المعدل الله يقلعه

[رايــــــــــــق]

السلام عليكم و رحمة الله و بركاته


صبحكم الله بالخيرات و المسرات

و ألف مبروووووووك للي تخرجوا و عقبال البقية انشاءالله

يا أخوان أنا عندي المعدل طايح شوي و حبيت اسألكم إذا يمديني ارفعه و لا لا ؟

طبعاً انا على الخطة القديمة اللي 128 ساعة و الحين خلصت 96 ساعة

و معدلي 2.35 <<<معدله زي خشته

و يا ليت تفيدوني كان يمديني ارفعه و ما هي افضل طريقة لرفعه الله يرفع مقداركم و يجمعنا بكم في جنات النعيم



تحياتي و تقديري

[LoOoOoD]

وعليكم السلام ورحمة الله وبركاتة ...

طبعاً يمديك ترفعه ومدام انك مخلص 96 ساعه يعني السنة الجاية تخرج إن شاء الله ...

ترمين تكفي ترفعه من المقبول لل جـيـد ... يعني الى 2,75 بالراحه ..

لأنه كل ماقل المعدل كل ماكان ارتفاعه سهل...

بس يبيلك تشد حيلك شويتين وخلي مستواك في أغلب المواد يتراوح بين ال b وال a+

ولو قدرت تأخذ صيفي هالسنه أحسن برضوه تصير الفرصتين 3 فرص ...

بس أهم شد حيلك شويه وكلها ترمين بس وتتخرج بجيد ..لأن مقبول مو حلو <<<أحلفي ...

بالتوفيق ....

[رايــــــــــــق]

هلا بك LoOoOoD

في الحقيقة يا لووود أنا سألت كم واحد من الشباب و لكن حطموني و كسروا مجاديفي اللي يقول تخسى ترفعه و اللي يقول من شاف وجهك ما رجى خير و لكن بكلامك هذا عزالله انك رفعتي المعنويات و حمستيني على رفعته

و احسن شي قلتيه (لأن مقبول مو حلو <<<أحلفي ...)

هههههههههههههههههه حلوة و كويس انك علمتيني لأني من اول احسب المقبول احلا

و إن شاء الله اني احاول ارفعه و انا طبعاَ ناوي على الترم الصيفي بإذن الله


عموما اختي LoOoOoD مشكووووووووووووورة على الرد و على رفع المعنويات و على الكلام الجميل

تقبلي تحياتي

[خالد القحطاني]

هلا بك رايق .. والله ياخوي انا سيم سيم

حاط ببالي اني لابد اتخرج بجيد ومعدلي الحين تحت الجيد بشوي بس

حاول تاخذ صيفي وتركز عليها شوي عشان ترفع المعدل

[نووونه]

عندك فرصه ترفعه وفرصه كبيره بعد بأذن الله

بس انت شد حيلك ومثل ماقالت الاخت لوووود لو تأ خذ صيفي يكون عندك فرصه اكبر

وصدقني تعب شهر قبل الامتحانات تقدر توصل للي تبيه

بس شد حيلك وتذكر انه مابقى شي ووتخرج بأذن الله

موفق

[رايــــــــــــق]

هلا بك خالد

يا خالد بما ان لازال عندنا فرصة لرفعته خلنا نحاول و نجتهد قدر الامكان <<<يعني نقلب مصاريه

و أنشالله نقدر نرفعه شوي و بالتوفيق يا حبيب قلبي و مشكووووور على الطلة البهية


________________________________


هلا بك نونة

والله يا وخيتي أن كلامك هذا يرفع المعنويات و يزيدنا حماس و أنشالله اني ناوي على الصيفي و بحاول ارفعه الله يرفع مقدارك و يرفع رصيدك في البنك

مشكووووووووووووووورة نونة على الطلة الحلوة و المفيدة


تقبلوا خالص التحية و التقدير

[LoOoOoD]

المشاركة الأصلية كتبت بواسطة رايــــــــــــق هلا بك loooood في الحقيقة يا لووود أنا سألت كم واحد من الشباب و لكن حطموني و كسروا مجاديفي اللي يقول تخسى ترفعه و اللي يقول من شاف وجهك ما رجى خير و لكن بكلامك هذا عزالله انك رفعتي المعنويات و حمستيني على رفعته

ماعليك منهم وانا أختك هذولي هم أعداء النجاح لا قالوا

العفووو وماسويت شي ..أن شاء الله تبشرنا السنة الجاية ..وأنا أبشركم كمان بتخرجي <<<محد طلبك ...

بالتوفيق يارب ...

[رايــــــــــــق]

المشاركة الأصلية كتبت بواسطة loooood ماعليك منهم وانا أختك هذولي هم أعداء النجاح لا قالوا العفووو وماسويت شي ..أن شاء الله تبشرنا السنة الجاية ..وأنا أبشركم كمان بتخرجي <<<محد طلبك ...

أنا اشهد و الله لا يحرمنا منك و من توجيهاتك

و إن شاء الله تتخرجين السنة الجاية و تاخذين الاولة على العالم كله و عقبال التختوراه إن شاء الله و ابشري بالنجاحة

و حتى انا إن شاء الله تخرجي السنة الجاية <<<معلومة مهمة

[talal]

اخوي شد حيلك وركز في حل الاسئلة والله يوفقكك ويوفق الجميع

[ركن اكاديمي]

مساء الورد للجميع
انا مخلص 116 ساعة ولله الحمد ومعدلي ( 2.24 ) حيث كانت عندي ظروف لا يعلمها الا الله
ولولا الصبر من الله تعالى لاعتذرت عن تكملة الدراسة .
الحاصل باقي لي ( 12 ) ساعة ان شاء الله تعالى حيث انني من الخطة القديمة ( 05 )
هل تنصحوني ان آخذ صيفي لبعض المواد والفصل القادم اخذ المواد الباقية وذلك لرفع المعدل لو
بعض الشي .
آمل ان تفيدوني جزاكم الله خير الجزاء ....