احد صادف هذي المشكلة ,دلوني الله يجزاكم خير

Joey Tribbiani · #1 18-06-2009, 02:37 PM

احاول ادخل نظام الخدمة الاكاديمية (اودس) على نتائج الدرجات يطلب مني ادخال البريد الالكتروني ولما ادحل يقول لي خطأ في البريد الالكتروني , ساعدوني جزاكم الله خير ماني قادر ادخل على اي معلومة ولا اعرف اي درجة في تخصصي

Joey Tribbiani · 18-06-2009, 04:06 PM

يا جماعة ردوا علي جزاكم الله خير, احس اني قاعد اطلبكم فلوس والله !!!!

TAIMA · 18-06-2009, 04:26 PM

انا صادفت نفس المشكله
وحاولت اكتب ايميلي بس ماكان يقبله
المهم
جربت ايميلي الثاني ومشي الحال وفتح معايا

انت جرب بكل الأيميلات اللي تخصك .... وأتوقع ماراح يقبل غير الأيميل اللي سجلت لما قدمت عالجامعه

ولاحظت شئ ثاني ... انو لازم تكتب ايميلك بالحروف الكبيره

خوخه 2009 · 18-06-2009, 04:33 PM

انا كمان صار لي نفس الشي
وكتبت ايميلي ومشي الحال
جرب وشوف ان شاء الله يفتح معاك

حلم عمري · 18-06-2009, 04:36 PM

وانا كمان بس ليش يصير كدا ؟

يعني حتى درجاتنا بطلوع الروح نشوفها نقرتين لعرض الصورة في صفحة مستقلة

؟

اجل لازم نجرب بكذا ايميل

شكرا

@Amal · 18-06-2009, 05:43 PM

يا جماعة ردوا علي جزاكم الله خير, احس اني قاعد اطلبكم فلوس والله !!!!

لاتزعل موأنت لوحدك نقرتين لعرض الصورة في صفحة مستقلة

بس حاول تدخل إيميلك انا مشي معايه الحمدلله بس لوقلك خطاء دخل إيميل ثاني حتى لوكان موحقك بس مؤقت وإن شاءالله يمشي معاك.

تحياتي,,,

تيمي · 19-06-2009, 09:51 AM

وانا بعد ياجماعه نفس الشيء وياليت يقولي بريد خطاء البريد لا مايعطيني فرصه اكتب كلمتين ويوقف علي واايش احل حسبي الله ونعمي الوكيل عليهمكل شيء معقدينه

سعودية · 19-06-2009, 12:53 PM

المشاركة الأصلية كتبت بواسطة .,.نيــــــــــــــــــــران.,.

اكتبوا أي بريد الكتروني وانتبهوا مايكون في أي فراغ قبل البريد أو بعد البريد

وحيدخل

أنا كذه سويت وضبط معايا الحمد لله
ــــــــــــــــــــــــــــــــــــــــــــــــــ ــــــــــــــــــــــــ

لمن تكتبون الايميل حيطلع فيه سبيس قبل الايميل وبعده

امسحوه وحطوا موافق

انا سويت لي ولصحبتي كمان وضبط قال لي تم اضافة البريد الالكتروني

جربت كلام الاخت نيران الله يجزاها بالجنة ونفع معي

بالتوفيق للجميع

احد صادف هذي المشكلة ,دلوني الله يجزاكم خير

ارشيف كلية الإقتصاد والإدارة