المواريث والوصايا

[Abdullah743]

السلام عليكم ورحمة الله وبركاته
بسم الله


استفسار الله لا يهينكم ..


مين أفضل دكتور لمادة "المواريث والوصايا" لأنه أنا محتار بين دكتورين:-

1- محمد إسماعيل عثمان زين
2- بلقاسم ذاكر محمد الزبيدي

^^
أياتهم أفضل من ناحية الإختبارات وهل هيا مقالية أو موضوعية؟؟ وكمان من ناحية الشرح؟؟ وكمان كيف تقسيم الدرجات عندهم والتكاليف؟؟

ي ليت إللي قد أخذ عندهم يفيدوني ... وشكراً جزيلاً

[rival soul]

انا اخدتها عند محمد زين ...ناسي تقسيم الدرجات ولله لاني اخدتها اول تيرم ...عالعموم الدكتور طيب وشرحو مرا حلو ومسهل المادة وجزئية الوصايا بسيطة من الكتاب تذاكرها لكن المواريث كان يشرح ويقول اكتبو معايا من السبورة ويكفي مذاكرة اللي تكتبو وتلخيصو حلو وتمام ...اختباراتو اختيارات ومو صعبة ..عادية ..في كان تكليف (بحث) برضو من عشر درجات اعتقد ...واخدت عندو 90 صراحة انصح بالدكتور دا كويس ...

[نواف النباتي]

عليكم السلام ورحمه الله وبركاته

بالنسبة لـ د. بلقاسم جديد لا اعلم عنه شيء

ولكن د. محمد زين جدا محترم وخلوق ومع المتابعة معه تحصل على درجات عالية
وأنصح به

موفق

[thekra'a]

آخذت هذا الترم عند دكتور محمد زين
دكتور محترم جدا وخلوق وتعامله كويس
تقسيم الدرجات كالآتي:
20 درجة دوري أول وكانت في جزئية بسيطة الوصايا
20 درجة دوري ثاني في المواريث
20 تكليف وكان عبارة عن بحثين بالنسبة للطالبات وبحث ومشاركة
بالنسبة للطلاب
40 نهائي
وأعطانا واجبين عليهم درجات بونس
من ناحية الشرح يفهم وشرحه ممتاز وتكتب معاه في جزئية المواريث وتذاكر من إلي تكتبه
لأن الكتاب كثير وملخبط .
اسئلته تظليل إختياري وصح وخطأ
الشيء السلبي فيه إن إختباراته من 10 فقرات يعني كل فقرة عليها درجتين .

[عبدالرحمن الجهني||~]

هلا اخوي
بالنسبة لمادة المواريث انا درستها مع الدكتور مازن بخاري
ولو نزلت عنده انصحك تاخذها معه وبشدة لانه راح تاخذ درجة فوق الـ 90
وبالنسبة لدكتور محمد زين وجدت ناس كثير تمدحه
بالتوفيق لك

[خلود الكندي]

د محمد لا يعلى عليه يعطيك المختصر المفيد تقسيم الاسئله عندو 20 دوري من 10 اسئله اختياريه وصح وخا يعني السوال بدرجتين بس سهله ونفس الي يقولو مايجيب شي بعيد ابدا والنصفي برضو نفس النظام والنهائي كمان من 20 سوال
وتبقى في يدو 20 يخلي عليها 10 بحث فردي و10 بحث جماعي واذا ماتبا جماعي تسوي بحث فردي
ولمن تجاوب ع اسئلتو في الكلاس يعطيك بونسات ولمن يغيب يطلب تكليف بسسسسسيط عليه بونسات كمان يعني ممكن تجمع معا 10 درجات بونس
اما بلقاسم يمدحونو كمان بس ماخذت معاه