خطة ألف والحاسب

[خديجة العيدروس]

السلام عليكم

وخلص أول سميستر الحمدلله و أتوقع طلعت درجات كل المواد
مممبرووك ولسسه عندنا فرصة نعوض الدرجات واذا حصلنا على درجات عالية نكمل على كدا وربنا يوفقنا

اووك سؤالي مادة الحاسب الأفضل أعادلها أو لا صراحة الين دحين ماعرفت أحد عادل بس في بنات يقولوا مادة سهلة جدا وتقدري تجيبي 100 بإذن الله فلا تعادليها
وبرضو سمعت يقولوا على حسب الاستاذة ممكن ترفع معدلك المادة دي او تنزلو

وكمان يقولوا اذا عادلتيها أفضل يصير تركزي أكتر في المواد التانية فما عرفت كيف

فأبغى رايكم في الموضوع وأبغى أعرف إذا احد منكم عادل او لا وهل تأثر في المعدل اذا عادلتها وهل تعرفوا بنات من الدفعات السابقة عادلوها
لأني صراحة مااشوف كتير عادلوها

ووبسس ..

[فاتحة]

ايوه صح كلامهم حتى البونس ابو خمسة تضمنيه مرة وتسويه أصلا في بيتك أو في المعمل . يعني بكيفك .
تحلي الموقع التفاعلي للاكسل والبوربونيت ويكون في فترة قبل ما يبدأ اول اختبار دوري ثاني
أنا جبت المية الحمدلله ما توقعت أبدًا بما ان استاذتي جد جد جد مافي أبرد منها .. يعني قبل السبت اللي هوا كان أول اختبار دوري ثاني قالت حيقفل الموقع ونرصد كم جبتي في البونس وللأسف انتو شكلو ماراح تاخذو البونس لانكم ما حليتو الاختبارات اللي تجي بعد التطبيقات في الموقع ... وانكرفنا في الويكند نحله .. لانها ما اعطتنا خبر عنه !!
وبما اننا اول ترم جامعي واول مرة يسوو الموقع وكان فيه اغلاط وكل مرة يعدلوه ويحدثو الموقع .. المفروض كانت تراعينا على الأقل , بس الحمدلله شفت درجتي مرررررة نسيت الالم ذا

أهم شيء انتي تطبقي كل شيء معاها .. والكتاب لا تذاكريه للعملي ابدا .. بس النظري ذاكريه
العملي سلايدات وواجبات محلولة في الموقع واتوقع كل الاستاذات ومنهم استاذتي كانت تسوي مراجعة للعملي لا يفوتك أبدا
وفالك المية إن شاء الله