إيش أفضل طريقة مذاكرة رياضيات 110

[Mawaddah15]

السلام عليكم .. لو سمحتوا ممكن أحد يقوللي على ايش أفضل طريقة أذاكر بيها رياضيات 110؟؟
لأني كنت شايفة طريقة مذاكرتي في الإختبار الأول والتاني كويسة بس لما دخلت الإختبارين خبصت :\
طريقتي كانت إني أفهم الأمثلة اللي معانا وكل شي بعدين أحل ووركشوب البروفيسور حمزة أبو جبل
واللي يزعّل إني أحضر كل المحاضرات وأكون فاهمة بس في الإختبار يصير كدا .. قلت أكيد في شي غلط في طريقة مذاكرتي
ياريت اللي عندهم نصيحة تساعد يردوا

[Somaiah Yousef]

وعليكم السلام ورحمة الله وبركاته

بالنسبة لي ما اشوف الوورك شوب مفيد أبدا .. ومامسكتو غير في الدوري الأول وشفت اسئلته جدا سهلة وماتقارن بأسئلة الاختبار :) يمكن كويس للأولاد .. ممكن تحليه اخر شي وقت الفضاوة عشان تريحي ضميرك :)

المذاكرة إنك تقري الدرس وتفهميه .. وبعدين تمسكي الامثلة وتحليها بيدك بدون ماتشوفي الكتاب ..

وبعد ماتخلصي من الامثلة لازم لازم تحلي الهوم وورك

فكرة الماث إنك تدربي يدك كثير على كل الاسئلة وكل الافكار

وبرضو فوق دا كله حتشوفي اسئلة في الاختبار خارجة عن افكار الكتاب

هذي خليها لقدراتك عاد :p

والبونس يكفي ويوفي مشاء الله .. يغطي دي الاسئلة الخارجية :)

انا هذي طريقتي وجبت 100 في الماث

[يآآرب]

الرياضيات يعتمد اكثر شيء ع مهاراتك وقدراتك في حل المعادلات الرياضية يعني يمكن اللي يجيك فكرة ماقد مرت عليك بس اذا انتي كويسه في حل المعادلات بيمشي وضعك تماام وطبعا انت لاززم تفهمي كل حاجة فالكتاب التمارين والاكسرسايز والورك شوب تبع ابوجبل وكمان لو تبي تمرني يدك اكثر خذي ملخصات السعدي او اشرف بركات واجلسي حليهاا وبكدا تقدري تجيبي فل مارك باذن الله

[بنت مسلمة]

اعتقد ان افضل طريقة هي حل التمارين بكثرة وأفكار متنوعة وجديدة ، ولابد ان يكون معاكي مذكرات شاملة ووافية وفي نفس الوقت بسيطة وسهلة ، انا عن نفسي بعتمد على مذكرات دكتور محمد أبو زيد ، جدا روعة ومنظمة

[Mawaddah15]

شكرًا ح امشي على نصايحكم المرة الجاية إن شاءالله يعطيكم العافية 3>