بخصوص الترم الصيفي للطلاب للفائده

[عبدالله بن نمشان العجمي]

السلام عليكم

بخصوص الترم الصيفي لنا ياطلاب الانتساب كلمت الكول سنتر




وبعد اللطعه والانتظار رد علي




وسالته عن الحذف والإضافه للمواد للإنتساب




قال بيبدا الاسبوع الجاي للانتساب الاسبوع هذا للإنتظام والأحد الجاي بنبدأ بالانتساب




وسالته عن الرسوم وقال تقدر تسدد الحين والاسبوع الجاي بتنزل المواد كلها




وسلامتكم




والله يكتب اللي فيه خير

[زمن يافن]

يعني كم التاريخ يبدأ تسجيل الصيفي بالنسبة للمنتسبين الله لايهينك

[عبدالله بن نمشان العجمي]

سالته انا قال التسديد متاح الحين اللي بيسدد بكيفه

لاكن المواد ماتنزل الا الاسبوع الجاي حسب افادة الموظف

الاسبوع هذا للانتظام تعديل المواد والاسبوع الجاي للانتساب

[سلطان نزال]

اقدر اختار المواد قبل التسديد ومتى تنتهي فترة التسديد انتساب

[المغربي1420]

يااخوان الي عنده اعفاء من الرسوم
هل يدخل الترم الصيفي في الاعفاء

[نادر الوجود2012]

مو معقول ترم صيفي وبرسوم وقلق
وبس 9 ساعات

[عبدالله بن نمشان العجمي]

انا خريج باذن الله صيفي

باقي 8ساعات علي وان شاء الله افتك من الجامعه وغثتها

عسا ربي يكتب لي ولكم التوفيق يارب

[ضييف]

عبدالله بن نمشان


بتسدد والا بيعفونك؟


حتى انا بتخرج فالصيفي ان شاء الله باقيلي 14 ساعه

بس ماقدري بيعطونا اعفاء حن يالخريجين

[عبدالله بن نمشان العجمي]

لا الاعفاء مايشملني

الاعفاء يشمل اللي عندهم إعفاء

واللي باقيلهم ماده وحده يعفون دايركت هذا اللي اعرفه يعني ياحبيبي 3000ريال الله لايهينك تدفعها

[mo7ammed7]

المشاركة الأصلية كتبت بواسطة عبدالله بن نمشان العجمي لا الاعفاء مايشملني الاعفاء يشمل اللي عندهم إعفاء واللي باقيلهم ماده وحده يعفون دايركت هذا اللي اعرفه يعني ياحبيبي 3000ريال الله لايهينك تدفعها

اخ عبدالله .. السلام عليكم

انا بقي لي ماده واحده .. كيف طريقة التقديم على الاعفاء
لانه لم يتم الاعفاء وطالب الاوديس بالسداد قبل الاضافه

وجزاك الله خير