انقذوني .. انا انقبلت في ماجستير الاحياء الدقيقة (لاني كنت اول واحد في الويتنق ليست)

[MazenMj]

السلام عليكم ..
اللي عندو خبرة في الموضوع اتمنى يرد عليه ..
انا انقبلت في ماجستير الاحياء الدقيقة (لاني كنت اول واحد في الويتنق ليست) ..
وادوني شهر كامل لتسليم اوراقي تقريبا الين 20 الحج ..
المشكلة اني جالس اقرا تعليقاتكم ومواضيعكم واللي ملاحظو انو الاغلبية نزلتلهم الجداول ..
طيب بالنسبة ليه واللي زي وضعي ايش ممكن اعمل في الوقت الحالي (غير اني اروح اقدم وراقي ) لانو انا من سكان مكة وانتو عارفين انو احنا مكروفين بشغل الحج والزحمة..
علما قبولي في جامعة جدة ..

اتمنى الرد للاشخاص بنفس حالتي ..

[MazenMj]

معقولة محد عندو رد !!!

[مجهول الهوية 007]

اذا تقصد جامعة جدة فلا شي صار لحد الان حتى الأرقام الجامعية لم يتم توزيعها ... والله يوفق الجميع

[Ibra 3bdallah]

تروح تكمل اجرائات قبولك
والجدول يعتمد اذا كان في مواد تكميليه حتنزل اتوماتيك لك اول ما يصدر لك رقمك الجامعي
اذا ما كان عندك مواد تكميلية فتنزل موادك من الاودس
امورك كلها سهالات
الله يوفقك

[MazenMj]

المشاركة الأصلية كتبت بواسطة مجهول الهوية 007 اذا تقصد جامعة جدة فلا شي صار لحد الان حتى الأرقام الجامعية لم يتم توزيعها ... والله يوفق الجميع

Thank u so much

[MazenMj]

المشاركة الأصلية كتبت بواسطة ibra 3bdallah تروح تكمل اجرائات قبولك والجدول يعتمد اذا كان في مواد تكميليه حتنزل اتوماتيك لك اول ما يصدر لك رقمك الجامعي اذا ما كان عندك مواد تكميلية فتنزل موادك من الاودس امورك كلها سهالات الله يوفقك

اللهم امييين ..
بس عندي استفسار صغير (الرقم الجامعي يصدر في وقتو ولا يحتاجلو كم اسبوع وكدا ..؟ )

[Ibra 3bdallah]

المشاركة الأصلية كتبت بواسطة mazenmj اللهم امييين .. بس عندي استفسار صغير (الرقم الجامعي يصدر في وقتو ولا يحتاجلو كم اسبوع وكدا ..؟ )

اتكلم عن جامعة الملك عبدالعزيز

الرقم الجامعي والبطاقة تصدر في وقتها
فالك التوفيق

[MazenMj]

شكرا للكل على اجاباتهم ...
بكرة ان شا الله من صبحية ربنا وانا محضر عندهم ... دعواتكم