إختبار السلوك التنظيمي - أحمد الرشيدي

[أبو نايف 2009]

بادئ ذي بدء هذه المادة إختيارية وليست ملزمة لأي تخصص بالإضافة لكونها سهلة المحتوى ولكن مطروحة بطريقة غير مرتبة بالإضافة أن مدرس المادة هو أحمد الرشيدي


نتكلم بالعامية عشان نأخذ راحتنا ويوصل المعنى بالنكهة البلدية


المادة محتواها سهل وفكرتها بسيطة وتتكلم عن التعامل والسلوك الإنساني في المنظمات واللي أصلاً نشوفه في الحياة العامة

لكن اللي أخذ المادة بيشوف سلايداتها غير مرتبة وغير متسلسلة بالإضافة لوجود نقاط ما أدري كيف دخلت في الموضوع بس لما تعرف إن أستاذها أحمد الرشيدي تقول عادي ذا أكثر شيء ممكن عقله يوصل له


ما بيني وبين هالكائن الغريب أي عداوة والله - لكن أسلوبه الأكاديمي والمعرفي هابط للغاية الآدمي من الآخر ما فيه رأسه شيء



إدارة المشاريع مادة دسمة وبرضه إدارة العلامات التجارية وعندكم بعد مقدمة في القانون دسمة للغاية من حيث المحتوى - يعني السلوك التنظيمي لا شيء


بمعنى إن ضخامة المحتوى وكثرة المعارف فيه مش سبب لكره الطلاب في المادة بل العكس فائدة لهم .


=====

نرجع للشيخ أحمد الرشيدي - في يوم من الأيام أراد يقدم لنا معلومة غاية في الأهمية فقرأ نص في السلايدات بما معناه ( الرضا عن العمل يدفع للإنتاجية ) فقال بكل ثقة يعني يا شباب لما الواحد يكون مبسوط من شغله يشتغل أكثر - بصراحة هالمعلومة أثرت الطلاب بشكل غير متوقع


الآدمي يقرأ النص قراءة فقط ولما يتحمس يشرح فهو يتعامل معنا كأعاجم ويشرح لنا بالعامية مثل المثال اللي فوق .


نجي للإختبار اللي صار اليوم - ونفصفص فيه شوي


الإختبار اليوم كان فيه إستعراض معلوماتي ونظام بغلطك وأنت ما تحس - نظام قديم وأسلوب أكاديمي هابط

ركاكة طرح الأسئلة مثل فلان من الناس ركز في دراسته على كذا صح أو خطأ - أنا مطالب بالمنهج والثراء المعرفي أو مطالب فلان ركز على ايش - والله ذا أسلوب اللي ما يفهم شيء والله

قال لنا أكثر من مرة الفصل الثالث عشر ( سلوك الجماعة ) مش مطالبين فيه وأبشركم جاب منها أربع أسئلة .





====

زبدة الموضوع أن من الظلم لنفسك أن تضع نفسك تحت رحمة جاهل - مش تطاول ولكن الحقيقة صادمة بعض الشيئ - لاسيما يحكمك بالدرجات وبثقافته العالية في الشرح .

المواد الإختيارية أنت حر فيها ولكن إختر مادة ما فيها هالمخلوق .

لو مادة إلزامية عنده - حاول تنزلها الترم الجاي .



لو أحد يحس إني متحامل عليه - أقول بيني وبينك الأعضاء اللي درسوا عنده



----

بعطيكم سالفة عنه قبل أرسل الموضوع - بحكم إني تعليم عن بعد والطلاب لاحظوا إنه غربلهم في الواجبات والإختبارات بحكم جهله المطبق بالنظام لكن ما يهم الأيام تعلمه

قام يوم وهو فرحان إنه قدر يحط إختبار وجاوبنا واحنا نبارك لبعض إنه نزل الإمتحان وتفاجئنا إجابتنا الصح طلعت خطأ


أبو الشباب مبرمج الإجابات خطأ - اللي إجابتها صح مبرمجها خطأ فتطلع الإجابة في النظام خطأ وتروح درجتها - والمشكلة قاعد يقول بعدلها لكم وبشوفها يحسسنا إننا نطلبه ما كأنه حق لنا .






للمرة الأخيرة مش متحامل عليه ولا بيني وبينه عداوة بس كونه عائق في طريقي يحق لي اتكلم عنه عشان ما تبلشون فيه مستقبلاً

[Inoka]

الله يوفقك يبو نايف

طيب وش كانت الاسئلة تكفى فزعتك اختبارنا الاسبوع القادم عندة انتساب

تكفى اذا باقي تذكر اسلته ساعدنا

[أبو نايف 2009]

يا اخوك أنا طلعت أدور أقرب بقالة أدور بيبسي بارد من الدوخة


والله المادة سهلة ولا تستاهل جهد - بس يعطيك تعريف ويجيك في آخر كلمة أو نص الجملة ويزود كلمة يغير المعنى - أسلوب قديم وبايخ


فيه أسئلة ثقيلة طينة - على نظام فلان قال وفلان قال - يعني إحفظ هالفلاينة وش قايلين وبيني وبينك نعنبوها سؤال سؤالين ثلاثة بالكثير - لا تلخبط حفظك عشان هالخرابيط اللي يغلب على ظنك حطه وروح للسؤال اللي بعده

[ربنا يسهل]

انا ما اختبرت اليوم معكم وولكن اختبرت عند الاستاذ احمد الرشيدي مادتين كلها دخلنا في لغط واخذ ورد حول طريقة الاسئلة + يحدد لنا شي من المنهج ويجيب اسئلة من خارج التحديد

هذا غير الأخطاء في صياغة الاسئلة


الله يهديه

بالتوفيق للجميع والله يعينا على بعض منسوبي الجامعة

[بندر30]

الله يستر عندنا الأسبوع القادم اختبار فيها انتساب

[كفاك غرور يادنيتي]

اذا ممكن تعطونا الاسئله اللي جاتكم فالاختبار

[ابو مشاري77]

الله يستر علينا من ما وقعتم فيه من هذه المادة

لاكن تكفون اللي عنده اسئلة لهذه المادة يفزع لنا

[ايمار]

حسبي الله عليه هذا بقره وكذوب

[ssaud]

http://www.skaau.com/vb/showthread.p...02#post6951902