توجد مشكله بخصوص سداد المبلغ المطلوب ... ارجوو المساعده

[منتقد التعليم]

السلام عليكم ورحمه الله وبركاته

ياشباب مر على قبولي 4 ايام تقريبا وكل يوم ابي اروح اسدد عن طريق الصراف الالي للبنك الاهلي

يقولي لايوجد لديك حساب في هذه الخدمه ؟؟؟

كلمت البنك يقولي كلم الجامعه وخلهم يفعلون حسابك ؟؟؟

بصراحه انا ضايع بالطوشه ماادري وش الحل

كل مااكلم الجامعه تحس ان الموظف رافع السماعه كله مشغول ولا مااحد يرد عليك

اذا احد يعرف طريقه ثانيه للسداد يعطيني خبر او يقولي وش الحل مع هذه المشكله

وعندي سؤال اخير متى تجيني بطاقه الجامعه ؟؟؟

[][_ غــــــيــــــر _ ][]

السلام عليكم ورحمة الله وبركاته ..

راسل الجامعــة : بـمـوضــوعك وذلك عن طريق

الرابط هنا مباشرة : المعاملات الالكترونية- الطلاب ثم تقديم معاملة

وبعدها الحالة المناسبة واكتب موضوعك باختصار وكرر المعاملة أكثر من مرة ..

.. دمــــــــــ ـت بــــــــــــ ـود ..

[محمد الرميح]

السلام عليكم
الله يكون بعونك ,الجامعه مبدعه هاليومين
الله يستر من الجاي

[منتقد التعليم]

ياشباب لازالت المشكله مستمره حاولت ارسل لهم زي ماقال الاخ (غير) بس يقولي النظام حدث خطا في ادخال الرقم

سؤال نهائي هل هناك اوقات معينه للسداد

[فيض المعاني]

مساء الورد للجميع

ياأخي سدد عن طريق خدمة مباشر للأفراد في بنك الراجحي اسهل لك لأني أنا مثلك بالبداية حاولت اسدد بالصراف ماقدرت .

بالتوفيق..............................

[فيض المعاني]

وعندي سؤال اخير متى تجيني بطاقه الجامعه ؟؟؟
تجيك بعد التسديد

[عطر الذكريات]

لا تتوقف عن الاتصال على الجامعه
وبالمناسبه مر عالبنك بنفسك وسدد عندهم افضل من الصراف

وكذلك راسلهم الكترونيا واتصل كي يبعثوا البطاقه بالدي اتش
بالتوفيق

[منتقد التعليم]

ياجماعه الخير انا حاولت اسوي كل الي قلتوه بالنسبه للاتصال بالجامعه او مخاطبتهم اكترونيا


بس للاسف يطلعلي

بيانات الطالب غير صحيحة .. من فضلك تأكد من رقم الطالب ثم اعد المحاوله

انا حطيت الرقم الي طلعلي اثناء تقديمي للجامعه هل هذا هو الرقم المطلوب اوفي رقم غيره

وبعدين شلون اروح البنك واسدد وانا كيف اعرف ان المبلغ وصل للجامعه اذا ماقدرت اخاطبهم اكترونيا او حتى هاتفيا

اتمنى االافاده