الرجاء من طالبات الكيمياء الحيويه دراسات عليا المساعده ,,

[beshoo chan]

السلام عليكم ورحمة الله وبركاته ,,

بدايه أسأل الله تعالى أن يبلغنا رمضان ويبارك لنا فيه باذن الرحمن ,,
أنا طالبه مستجدة دراسات عليا وبرتب الجدول من حذف وإضافه وما إلى ذلك وحابه تفيدوني بخصوص المواد خصوصا ان أغلبها ب 4 و 3ساعات وأحتاج أعرف أخذ مين مع مين من خلال خبرتكم ,,
المواد اللي نازله لي أيض عام 1 و 2 , كيمياء حيويه جزيئيه , كيمياء حيويه تطبيقيه , منتجات طيبعيه , أنزيمات وياليت تفيدوني بالدكتورات وكذا الله يعافيكن ,,
الله يجزاكم خير مقدما أنتظر أجابتكم لي شاكرة ومقدرة لكم مجددا

[Nouveila]

الله يوفقك ويسهل أمرك

بس ليش المواد كثيرة!! الماستر حدك 4 مواد بالترم عشان تقدري تركزي عليها وتجيبي معدل عالي واغلب المواد اختباراتها كتابة كذا ضغط عليك

عندك المواد الاساسية
تواصلات عن الرسالة وطريقة كتابتها اخذتها مع د. أماني فاروق استفدت منها كثير وكانت خفيفة المادة

الاحصاء مهم جدا عشان التحاليل الاحصائية لنتائج رسالتك المادة سهلة بس يبغالها شوية تركيز مع د. ميسون الخطيب متعاونة ومتفهمة وشرح ممتاز ماشاءالله

حاسوبية تقريبا نفس اللي بالبكالوريوس مع د. فوزية الشبيلي

تقنيات مادة عملي عن الأجهزة في المعامل على سنتي اعطتها د. رويدة الحارثي المادة سهلة واختبارها حلو

ندوة بحث عبارة عن عرض برزنتيشن تسويه لمقترح الرسالة تبعك مشرفة رسالتك هي اللي تعطيك درجتها

لمواد الاختيارية راح اقولك عن اللي اخذته
فيروسات - انزيمات - مضادات حيوية - ميكروبية - ومواضيع كلها اخذتها مع د.أرشنا
كان تقسيم الدرجات خمسين ع بحث للمادة مع البرزنتيشن و خمسين اختبار نهائي كل اختباراتها كتابة يعني كل المواد حفظ و أسئلتها مباشرة
وتعطيك المختصر المفيد للمادة بس كل شي ينشرح يعني داخل معك بالاختبار

نظائر مع د. نادية دكتورة قمة الأخلاق و الطيبة و المادة حلوة واختبارتها كلها كتابة

جزيئية مع د. سهيرة المادة حلوة بس يبغالها تركيز لانها كثيرة شوي

تنظيم ايض أتوقع اسم الدكتورة هناء الشريف مادة مرة بسيطة واختبارها كويس

هذا بالنسبة لدراستي يارب أكون أفدتك بشيء طبعا أنا خلصت المواد من سنتين فما أعرف إذا الدكتورات بيعطوا نفس المواد أو إذا تغير أسلوبهم

اسفة طولت عليك .. موفقة يارب

[beshoo chan]

المشاركة الأصلية كتبت بواسطة nouveila الله يوفقك ويسهل أمرك بس ليش المواد كثيرة!! الماستر حدك 4 مواد بالترم عشان تقدري تركزي عليها وتجيبي معدل عالي واغلب المواد اختباراتها كتابة كذا ضغط عليك عندك المواد الاساسية تواصلات عن الرسالة وطريقة كتابتها اخذتها مع د. أماني فاروق استفدت منها كثير وكانت خفيفة المادة الاحصاء مهم جدا عشان التحاليل الاحصائية لنتائج رسالتك المادة سهلة بس يبغالها شوية تركيز مع د. ميسون الخطيب متعاونة ومتفهمة وشرح ممتاز ماشاءالله حاسوبية تقريبا نفس اللي بالبكالوريوس مع د. فوزية الشبيلي تقنيات مادة عملي عن الأجهزة في المعامل على سنتي اعطتها د. رويدة الحارثي المادة سهلة واختبارها حلو ندوة بحث عبارة عن عرض برزنتيشن تسويه لمقترح الرسالة تبعك مشرفة رسالتك هي اللي تعطيك درجتها لمواد الاختيارية راح اقولك عن اللي اخذته فيروسات - انزيمات - مضادات حيوية - ميكروبية - ومواضيع كلها اخذتها مع د.أرشنا كان تقسيم الدرجات خمسين ع بحث للمادة مع البرزنتيشن و خمسين اختبار نهائي كل اختباراتها كتابة يعني كل المواد حفظ و أسئلتها مباشرة وتعطيك المختصر المفيد للمادة بس كل شي ينشرح يعني داخل معك بالاختبار نظائر مع د. نادية دكتورة قمة الأخلاق و الطيبة و المادة حلوة واختبارتها كلها كتابة جزيئية مع د. سهيرة المادة حلوة بس يبغالها تركيز لانها كثيرة شوي تنظيم ايض أتوقع اسم الدكتورة هناء الشريف مادة مرة بسيطة واختبارها كويس هذا بالنسبة لدراستي يارب أكون أفدتك بشيء طبعا أنا خلصت المواد من سنتين فما أعرف إذا الدكتورات بيعطوا نفس المواد أو إذا تغير أسلوبهم اسفة طولت عليك .. موفقة يارب

