درجات الاحصاء والأحياء والكيمياء

[رفّات حُلم]

السلام عليكم ورحمة الله وبركاته،
طالبات خُطة " ب " السَّـابقين؛

فين كُنتو تلاقو درجات الاحصاء؟ موقع؟ ولا في مبنى 7؟
وازا في مبنى 7 فين بالزبط ؟
وتقريبًا متى كانت تنزل لكم؟
ودرجات الأحياء نلاقيها في المبنى الجديد صح؟
والكيمياء؟ صح ما اختبرنا لسَّـه، بس نعرف من دحين فين تنزل


شُكرًا

[لهيب الزهور]

الأحياء صح تلاقيها معلقة بالمبنى الجديد

الكيمياء تنزلها د.ليلى الحربي بموقعها لكل الشعب

الاحصاء تنزل كل استاذة درجات طالباتها بموقعها

وبرضوا بعض الاستاذات يعلقوها قدام مكتبهم




غالباً الأحياء اسرعهم يآخذ يومين بالكثير

بعد كذا الاحصاء ما أتذكر انه عن 4 ايام

الكيمياء حدث ولا حرج ،،، مررة يتأخروا بصراحة

[رفّات حُلم]

الأحياء ما يبو يعلّقوها الا آخر يوم لنا اختبارات
عشان ما نتأثر يعني
الله يستُر ويعين ()


شُكرًا

[Yasmina95]

الأحياء و الإحصاء تتعلق بالمبنى الجديد ، بس الأحياء مافي مكان معين لانو الاختبارين الدورية نزلت بمكانين مختلفة
الإحصاء تنزل بموقع الدكتورة + تتعلق برضوا جمب مكتب الدكاترة للإحصاء او اسألي دكتورتك
الكيمياء ليلى الحربي كانت تنزلها بموقعها كل درجات البنات سواء اللي تدرسهم او ماتدرسهم 😁 يعني ممكن تلاقي بنات الشرفية معاكي و الموازي كمان 😁😁
لا و كمان بالاسامي تخيلي مو بالرقم الجامعي!!!

الدرجات تنزل بعد الإجازة
الكيمياء اكتر مادة تتأخر ، والأحياء أسرع مادة تنزل

[Somaiah Yousef]

^

أفا يا ذا العلم بالأسامي أجل

أعتقد أنا من الفضاوة بأقعد أقرا درجات البنات اللي أعرفهم خخخخ

[Yasmina95]

^

فضيييحة ياخي :( ،، خلاص كل واحد و درجتوا مدري ليش كانت تنزلها بالاسامي الله يسامحها

[لهيب الزهور]

الا الأحياء تعلقت بالدوريين بنفس المكان

كلها كانت باللوحة ببداية المبنى الجديد وانتي داخلة عليه من خوارزم

[Ranad Ayman]

الكيمياء بالاســــــــــــم !! ينزل في موقع الدكتورة ليلى الحربي لكل الشعب
حتى يبين متى دخلتي الاختبار ومتى خرجتي ,,

بالعامي كدا غسيلك منشور في الكيمياء
هههههههههه الله يوفقكم يا رب

وانتو افيدونا عن مواد خطة أ ؟

[Somaiah Yousef]

^

هههههههههههههههههههه آجل بأخرج بسرعة عشان يقولون دآفورة

الرياضيات كل أستاذة تنزله في موقعها

الفيزياء الدرجات تنزل عند ريم الوافي

مالهم وقت محدد

الرياضيات مرة نزلنا ثاني يوم بعد الاختبار

والفيزيا طول يمكن 3 اسابيع

والدوري الثاني العكس :)

الاتصال يطلع بعد الاختبار على طول

والحاسب النظري يمكن أسبوع او اسبوعين

العملي على حسب كل استاذةة بس مايطول عن اسبوع :)

ودرجات الحاسب في موقع كل استاذة وشعبتها

[آنسة مفهية !]

طيب هـ آقولكم حاجةة
انا بالشرفيية ومن الفضآوة خشيت اشوف درجات بنات السليمانية بالكيميآء
فلقيت اسمم صحبتي بالثنوي وكانت درجتها نآزله فجلست وقتها آبكي عليها وحزنت مرهه
في النهاية طلعت درجات الشرفية والصدمة كنت جآيبه نفس درجتها فما بكيت
لآني خلاص بكيت عليها .. ومحد يعرف حتى هيآ مَ قلت لها
لكن الكيمياء عششقي آنا وآعلى مادهه ويآرب اصير كيميييياء حيوي^_^
مقهورة على الحاسب غلط بحاجهه تآفهه .. صورةة وين معاينة لليسـار حطيت العكس
ذآ الجواب وأنا رحت آشار بيدي اليمين واليســار
وحطيت الجوآب ذا هههههههههههههههههههههههههههههههه قلت لآف يسار طلع يمين

^

محتآجةة تفضفض