار" ...

[Sahary]

سهل الاحصا.. بس يباله تفكير و ذكاء لا تحوس و تتشتت اعتمد عالكتااااااااااب ادرسه و افهمه و حل اكسرسايز من الكتاب و قبل الاختبار حل النماذج الموجودة في موقع دعاء بوقري موجودة مع الحل. و افهم كويس و اتوكل على الله :).

[A.A.Y]

شوف يا طويل العمر, الإحصاء تحتاج منك مذاكرة أول بأول وتتمرّن على المسائل ..

خذ لك ملخص ( السعدي أو أشرف بركات ) وبالنسبة لي أشوف أشرف أفضل, بعد ما تذاكر من ملخص أشرف تدرّب على تست بانك السعدي ..

حاول تحل أكبر عدد ممكن من المسائل عشان ما تنصدم بالأسئلة في الإختبار, ومن المهم إنك تذاكر قبل الإختبار بأسبوعين أو ثلاثة .

-

[منصور رده]

طال عمرك جمال السعدي احس انه فكك
بشوف اشرف بركات ان شاءالله شرحه زين وشكرا على المرور "طال عمرك " والله ولا حتى امراء يسولفو كذاهههه ... وايضا شكر على موروركي

[مودة.ع]

الاحصاء سهههل جدا .. بس ذاكر السيلابوول و حل نماذج قد ما تقدر والسعدي مراا كويسة ملخصاته في الدوري الاول .. بالنسبة ليا *_^
و بالتوفيق

[AoDi]

سلايدات منسقـ\ـة المادة..و ملخصات السعدي او أي واحد عشان لو مافهمت شئ توضح
تيست بانك ............مهم مرة و اللي ماجابوا فل مارك "أنا منهم" ما حلوا الاسئلة

و أسئلة الكتاب ...؟؟؟

[Yasmina95]

انت ركز عالكتاب وبس ،، و اهم شيء تكون فاهم المنهج ،، انا بس ذاكرت الكتاب و التمارين حقته و جبت درجة حلوة
لا تشتت نفسك ،، مع انو الاختبار الاول جانا لف و دوران بس حليت اعتمادا على الفهم و كتيرين بنات جابوا فل مارك

[Justice Grey]

أنا عن نفسي السلايدات كفت و وفت والتست بانك حق الأستاذ/ة
وجبت درجة حلوة فيها :)

[Ayed__95]

أول شي انصحك تنقل عند المنسق الدكتور سعيد الغامدي .. هو ينشب في التحضير بس في النهاية الأسئلة تجي من شرحه .. أغلب اللي جابوا درجات عالية كانوا يدرسوا عنده .. لأنه يحط أسئلة فيها لف ودوران بس يكون قد شرحها في محاضراته واعطى أمثلة عليها فيكونون طلابه متمرسين عليها عكس الغلابة الثانيين ههههههه .. للأسف هو ما كان يراعي وجود طلاب مع دكاترة آخرين وهذا اللي نكب نص الشعب ..


نصيحتي الثانية هي انك تذاكر أول بأول وتحاول تجمع أكثر عدد من الدرجات .. وغالبا هالشيء يحتاج وجود مدرس خصوصي وفالك التوفيق :)

[Ayed__95]

المشاركة الأصلية كتبت بواسطة ayed__95 أول شي انصحك تنقل عند المنسق الدكتور سعيد الغامدي .. هو ينشب في التحضير بس في النهاية الأسئلة تجي من شرحه .. أغلب اللي جابوا درجات عالية كانوا يدرسوا عنده .. لأنه يحط أسئلة فيها لف ودوران بس يكون قد شرحها في محاضراته واعطى أمثلة عليها فيكونون طلابه متمرسين عليها عكس الغلابة الثانيين ههههههه .. للأسف هو ما كان يراعي وجود طلاب مع دكاترة آخرين وهذا اللي نكب نص الشعب .. نصيحتي الثانية هي انك تذاكر أول بأول وتحاول تجمع أكثر عدد من الدرجات .. وغالبا هالشيء يحتاج وجود مدرس خصوصي وفالك التوفيق :)

ــــــــــــــــــــــــــــــــــــــــــــــــــ ـــــــــــــــــــــــــــــ

ونصيحتي الثالثة هي انك تركز على نصائح الشباب أكثر من البنات .. لأننا عشنا التجربة مع نفس المنسق الله يسامحه .. وارجع أقولك ذاكر أول بأول وخذلك مدرس خصوصي ..