ساعدونا بتجاربكم في معاهد اللغة الانجليزية ..

[nejoud boss]

هاي شباب وصبايا كيفكم وكيف النتايج إن شاء الله تكون حلوووة..
بما أنو خلاص الاجازة عالأبواب وأكيد ماراح نجلس فاضيين ومتسدحين عالنت لأنوا في كثير مننا حيقدموا على تدريب صيفي وكمان في مننا حيحاول يطور نقاط الضعف اللي عنده وطبعا أنا منهم ونقطة الضعف اللي عندي هي اللغة الانجليزية وناويه أطور نفسي فيها وأكييييييد في كثير مثلي فحابه استفيد من تجاربكم في معاهد اللغة الانجليزية لاني من جد مصفيه النية وابغى اتعلم من قلب لأن اليومين هاذي محد يعبرك وانت ماتعرف انجلش .

ياريت أي أحد عنده تجربه في أحد المعاهد يحكينا عنها ونفيد بعضنا بإذن الله..

انتظر ردودكم..

[روووني]

انا اعرف بيرلتز مررره روعه

خالتي درست فيه وتقول مره خطير وازا ماسافرنا يمكن اسجل فيه

مررره انصحك فيه

وبالتوفيق

[nejoud boss]

روووني ماتعرفي كم مدة الكورس وكم أسعارهم لأنو يقولو مررره غالي

[سعودية وكلي فخر]

اعتقد ان شهرين ب 3000

[nejoud boss]

بيرلتز وين موقعه بالضبط ؟؟ وايش جنسية المدرسات .

[أنا وبس]

مكانه في الروضه

[E7sasBanota ~]

بيرلتز مرررة جيد ..

درست فيه قبل سنة

وان شاءالله الصيف دا افكر اكمل فيه لأني ماكملت

المدرسات كلهم اجانب مايتكلمو عربي

ويركزو عالمحادثات اكتر شي

انا لما اخدتو ماكان ب 3000 كان بـ 2000 وشوية

بس دحين اكيد سعرو اتغير ..

موقعه ماعرف اوصف بس افتكر انو بالروضة بعد الكوبري وجنبو في مكان للمفروشات

وقدامو البنك الفرنسي اعتقد تحصليه بالركن مدخلو من الجنب

بالتوفيق ياعسل

[malaK jeddah]

برضو انا اخذت في معهد برتش كانسل في الحمرا عند عيادة اوباجي


بــ2000 المستوى الواحد

وناويه اكمل بأذن الله..


=)

[nejoud boss]

محد عنده معلومات عن معهد وول ستريت لأنو كمان يمدحونه

[روووني]

والله موقعه مدري

هوا صح غالي بس يقولو مررره جيد

وول ستريت مررره سيئ لانو تعليمو ذاتي صاحبتي درست فيه مرره سيئ تقول ازا مافهمتي من الاستازه توديكي كلاس فيه اجهزه كمبيوتر وتقولك شغلي الكاسيت وانتي حتتعلمي بنفسك<<<كان اعطوني السيديات ودرست في بيتنا

هذا كلام صاحبتب قبل 3 سنين مدري دحين ايش صار اتغيرو ولا لا؟؟

بس عموما مااحد يمدحو كتير بس بير لتز اللي مررره جناان

والله يوفقك