هل يوجد منح للماجستير ؟؟

[miss-busy]

السلام عليكم ورحمة الله

أنا

طالبة انتساب تخرجت هذا الترم ولله الحمد ، حابة أكمل ماستر بس ضايعة وفي كثير أشياء مو عارفتها

عرفت الشروط المطلوبة وبسعى لها إن شاء الله

بس حابة أعرف كيف الرسوم وهل في منح لدراسة الماستر ؟؟ حتى للانتساب ؟؟

وإذا فيه مع مين لازم أتواصل ؟؟


شاكرة لكم

[سمو العلم]

و عليكم السلام و رحمة الله و بركاته


أولا: يوجد ماجستير عام (الدراسة مجانية و الدوام صباحي)
يوجد ماجستير خاص (الدراسة مقابل مبلغ يختلف على حسب التخصص و الدراسة مسائية)
بالنسبة للسعوديين فتكاليف الدراسة مدفوعة عنهم في الماجستير الخاص.

ثانيا: بكالوريوس الانتساب بإمكانهم إكمال دراسة الماجستير سواء عام أو خاص

ثالثا: لا يوجد ماجستير انتساب و لكن يوجد عن بعد لتخصص نظم المعلومات الجغرافية

وفقك الله

[miss-busy]

الله يسعدك ياقلبي ويجزاك كل خير

ماقصرتي


طيب أيهم أفضل ؟ العام ولا الخاص ؟ ليش في برسوم ومن غير رسوم ؟

[بطالة مع مرتبة الشرف]

برسوم يناسب فئة الموظفين وانصحك تفتحي موقع عمادة الدراسات العليا وتشوفي شروط البرامج وايش اللي يناسبك

[غزلان جدة]

المشاركة الأصلية كتبت بواسطة miss-busy طيب أيهم أفضل ؟ العام ولا الخاص ؟ ليش في برسوم ومن غير رسوم ؟

اختي الفاضلة: ليس هناك افضل في احدهما كلاهما نفس الشيء, بس مثل ما وضحوا لك العام صباحي والخاص مسائي اعتقد والمسائي ايامه ووقته يناسبك لوكنتي موظفة
يعني لكلٍ وقته هذا الفرق , وكمان الخاص لايحتاج تفرغ لمن هم على راس العمل ,,عموما يمكنك الدخول على موقع الدراسات العليا لتعرفي اكثر ....

تمنياتي لك بالتوفيق والتميز.....

بس حابة اعرف وجهة نظرك بعد انتهائك من قسم علم النفس : هل هو ممتع ام متعب ؟ طبعا كل دراسة ولها اجتهادها وصبرها لكن مارايك عموما في دراسة علم النفس انتساب هل طريقة الاختبارات التضليل مجدية
للحصول على درجات عالية لو اجتهدنا؟

بانتظارك.....

[miss-busy]

المشاركة الأصلية كتبت بواسطة بطالة مع مرتبة الشرف برسوم يناسب فئة الموظفين وانصحك تفتحي موقع عمادة الدراسات العليا وتشوفي شروط البرامج وايش اللي يناسبك

الله يسعدك ويجزاك خير حبيبتي ماقصرتي

المشاركة الأصلية كتبت بواسطة غزلان جدة اختي الفاضلة: ليس هناك افضل في احدهما كلاهما نفس الشيء, بس مثل ما وضحوا لك العام صباحي والخاص مسائي اعتقد والمسائي ايامه ووقته يناسبك لوكنتي موظفة يعني لكلٍ وقته هذا الفرق , وكمان الخاص لايحتاج تفرغ لمن هم على راس العمل ,,عموما يمكنك الدخول على موقع الدراسات العليا لتعرفي اكثر .... تمنياتي لك بالتوفيق والتميز..... بس حابة اعرف وجهة نظرك بعد انتهائك من قسم علم النفس : هل هو ممتع ام متعب ؟ طبعا كل دراسة ولها اجتهادها وصبرها لكن مارايك عموما في دراسة علم النفس انتساب هل طريقة الاختبارات التضليل مجدية للحصول على درجات عالية لو اجتهدنا؟ بانتظارك.....

أول شي جزيييييييل الشكر لك ياغالية عالإفادة

ألف شكر لكم جميعا وضحتولي كل شي ما قصرتوا


ثانيا : بخوص علم النفس التخصص أكثر من رائع وجمييييل جدا وممتع ، الحمد لله لقيت نفسي فيه ، وأساتذة القسم الله يجزاهم خير رائعييييييييين

مثلوا التخصص وكثير منهم أفادنا بخبرته " ربي يكتب أجرهم "


لكن المشكلة فيه واللي ما أقدر أتجاهلها ولا يتجاهلها غيري إن التخصص عملي تطبيق أكثر يعني يحتاج انك تنزلي تطبقي وتمارس تدخلي معمل وتدربي على تطبيق المقايس وهكذا

إحنا الإنتساب من هذي الناحية انظلمنا يعني اتخرجنا وفي كثير مقاييس مانعرف كيف نطبقها ، نحتاج نشتغل على نفسنا دورات وممارسات واحتكاك بأهل الخبرة

ضروري جدا لأن أغلب دراستنا نظري

واللي سمعته إن الأن قفلوا التخصص للإنتساب لأن فعلا صعب تستفيدي كويس منه في الإنتساب إلا زي ماقلت تدعمي نفسك بنفسك


وبالنسبة للإختبارت التضليل ماشفت فيها أي مشكلة ومشي الحال ودرجاتي الحمد لله عالية ماتنزل عن a+ ولله الحمد سواء كانت تضليل أو تصيح يدوي

من هذي الناحية لاتخافي دامك تحسني التضليل



الله يوفقك لما فيه خيرك ويرضيك يارب

[غزلان جدة]

تسلمين اختي الفاضلة عالرد وطرح وجهةنظرك في ذلك ماقصرتي.....جعل الله ذلك في موازين حسناتك....

وفقك الله في مشوارك القادم ............ووفقنا اجمعين فيما يحبه ويرضاه

[بيو كيميائية ^_^]

برامج الماستر الخاص ما فيها رسالة بمشروع بحثي فقط

يعني برامج تنفيذيه فقط

[miss-busy]

المشاركة الأصلية كتبت بواسطة غزلان جدة تسلمين اختي الفاضلة عالرد وطرح وجهةنظرك في ذلك ماقصرتي.....جعل الله ذلك في موازين حسناتك.... وفقك الله في مشوارك القادم ............ووفقنا اجمعين فيما يحبه ويرضاه

العفو ياقلبي

اللهم آمييين

المشاركة الأصلية كتبت بواسطة بيو كيميائية ^_^ برامج الماستر الخاص ما فيها رسالة بمشروع بحثي فقط يعني برامج تنفيذيه فقط

أيوه الله يسعدك

لقيت موضوع مقارنة بين العام والخاص واستفدت منه


يعطيك العافية يارب

[miss-busy]

طيب معليش بسأل سؤال

يارب يكون عندكم فكرة

أنا الحين عرفت ان الماجستير العام مجاني

بس هل يقبل فيه السعودين وغير السعودين ؟؟!!

أنا مقيمة مدري لو ممكن تكون لي فرصة الدراسة

معدلي عالي ولله الحمد وحصلت على مرتبة الشرف بس هل يحتاج الموضوع إني أقدم طلب منحة أو شي زي كده ؟

لو يحتاج عشان أعمل حسابي وأبدأ في الإجراءات

أفيدوني الله يسعدكم