رايكم في علوم اداريه ؟

[fatmah4]

السلام عليكم
انا تعليم عن بعد وحابه ادخل علوم اداريه وعندي كم سؤال ياريت تردو عليه ؟
كم ماده علميه ؟ عرفت انو محاسبه واقتصاد جزئي وكلي وطرق كميه فيه غيرها او بس ذي وياريت ترتبوها ليه من الاسهل للاصعب ؟ + وكل الكتاب مسائل او جزء منه ؟
الدراسه عربي صح او لا ؟
نقدر نستخدم الاله العلميه في الاختبار ؟
عموما التخصص سهل او صعب ؟
طبعا انا شوفت الخطه الدراسيه بس حبيت اشوف تجاربكم !!
وشكررا .

[بكرى أحلى]

وعليكم السلام ورحمة الله وبركاته

اول شئ حبيبي تفضلي هالرابط وبأذن الله يعطيك معلومات اكثر عن المواد العلميه
http://www.skaau.com/vb/showthread.php?t=717907

والمواد اللي قلتيها تقريبا المحاسبه فيها النظري وفيها الحساب لكن عموما اذا فهمتي البدايات وتمكنتي منها باذن الله تمشي معاها الى النهايه
عندك الاقتصاد الجزئي هو السهل الممتنع ركزي فيها تمام وذاكريها أول بأول تمشي فيها بأذن الله والماده سهله عموما لكن يبغالها تركيز في الاشياء الصغيره
عندك الطرق الكميه هي مثل الرياضيات بالضبط لكن مخلوط فيها الاقتصاد الجزئي وتقريبا هي ماده علميه بحته

وعموما ابغى انصحك من قلب : اعتمدي على الله وتوكلي عليه سبحانه اولا واخيرا ثم اختاري افضل الدكاتره اللي الاغلب يمدحهم + ذاكري أول بأول + ذاكري نماذج الاسئله وحليها وخاصة اسئلة نهاية الكتاب .. اذا وجد الكتاب عندك
وحاولي قد ماتقدري تفهمي المواد حتى مواد الحفظ ومو بس تحفظيها .. لانه الاسئله تقريبا تعتمد على فهمك للماده + حفظك

وتقدري بأذن الله تستخدمي الاله الحاسبه العلميه

وماأقدر اقول لك اذا التخصص سهل ولا صعب .. كله هذا يرجع لحبك للتخصص لانك لو حبيتي الشئ راح تستسهليه والشئ الثاني يرجع لمذاكرتك أول بأول , لانك لو راكمتي عليك راح تشوفيه شئ مو طبيعي وهو بالاصل سهل

واخيرا ماأوصيك استخيري الله وادعي الله دايما بالفتح
والله يفتح عليك ويدلك لكل خير يارب

[abunawaf_4040]

والشي المهم الي لازم تعرفينه ان هذا التخصص غير معتمد

[شسويله]

ي اخينا فالله كيف غير معتمد القسم؟

[مناااؤي(:]

لحظه امانة علمؤنا كيف غير معتمد قؤلؤ لي من اللحين عشان احؤل اذا جد ماله مستقبل ؟

[a bdullah]

السلام عليكم ورحمة الله وبركاته

يا اخوان معتمد / غير معتمد

طيب انا اول ترم في التخصص كيف ؟

الي عنده معلوم لا يبخل علينا ..

[محمد القريني]

المشاركة الأصلية كتبت بواسطة abunawaf_4040 والشي المهم الي لازم تعرفينه ان هذا التخصص غير معتمد

البرنامج معتمد من سنتين الله يحفظك

[بحوور!]

المشاركة الأصلية كتبت بواسطة fatmah4 السلام عليكم انا تعليم عن بعد وحابه ادخل علوم اداريه وعندي كم سؤال ياريت تردو عليه ؟ كم ماده علميه ؟ عرفت انو محاسبه واقتصاد جزئي وكلي وطرق كميه فيه غيرها او بس ذي وياريت ترتبوها ليه من الاسهل للاصعب ؟ + وكل الكتاب مسائل او جزء منه ؟ الدراسه عربي صح او لا ؟ نقدر نستخدم الاله العلميه في الاختبار ؟ عموما التخصص سهل او صعب ؟ طبعا انا شوفت الخطه الدراسيه بس حبيت اشوف تجاربكم !! وشكررا .

وعليكم السلام ورحمة الله وبركاته

حابه تدخلي فا عندي نصيحة لك .. أول شي التخصص هذا كله مواد علمية حسابية وقليل هي مواد سهله مثل الثقافة واساليب وخدمة مدنية وموارد بشرية وعلوم سياسة ، وعلوم سياسة سعودي هذي مواد سهله وتساعدك صح دسمه وحفظها كثير بس سهل كلام موجود واشياء معروفة من معلومات الثقافة في حياتك وبتستمتعي في دراستها
والاستاذات عندك / تغريد فلمبان ، منى الرفاعي ، عايض ،

أما المواد العلمية الحسابية : أقتصاد جزئي ، طرق كمية ، محاسبة حكومية ، نقود وبنوك ، أقتصاد كلي وغيرها الخ هذي مواد تحتاج أحد متخصص في علمي في ثانوي
يعني لو أنتي أدبي رح تتعبي على نفسك كثير وتحتاجي تروحي مع أستاذات يفهموا صح مثل أنيسة تركستاني ـ وأميمة الغفاري ، أحمد رياض ، وأو تحتاجي حنان جعشم وتسمعي المحاضرات وتطبعي أسئلة مراجعة اللي في موقعهم وتذاكري من اللي يحددوا لك وتراجعي من مراجعة وتطبعي نماذج أسئلة من موقع هذا وتختبري نفسك وتشوف كيف ترا فاهمه أو تحتاجي تركيز زيادة ..

في الاخير التخصص حلو وممتع بس مواده دسمة وتحتاج من بداية ترم تذاكريه لان قبل الاختبارات ما حتقدري تختمي بدري لان مواد كثيرة والكتب حجمه كبير وفهمه متعب ويحتاج تركيز ومراجعة لانك رح تنسي لو مارجعتي من كثر معلومات


والله يوفقك .. استخيري والله يكتب لك الا فيه خير
" أهم شي ذاكري من بداية ترم عشان ماتتركم عليك هذي فعلا نصيحة كنت أتمنى أحد قال لي ..
وعلى فكرة أنا السنة الجاية و بعدها يبقى لي ترم واتخرج إن شاء الله على خير يعني عارفة أغلب مواد.. أسالي مجرب "

[مناااؤي(:]

الحمدالله طلع معتمد اشؤا والله كان عاجبني ؤماؤدي اغيره بس خفت يؤم قالؤا مؤ معتمد اللي يؤفقنا ي رب

[abunawaf_4040]

اتصل على المسئول الاستاذ تركي العمودي
وراح يعطيك الخبر
هذا الي قاله ان لسى مااعتمدوه