باصات أبوسرهد وشروطهم ؟!!!

صدى الضمير · #1 02-09-2014, 08:10 PM

السلام عليكم ورحمة الله وبركاته
باصات أبو سرهد لها باصات صغيره تودي لحد البيت صح ولالا؟؟
أخوي راح لهم قالوا له لامانودي لحد البيت !!
وإذا تبغى عطنا 1200وخلها تروح إذا نزل البنات في بيوتهم ينزلها كمان !!!
همهم الفلوس .
مع انه قبلها بيوم أتصل عليهم وقالوا له نوصل لحد البيت بس اليوم الاول انت تجيبها وهي في الرجعه تدلينا على البيت
ولما جاهم تغير كلامهم ،،
أنا من الشرايع ،،
فيه بنات من الشرايع ينزلونهم بالبيت ولالا؟؟
💔

Engy93 · 02-09-2014, 09:16 PM

والسلام عليكم ورحمة الله وبركاته,

انا لي سنتين اروح مع ابو سرهد بس هالترم باقي ما اداومت معاه,
انا من النوارية و ايه نعم يجي باص صغير ياخذني من البيت لعند الباص الكبير,,, السنة قبل اللي فاتت كان ب800
و السنة اللي راحت كان ب1000

بس اللي انا اعرف ان الشرايع الوحيدين اللي ما لهم باص صغير, وياما البنات كتبوا للشركة و طلبوا باصات بس لا حياة لمن تنادي و كالعادة يقولون اكتبوا اسماءكم و بعدها يسحبون عليهم

الله يكون بعونك,

صدى الضمير · 02-09-2014, 09:23 PM

طيب هم قالوا له فيه باص صغير بس مايودي لحد البيت بس لحد المسجد
وهم البارح قالوا له يوصلون لحد البيت 💔

Engy93 · 02-09-2014, 09:28 PM

اتوقع لما قالوا ايه في باص يودي للبيت ما كانوا عارفين انك من الشرايع.

صدى الضمير · 02-09-2014, 09:45 PM

الا قال لهم من الشرايع وقالوا يودي
حتى ولو احنا ندفع نفس الفلوس اللي يدفعونها البنات اللي يوصلونهم لحد البيت
على الاقل يقللون السعر،،
ليه كذا !!
يعني مافي امل يجيبوني لحد البيت 😭

Engy93 · 02-09-2014, 09:49 PM

انا نفسي القى احد غيرهم بس مافي :(

صدى الضمير · 02-09-2014, 10:02 PM

فيه باصات من مؤسسه الابداع كلمناهم وقالوا طيب بس نرد لك خبر بعد يوم او يومين
خير ليه كذا !!عندي محاضرات والاستاذات بدأو المحاضرات وانا بالبيت 💔😢

Engy93 · 02-09-2014, 10:06 PM

معليش فين هذي المؤسسة؟ و كيف اسعارهم و كيف نظامهم؟

اذا على المحاضرات احكيلهم انك من مكة وطولتي على ما لقيتي باص وان شاء الله بيعذرونك.
بالتوفيق

صدى الضمير · 02-09-2014, 10:38 PM

هي من الطايف بس اتوقع لهم مكتب هنا
احنا اتصلنا عليهم وقالوا الشهر ب1000وقالوا متى دوامها وكل يوم وسجل اسمي
بس ماني متأكده منهم لانه قال ارد خبر بعد يومين
وكمان قريت بالفيس بوك على صفحتهم كلام موكويس عنهم بس
مانقدر نحكم لين نجربهم ، وهم بس سبوا ماقالوا وش اللي موكويس فيها ،

صدى الضمير · 02-09-2014, 10:39 PM

طيب انا سمعت انه فيه حرمة تكون في نقطه التجمع ؟صح ولالا ؟
ووين نقطه التجمع ؟؟.اللي فيها الحرمة ،،،
الحرمة اللي تسجلني في أبو سرهد ،،

باصات أبوسرهد وشروطهم ؟!!!

ملتقى المنتظمين