وفجأة تغير تخصصي والخطه الدراسه فالمستوى السابع

[طمووح راقي]

السلام عليكم جميعاً ..

انا طالب منتسب / تخصص رئيسي: علم اجتماع وخدمة اجتماعيه ، المسار: خدمة إجتماعيه

ندخل فالموضوع .. بدايه دراستي فالجامعه كانت لهدف تخصص خدمة اجتماعية المهم درست الين المستوى السادس في هذا التخصص ولما بديت بدرس المستوى السابع سددت الرسوم وجيت ابي اضيف واحذف مواد تفاجأت انو موارضي يقبل ولا مادة من باقي خطتي الدراسيه المهم اتصلت على رقم خاص بشوؤن الطلاب وكلمت الموظف وقال انت عندك خطا فالتخصص انت علم اجتماع وهاذي خطتك خدمه اجتماعيه قلتله مو صحيح انا من دخلت واخترت التخصص وانا خدمه اجتماعيه قال لا انتساب مافيه خدمه اجتماعيه !! الخدمه الاجتماعيه خاصه بطلاب الانتظام فقط ، قال لازم يتغير تخصصك الى علم اجتماع علشان تقدر تضيف وتحذف وقال برفع لك طلب بتغيير مسمى التخصص الى المشرف وبيجيك رد ان شاءالله المهم رفع طلب من عنده وبعد شوي شيكت الا تخصصي متغير الى تخصص علم اجتماع وتم تغيير المواد اللي في خطتي الدراسيه كذلك .. ورجعت اتصلت عليهم مره ثانيه وكلمني نفس الموظف وقلتله ليش كذا غيرتوا تخصصي قال هذا خطأ من العمادة واحنا عدلناه لك قال الحين تقدر تضيف وتحذف مواد .. الحين بأي حق يغيرون تخصصي وليش ما نبهوني من اول ما اخترت التخصص انك علم اجتماع وليس خدمه اجتماعيه افيدوني بهذا الخصوص اخواني واخواتي جزاك الله خير .. وحسبي الله ونعم الوكيل على كل ظالم، واسف على الاطاله

[نوره الحمودي]

وعليكم السلام ورحمة الله وبركاته

القسم اسمه قسم علم الاجتماع والخدمة الاجتماعية

ويحتوي مسارين

مسار علم الاجتماع وهذا مفتوح انتظام وانتساب


ومسار خدمة اجتماعية وهذا فقط انتظام


استغرب حقيقة أنه طول دراستك حتى المستوى السادس ما سبق اتكلمت مع أحد من زملائك أو عرفت أنه مسار الخدمة الاجتماعية غير متاح لطلاب الانتساب

عموما تستطيع بعد التخرج إن شاء الله أن تلتحق بالعديد من الدورات التي يمكن أن تسد شيئا من الخلل حول عدم دراستك لمواد الخدمة الاجتماعية

وإذا معدلك عالي تستطيع أن تلتحقربدراسة الماجستير إن توفرت بك جميع الشروط وحينها يمكن أن تحضر مشروعك أو رسالتك في الخدمة الاجتماعية

وربي يوفقك لما فيه الخير في الدنيا والآخرة

[قلب الحياه]

وعليكم السلام ورحمة الله وبركاته

مثل ما أفادتك دكتورتي نوره الحمودي جزاها الله خير

بالتوفيق

[عبدالله ابراهيم المسعود]

حياك الله يا غالي
من قبل ثلاث سنوات والخطأ مستمر لغالبية الطلاب والطالبات في المستوى السابع والثامن ونزلت اكثر من موضوع عشان انبه الجميع بالخطأ لان الانتساب فقط لهم علم اجتماع والكثير غيرها في وقته وبعضهم اول ما وصل السابع مثلك اخوي الموضوع ما فيه ظلم نهائيا لانا كلنا من دخلنا وعارفين ان الانتساب فقط لهم علم اجتماع ولو دخلت للمسارات راح تلقى المسار فقط علم اجتماع للانتساب وشكل متابعتك قليلة لموقع الكلية والمنتدى والا كان عرفت الوضع من بدري فلا يضيق صدرك ولا شي الخطأ حصل من تغير نظام الاودس للوضع الحالي وحتى تاريخه لم يتم تعديل الخطة لطلاب الانتساب الا بالحضور للكلية او الاتصال على الشئون التعليمية بالكلية لتغييرها نتمنى لك التوفيق ومواصلة الماجستير في تخصص الخدمة الاجتماعية قريباً

[طمووح راقي]

اهلين ومرحبتين بالجميع ..

