تخطيط وتنمية اجتماعية 428 اختبرتها اليوم

[حدالحسام]

انا اليوم اختبرت تخطيط وتنمية 428

للأسف ملخصات الكرحان والعواض غير كافية واذا حفظته صم تجاوب 60٪ من الاسئلة

وجات اسئلة كثيرة من الفصول الاخيرة 11 و 12 لين 15

بالمختصر الاختبار كان نكبة مع دكتور مجاهد

ملاحظة الاختبار كان موضوعي وصعب من بين السطور

الله يستر خبصت فيه كثييررر

تكفون دعواتكم اعديها

[عبدالله بن نمشان العجمي]

كلنا جبنا العيد فيها

كلنا خبصنا فيها مهب انت الحالك مدري وش يستفيد الدكتور من تصعيب الاساله

اساله بين السطور وصعبه وملخبطه

[حدالحسام]

ايه والله صادق

والشكر موصول لاهل الملخصات ماقصروا

لكن النصيب و الدكتور الله يهديه بس مادري ليه سوا فينا كذا كان مركز على الفصول الاخيرة

[العواض ظاهر]

المشاركة الأصلية كتبت بواسطة حدالحسام انا اليوم اختبرت تخطيط وتنمية 428 للأسف ملخصات الكرحان والعواض غير كافية واذا حفظته صم تجاوب 60٪ من الاسئلة وجات اسئلة كثيرة من الفصول الاخيرة 11 و 12 لين 15 بالمختصر الاختبار كان نكبة مع دكتور مجاهد ملاحظة الاختبار كان موضوعي وصعب من بين السطور الله يستر خبصت فيه كثييررر تكفون دعواتكم اعديها

اخوي ملخص محمد كرحان كان احدث من ملخصي وكان الدكتور لم يلتزم بالتحديد بسبب تناول الملخص على العام ..

واي دكتور يكره شئ اسمه ملخص وهو ضده لانه يريد شراء الكتاب وزيادة الربحية للناشر .. دمتم بووود

لقد قلب الاسئلة رأس على عقب خصوصا نموذج ج

[عبدالله بن نمشان العجمي]

كلامك صحيح ومظبوط يالعواض 100%

انا مره جيت دكتور من اسوا الدكاتره في قسمنا وقلت وش تنصحني باي ملخص تنصحني اذاكر لاني مستحيل اذاكر من الكتاب

قال ما انصحك باي ملخص ولاراح اجيب ولا سوال من الملخصات ابدا ابدا راح اجيبها كلها من الكتاب المحدد للماده وقال انصح زملاءك يشترون الكتاب المحدد عشان ماترسب انت وهم في الماده

قلت ماني بناصحهم ولا شي هذي ماتعتبر نصيحه انهم يشترون الكتاب المهم زعل وحمر وجهه وضاق بس ماعلي منه لايعرفني ولا يعرف اسمي ولا شي

المهم ذاكرت من ملخص احد الاخوان والحمدلله جبت درجه طيبه من ملخص نفس ملخصات محمد كرحان تكون شامله

طلع اخر شي المقصد مادي بحت يبون يصرفون اكبر عدد من الكتب وبيعها باي طريقه

كلامك صحيح وسليم 100% يالعواض

[عبدالله بن نمشان العجمي]

كلامك عين الصواب يالعواض

[العواض ظاهر]

يا ليبت الطلاب يفهموا

[سعود 1982]

انا ذاكرت من الكتاب ولكن للأسف كان يضع نفس السؤال مرتين بمعنى لو حليت واحد منهم خطأ راح يكون الثاني خطأ
وكانت اسألته معقده ولكن اسأل الله لي ولكم التوفيق والنجاح في الدارين

[العواض ظاهر]

المشاركة الأصلية كتبت بواسطة سعود 1982 انا ذاكرت من الكتاب ولكن للأسف كان يضع نفس السؤال مرتين بمعنى لو حليت واحد منهم خطأ راح يكون الثاني خطأ وكانت اسألته معقده ولكن اسأل الله لي ولكم التوفيق والنجاح في الدارين

بيض الله وجهك يا سعود م>اكر الكتاب والمشكلة ليس بالملخص المشكلة لف الاسئلة يا اخوان

[سرالحكاية]

السلام عليكم ورحمة الله وبركاتة
أنا اختبرت معكم مادة التنمية وبالعكس الاسئلة اغلبها من ملخص اخونا كرحان واتوقع الاسئلة بنسبة 80 % جاء منها في الاختبار الله يجزاه خير يشهد الله اني ندمت اني شريت المذكره مافتح شي منها شكلك قريتها قراية او انك درست المادة من غير تركيز عموما الله يسهلها علينا وعليكم ونعديها على خير