مستقبل الادارة العامة

[baekhyun20]

السلام عليكم..

انا تخصصت إدارة عامة وهذا ثاني مستوى لي في القسم، وافكر اغير تخصصي بسبب الكلام السيء عن هذا القسم،كل ما قلت لاحد على تخصصي يقول انه قسم قديم وماعاد صار مرغوب في سوق العمل ! وماله وظايف جيدة كمان >< جدا مقهورة خصوصا انه معدلي ولله الحمد دايم عالي وطموحي اني اتخرج واحصل وظيفة حكومية كويسة بس الكل يقول ما راح يتحقق لك هذا الشيء اذا تخرجتي من هذا القسم لانه عام والأفضل الاقسام المتخصصة اللي هيا مسارات إدارة الأعمال، وحاليا افكر اغير تخصصي لعلاقات عامة في كلية الاعلام بس قلت اخذ برايكم اول، تكفون لاحد يبخل باي معلومة بسيطة يعرفها ><

[نواف بن فهد]

وعليكم السلام


مسمى التخصص الأساسي هو الإدارة الحكومية، وحطوها الادارة العامة ،، نسبتنا للقطاع العام والقطاع الخاص وليست لعمومية التخصص.

وثانيا التخصص تطلبه بعض الشركات الكبرى مثل سابك وارامكو والخطوط الي تعتمد بتعاملاتها مع الحكومة بشكل اكبر.

وايضا بعض الشركات تطلب تخصص الادارة بشكل عام ماتفرق معها ادارة اعمال او ادارة عامة.

ومن وجهة نظري الطالب اذا تخرج بمعدل 4 وفوق ويدعمها بدورة حاسب او دورة انجليزي او اي دورات مفيده للتخصص كذا يكون وضعه سليم وباذن الله يحصل على الوظيفة.

وللمعلوميه فتحوا التدريس للادارة العامة بمادة مهارات ادارية اتوقع بالثانويات المطورة.

كل تخصص ماينفع وماله مستقبل، ورزق الشخص مكتوب من قبل ماينولد

[نواف بن فهد]

* كاتبه انك حابه وظيفة حكومية... للمعلومية فرص الخريجات دائما أقل بشكل كبير جدا من فرص الخريجين، مثلا اخر اعلان لوزارة الخدمة المدينة 3000 وظيفة للرجال ، و300 وظيفة للنساء !! والفرق واضح

وانتظار الوظيفة الحكومية بعد التخرج لابد منه، وشدي حيلك بدراستك قد ماتقدري