يا جماعة الخير انا مو ذنبي اني ما ادخل للمنتدى كثير او اني ما اقرأ المواضيع بشكل كامل ، هذا انت قلتها خطأ من 3 سنوات ويمكن اكثر واكثر للحين ماتعدل الخطأ يحملوني خطاهم واخفاقاتهم ليش ؟ معقولة 3 سنوات وماتم تعديل الخطأ هاذي مشكله ف الكوادر الفنيه لو في أي دائره حكوميه اخرى لعذرناهم اما في جامعة عريقه للأسف مايعذرون .. نعذرهم للخطأ في حالة وحده اذا انهم تكلموا واعتذروا في خطاهم وارشدونا بهذا الخبر اثناء الاختبارات او اثناء الدوارت التأهليه بكذا نعذرهم اما احنا نكتشف الخبر وننصدم فيه وبعد ذلك توهم يصحصحوا ويفتحوا عقلوهم ويقولوا خطا من العماده وكذا وكذا ، اذا انا عندي مكتوب تخصص علم اجتماع وخدمة اجتماعية والمسار خدمة اجتماعية والخطة كذلك خطة الخدمة الاجتماعيه ايش المصلحة اني اسأل زملائي بتخصصاتهم هم ممكن مختارين علم اجتماع او ليس عندهم معلومات بهذا الخصوص ..

[طمووح راقي]

والله بديت اكره الجامعه واكره تخصصي بسبب تصرفات منسوبي الجامعه ولكن الحمدلله على كل حال انا اعترف واقولها بهاذي الجامعه تعلمنا الغموض بأشياء كثيره .. قبل كنت بحول منتسب الى تعليم عن بعد كلمتهم قالوا عن طريق الأودس جيت بحول الايقونه مو مفعله رجعت بعد يومين اكلمهم قلتلهم عن المشكله والايقونه ليست بمفعله قالي عن طريق ارسال معامله الكترونيه رسلت معامله ماردوا فيها الا بعد شهر من ارسالها والترم بدا والعالم درسوا شهر منه المهم كلمته الاسبوع الثاني من الدراسه وقلتلهم كل السالفه وكلامهم اللي دلوني عليه وماشفت اي تطور والى الان لم يتم تحويلي قال عطني رقمك الجامعي اعطيته الرقم قال انت منتسب الان قلت نعم وانا ابي تعليم عن بعد قال انتهت مدة التحويل كانت الاسبوع الماضي وقفلت قلت ومين المسؤول بهاذي التصرفات والارشادات الخاطئه قال ما ادري قال بإمكانك التحويل الترم المقبل قلت وقتها لا استيطع التحويل لاني مع هذا الترم اتجاوز عدد نصف الساعات المطلوبه علي وبكذا لا استطيع التحويل قال نعم بكل فخر وود قلت حسبي الله على من كان السبب وقفلت ، انا مرتبط في عمل فالمنطقة الشرقية ولا استطيع الحضور للجامعه بشكل مستمر علشان اقدر اواجه مشاكلي مع الجامعة بشكل مباشر.. اتمنى من الجميع تفهم مشاكلي بشكل اوسع ولا يحط اللوم والعتب علي قبل ما يحمل الجامعه كامل المسؤولية ، مثل ماقلت في هاذي الجامعه نفتقد للتوعية والارشادات الطلابيه ونكتسب الغموض وقلة العلم والمعرفة كطلاب انتساب لا اعلم عن طلاب الانتظام والتعليم عن بعد

[طمووح راقي]

