مهم ضروري

[sara b]

السلام عليكم
لوسمحتو ابغى اسأل انا معدلي 4.20 تتوقعون راح انقبل في كيمياء حيويه
وفين مكان الكليه بالسليمانيه والا الفيصليه ؟؟؟؟
ولغتي الانغليزيه شوي سيئه ممكن امشي في التخصص او لا ؟.
تكفوون ردو
والكيمياء الحيويه له مستقبل او لا ؟

[Hatoon hamed]

يب تقدري تدخلي و بالراااحه ان شاء الله ..
لكن للأسف مالو مستقبل صراحه .. بس معدلك يدخلك شي افضل مثلا إداره و اقتصاد .. بس برضو ادخلي اللشي اللي ترتاحيلو ..
و بالتوفيق ياارب .

[Reem Mohammed~]

باذن الله بيمديكي تدخلي
وأتوقع تكوني بالسليمانيه

الكيمياء الحيوية للي يحبه : )
مرة قابلت استاذة قالت لي ولدي درس كيمياء حيويه ثم اخذ شهاده ( او رخصه حاجه زي كذا ) تسمح له يشتغل بمختبرات
وانه هو دحين يشتغل عادي

سو لا تفقدي الامل
لو تحبيه ادخليه
الله يسهلك يااارب
: )

[AoDi]

of course
لو مستقبل ..أجل المختبرات اللي في المستشفى بس لبنات المختبرات .. والماستر و التدريس في الجامعة ..و في اشياء انا ما اعرفها اكيد

بس طبعا معروف اي طالب نسبتو كويسة ...جيد جداً او اعلى ..يسهل عليه / عليها التوظيف و كل شئ

النسب ما ندري.. بس احنمال قبولك عالي..

اللغة الانجليزية مهي عائق طوريها و اكيد راح تمشئ .. عندي صحبه اتخصصت الترم اللي فات كيمياء حيوي و كانت تشتكي من الانقلش بس على اخر هادا الترم صارت ماتشتكي بس المذاكرة زايدة شويتين عن التحضيري..

ربي يكتب لك القسم اللي تبي و تتوفقي فيه.

[OmarBa]

انا سمعت ان الكيمياء الحيوية لما تتخرج ان شاء الله
عندك اما تدريس او مختبرات والله اعلم

[Hatoon hamed]

آسفه أتسرعت في الحكم .. سألت و قالو أنو ممكن تكوني في مختر .. لكن مو أكيد .. انتي اسئلي أكتر و يارب يفيدوكي ..
و مدام حابتو ادخليه احسلك .. الله يوفقك يارب

[sara b]

يعطيكم العافيه حبايبي
انا ارتحت لهالقسم وحبيته مره
بس كثير نصحوني انتبه من المواد الكيميائيه وزي كدا يعني مافي خطر على نفسي
اش رايكم انتو ؟؟!
الله يكتب الي فيه الخير

[mr.obadah]

ادخلي علوم طبية تطبيقية اذا انقبلتي ان شاء الله افضل لك من كيمياء حيوية ....وجهة نظري ...واذا جاتك هندسة لاتفرطي فيها ...فيها مستقبل ولا تسمعي كلام انو بنت ماينفع تكون مهندسة ...دحين في شركات خاصة بتعمل قسم خاص للنساء في الشركة وادارة كاملة لدا الشي ..ربي يوفقك

[sara b]

المشاركة الأصلية كتبت بواسطة mr.obadah ادخلي علوم طبية تطبيقية اذا انقبلتي ان شاء الله افضل لك من كيمياء حيوية ....وجهة نظري ...واذا جاتك هندسة لاتفرطي فيها ...فيها مستقبل ولا تسمعي كلام انو بنت ماينفع تكون مهندسة ...دحين في شركات خاصة بتعمل قسم خاص للنساء في الشركة وادارة كاملة لدا الشي ..ربي يوفقك

انا نفسي في علوم طبيه بس اخاف مايقبل معدلي
النسبه الخاصه في العلوم الطبيه 82
والنسبه الخاصه في الهندسه 82 كمان
تتوقعون هندسه تقبلني ؟؟؟!

[mr.obadah]

ان شاء الله تنقبلي ...بس انصحك اذا مانقبلتي في العلوم الطبية التطبيقية ولا الهندسة .......حولي من الجامعه ...روحي كلية الفارابي ولا ابن سينا وعادلي المواد الا درستيها وحاتتيسر امورك ...وتدرسي الشي الا تبغي ....الافضل من دحين تروحي الكليتين وتقدمي عليها ...عن طريق ابتعاث خادم الحرمين الداخلي ...ربي يوفقك