اصدقائي محطميني في الدراسة 😢

[saloooh9]

السلام عليكم ورحمة الله وبركاته ...
انا طالب بكلية العلوم تخصص كيمياء .. احب الكيمياء جداً ب الرغم اني الحين طحت عند دكتور سي جداً لكن هذا ماهو موضوعنا ...
اللي ابي اوصله لكم اني كيف ممكن اتخلص من اصدقاء محطمين لن اعرف طلاب كثيرين لكن ما بينا الا سوالف بسيطه لكن اللي دايم امشي معهم طالبين وهذولاء الطالبين جداً يحطموني في كل شي ونا متنرفز منهم كثير وودي لو اقدر ابتعد عنهم لكن يرفضوا يمشون معي بالرغم اني لمح لهم لكن من دون فايده ولا يخطر ببالكم اني متكبر لا والله لكن فعلاً نفسي اتخلص منهم والشي اللي قاهوني انهم منزلين نفس المواد معي في الترم الجاي ونفس الشعب .. ابي حل وشكراً لكم واعتذر ع الاطالة ..❤️

[جامعيه 2010]

لا تسمع كلامهم حتى لو سبو المادة وكسرو مجاديفك سكر اذنك عنهم سلك لهم وسو اللي انت مقتنع فيه
هذا مجالك وطموحك لا تخلي احد يأثر فيك كانك ماتشوفهم
انا مثلا عندي احلام واهداف قاعده احاول اوصلها رغم التحطيم اللي اسمع فيه بس والله اذن من طين واذن من عجين ماخليتهم ياثرون فيني وهذا انا قاعده اوصل لحلمي

مشكلة البعض يحب يكون فريسة سهلة للاخرين وتحطيمهم واحباطهم هم يقولو كذا من فشلهم والسلبية الي بداخلهم
انت خلك ايجابي لا تفكر بالامور السلبية والكلام اللي مايودي ولا يجيب
اذا ماقدرت تصاحب ناس ايجابيين حاول ماتخلي احد ياثر فيك وحفز نفسك قد ماتقدر من يقولو لك كلمة تحبطك شيلها من راسك وتذكر طموحك وحفز نفسك بنفسك
والكيمياء تخصص جميل وله مستقبل وفرص العمل فيه كثيره اكثر اللي تخرجو منه حصلو ع وضايف مرموقه ورواتب عاليه

ودامك تحبه وعن قناعه ركز فيه بتبدع

والله يوفقك

[عبدالرحمن س م]

قوي شخصيتك وتخلص منهم بكل بساطه .. يعني اذا جو عندك انت امشي على طول حتى بدون لا تستاذن منهم واذا قالو على وين قلهم مشغول وصد عنهم وامشي على طول

لا تكون عاطفي كثير .. وقوي شخصيتك واذا تقدر عطهم في وجيههم " انا ما ابيكم "

[fahd.71]

قولهم انك تحبهم و تلقائي بيسحبون عليك هههههههههههههههههههههههههههههههههههههه
امزح امزح لما يجونك صرفهم الين ما يفتهمون مثلا خلصت دوام اسحب ع البيت على طول

[إنتظــآر]

اذا تكلمو عن الدراسة حااول تغير الموضوع , و خل سوالفك في أمور ما تعجبهم لما حبه حبه يملون منك ويخلوك ف حالك

و ف الأول و الأخير دخل كلامهم من اذن وطلعه من الاذن الثانية

[واحد مسكين]

الله وكبر ي كيم كرديشان
استرجل استرجل وخل عنك علوم البنات
محطميني ياي
ياي مرا سعادا

[fahd.71]

المشاركة الأصلية كتبت بواسطة واحد مسكين الله وكبر ي كيم كرديشان استرجل استرجل وخل عنك علوم البنات محطميني ياي ياي مرا سعادا

هههههههههههههههههههههههههههههههههه استغفر الله
تلقاهه الحين يقول انا وش دخلني ذا المنتدى xDD

[saloooh9]

يعطيكم العافيه ع الردود .. وربي يسعدكم جميعاً 🌹

[AhmadAmer]

ياخي لا تفكر أنه في أحد جابرك تمشي معهم. أنت في النهاية حر في اختيار اصدقائك, حاول تصرفهم شوية شوية لين يبتعدوا عنك ياما قابلت شباب في الجامعة مُحطِّمين

[صادف غرورك عزة النفس فيني]

الله يعينك قسم بالله اكرهه الشخصيات المحطمه
انا مروا علي ناس اقذر من كذا كانوا يذاكرون ومايعلمون ع اساس انهم عباااقره المفروض مثل مانشارك بعض كل شي ننصح بعض ونسوي جدول للمذاكره مو تخبين عني انك تذاكرين وبعدين فل مارك مدري كيف يفكرون
الحملله على نعمة العقل يااارب


نصيحتي لك تبتعد عنهم او راح تخسر مستقبلك هاالاشكال ابدا مالمفروض نستحي منهاا
مووفق