جامعة الملك عبدالعزيز اشك في انها جامعة خاصة وليست جامعة حكومية ، كل همهم المادة فقط اهم شي تدفع الروسوم والباقي بكيفك جعلك ماتعلمت الحين ليش مايرسوا بادروا ف التسجيل بالدورات التأهلية مثلا او غيرها ، فالحين فقط .. بـ بادر بسداد الرسوم قبل انتهاء المده ، بادر بالتسجيل بإختبار المناطق .. يرسلوا اكثر من رساله بهذا الخصوص وانا اشهد لهم فيها ليش يكرروا فالرسايل هاذي لانها فيها رسوم فيها فلوس اهتامهم فيها اكبر ليش مايهتمون بالأشياء العلميه والمفيده لانها من غير فلوس ، حتى توفير محاضرات مسجله للطلاب مافيه الا بس للطالبات احنا يالطلاب ممكن مو تبعهم ممكن تبع جامعة اخرى .. فقط موفرين للطلاب مواد السنة التحضيريه مسجله اما مواد التخصص لاتوجد لها محاضرات الا للطلابات وشرح مشي حالك الا من رحم الله .. اي احد من الطلاب او الطالبات يقدر يشرح مثل شرحهم وربما افضل لانهم ينقلون اللي فالكتاب نفسه مايزودوا ولا كلمة عليه .. بالعربي عندهم مبدأ ادفع رسومك وجعلك مادرست ولا تعلمت ، اما الجامعات الثانية يهتمون فالطالب اكثر من اهتمامهم ف المادة والرسوم وسلامتكم جميعاً هاذي معاناة طالب منتسب ومتأكد ان الطلاب المنتسبين جميعهم يقولون هذا الكلام اتمنى من منسوبين الجامعة النظر في طلابهم المنتسبين نظرة اب لإبنه فقط .. هذا والسلام عليكم ،،،

[نوره الحمودي]

الكريم طموح راقي

أقدر هذه المعاناة ولكن هكذا غالب المؤسسات يجب على من ينتسب إليها أن يبحث عن المعلومة ويتأكد من كل خطواته فيها

أفضل أن تنقل معاناتك هذه لمدير الجامعة

http://university-president.kau.edu....ng=AR&cid=2536

وهو إنسان كريم وستصله رسالتك وشكواك إن شاء الله


فالمهم هو إيصال الصوت بما لدينا من ملاحظات لعل التغيير يكون للأفضل

وفقك الله لما فيه الخير

عسى أن تكرهوا شيئا ويجعل الله فيه خيرا كثيرا

[NORY]

شيئ عجيب !!!!
والمواد اللي درستها من تخصص الخدمة الإجتماعية تروح بالفاضي؟؟
والستة أترام تروح هدر؟؟
وتبدأ من الصفر ؟؟
عشان موظف جالس تحت المكيف من كثر الراحة نام عن شغله

والله لو أنا في نفس الموقف إني لآخذ إجازة حتى لوتوصل أسبوع وأجي لمدير الجامعة ولا اتنازل عن تخصصي
زي ما درست إنتساب ستة أترام خدمة إجتماعية وأثبتت جدارتك فيها رغم إنها للإنتظام فلازم يسمحوا لك تكمل خدمة إجتماعية
وإذا فيه مواد عملية فيشوفون لك حل فيها
المسؤول في الجامعة عن هذي الغلطة هو اللي يدفع الثمن
مو الطالب اللي أنغلط فيه يدفع الثمن من وقته وماله وجهده وسنين عمره
لاااااااااا تتنازل ... إحنا إذا قرب الواحد يتخرج ونط له مادة ما درسها ينصدم .. كيف لما تنط كل المواد

[مطيع ربه]

المشاركة الأصلية كتبت بواسطة nory شيئ عجيب !!!! والمواد اللي درستها من تخصص الخدمة الإجتماعية تروح بالفاضي؟؟ والستة أترام تروح هدر؟؟ وتبدأ من الصفر ؟؟ عشان موظف جالس تحت المكيف من كثر الراحة نام عن شغله والله لو أنا في نفس الموقف إني لآخذ إجازة حتى لوتوصل أسبوع وأجي لمدير الجامعة ولا اتنازل عن تخصصي زي ما درست إنتساب ستة أترام خدمة إجتماعية وأثبتت جدارتك فيها رغم إنها للإنتظام فلازم يسمحوا لك تكمل خدمة إجتماعية وإذا فيه مواد عملية فيشوفون لك حل فيها المسؤول في الجامعة عن هذي الغلطة هو اللي يدفع الثمن مو الطالب اللي أنغلط فيه يدفع الثمن من وقته وماله وجهده وسنين عمره لاااااااااا تتنازل ... إحنا إذا قرب الواحد يتخرج ونط له مادة ما درسها ينصدم .. كيف لما تنط كل المواد

أختي فهمتي غلط

طبعاً نحن طلاب الانتســــــاب مالنا سوى مسار واحد فقط وهو ( مسار علم الاجتماع ) وليس مسار الخدمه الاجتماعية

وكلام الأخ صحيح أصلاً جميع الطلاب المنتسبين نفس وضعه مسار خدمه اجتماعية واذا وصل الطالب أو الطالبه المستوى السابع

لا يستطيع اضافة اي مادة إلا بعد تغير المسار . هذا ما أحببت اوضحه لك .