يارب يارب اللهم آمين يارب العالمين ,, المواد هذي تكميليه لأني مو متخرجه من جامعه الملك عبدالعزيز فلزوم أجتازها أول بس طبعا مو كلها ان شاء الله راح اقسمها باذن الله
الله يسعدك سعادة الدارين ويعطيكي حتى يرضيكي يارب مشكووورة ألف شكر ع ردك ومساعدتك لي ربي مايحرمنا ,, الله يسعدك يارب
مجرد انك حطيتي رد وأفدتيني ربي يسعدك ويوفقك ياكريم ويفتح عليكي وعقبال المناقشه يارب وتحصلي أعلى الدرجات ياكريم شككرررا ألف شكر لكي

[Scientist fatma]

انا دوبني مخلصة التكميلي يارب لك الحمد و عقبالك ان شاء الله ..

انصحك تاخدي ثلاث مواد كل ترم ،، الترم الاول ضيفي ايض ١ و انزيمات و تطبيقية ..
ايض ١ مع دكتورة هناء قشلان آدمية زززي العسل و تحاول تشرح و تساعد قد ما تقدر اسئلتها واضحة بس حطي ف بالك المادة دسسسمة بمعنى الكلمة و حاولي تذاكريها اول بأول ...

انزيمات مع د.سمر دمياطي المادة سهله مررة و ممتعه شرح الدكتورة عايدي جدا و سريييعه جداً ماشالله و اختباراتها كلها اختياري لكن دقيييقة و محتاجة تركيز و تكوني بلبل انجليزي لأنها تحب تلعب ف المفردات كثير ...

تطبيقية مع د.مونزاغول المادة خفيييفة و برضو سههههله و الدكتورة مرررة كانت متعاونة اسئلتها سهله وواضحة و مباشرة و تساعد ...


بالنسبة للترم الثاني ضيفي بقية المواد )أيض 2 و منتجات و جزيئية (

ايض 2 انا اخدتو مع د.اعتماد لكن انصحك تاخديه مع د.مريم الغامدي و حطي تحت النصيحة دي ستمية خط احمرر 😂

جزيئية اخدتها مع د.هاله سنبل المادة دي تعطيها كمان د.اعتماد و ف كل الاحوال الله يخارجك م المادة دي ع انو المادة سهله و مررررة ممتعه و بتتكلم ع الوراثة و الاستنساخ و حاجات حلوة لكن اسلوب الدكتورة له أثر ، ما اعرف بمين انصحك لأني جربت الدكتورتين و كانت التجربتين سييييئة لكن استخيري و خديها مع د.اعتماد ...

نجي للمادة الاخيرة ) منتجات(
اخدتها مع د.كريمة السيد الدكتورة دي من الطراز القديم اللي قلم و سبورة وورق و ما تطلعي م المحاضرة الا و انتي فااااهمه و حااافظة >>مرررة عجبني اسلوبها ماشالله ، لكن اختباراتها كانو البنات مررررة يكرهوها و يشوفوها صعبه ع انها ما كانت تخرج عن المنهج ابدا و بالنسبالي كانت اختباراتها حلوة وواضحة جددداً ..


مرررة طولت ف الكلام لكن ان شالله اكون افدتك ..
و ع العموم لا تخافي حتجتازي التكميلي بتفوق ان شالله ، و ع فكرة انا كنت اسوي ملخصات للمواد و كذا و كنت اذاكر منها للنهائي ، يعني ان شالله اذا ربي احيانا لبداية الترم الجديد نتقابل و اعطيكي المناهج و الملخصات اللي معايا و بالتوفيق يارب 💜

[Doja90]

صباح الخير بيشو
اولا ربي يوفقك وييسرلك الدكتورات الحبوبات اللي يساعدوكي ويفيدوكي

*انا زيك بالزبط بس لساتي ما سجلت الجدول لأنو خايفة ما اعرف الدكتورات بس ناس نصحوني بدكتورة اعتماد وموزانغول ومايمدحو هاله سنبل مررة
و أغلب اللي اعرفهم المشكلة انهم درسو بالفيصلية شايفة الحظ ؟
اذا انتي سجلتي او عندك معلومات تفيدني علميني عشان الحق اختار قبل تقفل الشعب الكويسة :(

انا كنت مخططة على نفس ترتيب المواد حقت فاطمة ربي يسعدها ويوفقها بالماستر ما قصرت مرره
بس انزيمات مو طالع لي الا دكتور ايات غفاري و يسرى سليمان ..
و بأذن الله نتقابل ونفيد بعض ونستفيد بداية الترم

ويااارب يارب بالأيام الفضيلة دي ربي يوفقنا ونجتازو وييسرلنا الماستر قادر يا كريم

[samrona]

الله يوفقكم يارب .. ويكتبها لنا