هل أستطيع دخول الطب

[وجدان الغريب]

السلام عليكم و رحمة الله و بركاتة
انا طالبة في السنة التحضيرية مسار اداري ... علماً بانني كنت في المسار العلمي في الثانوي و كان معدلي التراكمي 84.2 ...
و الان اريد ان اتخصص في الطب ... ؟؟؟؟؟!!! فهل يمكنني التخصص في الطب لانني لم اجد ميولي في المسار الادبي ..
فما هو الحل من وجهة نظركم .... و لكم مني جزيلاً الشكراً مقدماً ....

[x3bade]

عشان تتخصصي طب لازم تكوني علمي

[A.A.Y]

وعليكم السلام ورحمة الله وبركاته

للأسف لدخول التخصصات الطبيّة يجب أن تكوني في المسار العلمي ..

[Mirinoxd]

صعبه لكن مو مستحيل
الحل انك تعيدي قدرات وتحصيلي وتجيبي نسبة عالية عشان يرتفع معدلك وتدخلي علمي وتعيدي الله يعينك تحضيري علمي
او تسحبي من هنا وتسجلي في جامعه اهليه وبعدها تنضمي للمنحة
الله يوفقك ويختاررلك اللي فيه خير

[Mirinoxd]

تقدري تسجلي في ابن سينا بعدين تحولي لعبدالعزيز الي اعرفو انو ابن سينا وعبدالعزيز يتبعو نفس نظام التدريس ف الطب وانو مسموح بسهولة تحولي بينهم
اكيد مو سهل سهل لكن اسهل من باقي الجامعات لان نظامهم واحد

[شوق الورد]

[ الله يوفقك
ترا مو كل شيء في التخصصات الطب :/
في تخصصات حلوة كثير في الادبي
زي القانون << قلبها يعورها عشانها علمي هههههههه
ربي يسهلك يارب ويوفقك

[Mirinoxd]

ايوا صح النظري عندهم تخصصات جمممميلة والله ماشاء الله
القانون ف يوم التعريف حق التسكين قالولنا انفتح للعلمي وطلع لا
وقالولنا ماتقدروا تعدلو ف التسكين اكتر من مرتين والا ينلغي التسكين وطلع غلط
وقالولنا الترتيب ف التسكين بين البنات يحكم ف القبول وبرضو خطأ
ما عاد باخد منهم كلمة دول

بس صاحبة الموضوع تقول ميولها مو ادبيه ><
صح حيضيع سنه بس اذا مو ميولك نظري وميولك طب مو مهم وعلى فكرة جامعه سعود الصحية حيفتحو السنة الجاية طب وعندهم تمريض ويقبلو نسب مو مرا عاليه
انا صحبتي نسبتها الموزونة 80 وانقبلت ماشاء الله صح الدراسة عندهم اصعب بس تهون اذا كان حلمك
ترا قدامك حلول كتيرة, الله يوفقك يارب

[Ranad Ayman]

استنـــــــــــــي !!

في تخصصات في الادبية تسمحلك تشتغلي في المستشفيات .. من ضمنها علم النفس
وحدة متعرفة عليها ماشاءالله ابـــــــــــــداع في المادة

وتروح المستشفيات وتشوف المرضى وتعمل عليهم دراسات
وفي عيادات يعملو اختبار الiq وتصوري انه الي بيعملوه هما ناس دارسين علم النفس تعملي اختبارات للناس تستمر تقريبا 3 ساعات

وحكتني البنت عنها وقالتلي قدرنا نعرف اشياااء كثير
لا تحبطي نفسك ابحثي في التخصصات وشوفي حتلاقي يمكن احد التخصصات تحقق ميولك

[AoDi]

أذا تبي حولي تحضيري علمي اعرف بنات حولوا ادبي ..وبما انو شهادتك الثانوية علمية جربي..

و زي ما قالوا البنات فوق الجامعات الاهلية في جدة ما شاء الله

[Yasmina95]

اذا كان ميولك علمي حولي علمي

بس اذا اخترتي الطب كيده ترا مو شرط تختاريه و كانوا مافي كليات غيرو ! ، ترا في تخصصات كتير زي المختبرات و التمريض

لكن استخيري و الحلول البنات اللي قالوها فوق ماشاء الله كفت ووفت 👍

بالتوفيق