اسئلة اتوقع الكل يتسائل فيها !! ابغى حل لها

[lovely.soul]

السلام عليكم ورحمة الله وبركاته

انا ابغى استفسر دحين في اشياء كتيره :-

1- انا قريت في مواقع كتيره في النت يقولو انه جميييع الطالبات مقبولات في الجامعه
في السنه التحضيريه لانها اصلا بدون مكافأه . وانه بعد السنه دي يشوفو معدلي هل انا
اكمل في الجامعه ولا اكون في البرنامج المدفوع(الانتساب) ولا اروح كليه ..

2-كنت انتظر نتيجة الفرز وقريت انه يوم الجمعه احتمال تطلع النتائج , طيب اوكي
انا الان اش راح اعرف من دي النتيجه ؟ هل انا انقبل ولا ماانقبل ونسبتي تنفع ولا لا؟؟

3- نسبتي الموزونه : 71.89 وانا قسم (ادبي) طيب انا دحين اش اكون ؟
من الاولويات انهم يقبلوني
ولا انا انقبل بجامعه ؟ ولا يمكن انقبل بس مو التخصص الي ابغاه ؟ ولا اش النسبه دي تدخلني!!

4- لو انا حيكون نصيبي اكمل في كليه !! هل كمان في تقديم تاني وشغلات تانيه ؟ ولا على طول اتحول للكليه ؟ وهل اختار تخصص ولا يختارو الي يناسب معدلي ؟؟

5- ..!! ايش تفيدوني في تخصص يناسب معدلي وممكن انقبل فيه ؟ بس اهم شي اعرف النسبه دي اصلا تدخلني جامعه ولا لا ..

6- لو حاولت في اني اكون (بواسطه) طيب اكلم الناس الي اعرفهم لمن اجي اقدم يوم 5-8 ولا متى احرك الجهه الامنيه .. ههههههههههه!!

7- اش هيااااااااااااااا السنه التأهيليه دي ؟؟ هل هيا التحضيريه ؟؟
8- اسمي في التسجل للجامعه بالانقليزي يختلف بحروف بسيطه مو نفس الشهاده بالتمام؟؟ هل هنا في تأثير .؟؟؟

وسلامتكم وسوري عالاطاله ..

[MNMO0ONA]

[quote=lovely.soul;950330]

السلام عليكم ورحمة الله وبركاته

انا ابغى استفسر دحين في اشياء كتيره :-

1- انا قريت في مواقع كتيره في النت يقولو انه جميييع الطالبات مقبولات في الجامعه
في السنه التحضيريه لانها اصلا بدون مكافأه . وانه بعد السنه دي يشوفو معدلي هل انا
اكمل في الجامعه ولا اكون في البرنامج المدفوع(الانتساب) ولا اروح كليه ..

الكلام دا مو صحيح معدلك هو اللي حيحدد ازا حتنقبلي ولا لاءوالانتظام هوا اللي بمكأفاه والتأهيلي والانتقالي لا من غير مكأفاه

2-كنت انتظر نتيجة الفرز وقريت انه يوم الجمعه احتمال تطلع النتائج , طيب اوكي
انا الان اش راح اعرف من دي النتيجه ؟ هل انا انقبل ولا ماانقبل ونسبتي تنفع ولا لا؟؟
ايوا حتعرفي ازا انقبلتي او لاء ازا انقبلتي انتظام او تأهيلي او انتقالي حيحدوولك موعد بالمراجعه وحيحدو ايش انقبلتي بالنسبه للبرامج التلاته دي
وازا انقبلتي انتساب حيكتبولك برامج مدفوعه التكاليف

3- نسبتي الموزونه : 71.89 وانا قسم (ادبي) طيب انا دحين اش اكون ؟
من الاولويات انهم يقبلوني
امممممممم اتوقع تأهيلي
ولا انا انقبل بجامعه ؟ ولا يمكن انقبل بس مو التخصص الي ابغاه ؟ ولا اش النسبه دي تدخلني!!
النسبه دي فقط للتحديد ازا حتنقبل في الجامعه او لا اللي يحدد التخصص معدلك في السنه التحضيريه

4- لو انا حيكون نصيبي اكمل في كليه !! هل كمان في تقديم تاني وشغلات تانيه ؟ ولا على طول اتحول للكليه ؟ وهل اختار تخصص ولا يختارو الي يناسب معدلي ؟؟
لو انقبلتي في الكليه حيدوك بموعد المراجعه وتروحي وتقدمي اوراقك وبس لا مافي تخصص دحين التخصص بعد السنه التحضيريه وعلى حسب معدلك فيها

5- ..!! ايش تفيدوني في تخصص يناسب معدلي وممكن انقبل فيه ؟ بس اهم شي اعرف النسبه دي اصلا تدخلني جامعه ولا لا ..
واللهي على حسب رغبتك شوفي انتي ايش تبغي تتخصصي وشدي حيلك في السنه التحضيريه وجيبي معدل عالي وحتدخلي التخصص اللي تبغيه بس طبعا المسار الاداري والمسار العلمي كل واحد له تخصصات يعني لو انتي تبغي كليه اداب ماتتختاري مسار علمي لا تختاري مسار اداري وبما انك ادبي حتختاري اجباري مسار اداري

6- لو حاولت في اني اكون (بواسطه) طيب اكلم الناس الي اعرفهم لمن اجي اقدم يوم 5-8 ولا متى احرك الجهه الامنيه .. ههههههههههه!!
مدري اشوف بعدانا انو بعد الفرز ههههههههههه
7- اش هيااااااااااااااا السنه التأهيليه دي ؟؟ هل هيا التحضيريه ؟؟
وسلامتكم وسوري عالاطاله ..
ايوا سنه تحضيريه بس انها من غير مكأفاه وفترتها مسائيه من الساعه 12 الظهر اللين العصر او المغرب

[lovely.soul]

طيب ليش تتوقعي تأهيلي ؟؟
ليش كم ممكن تكون النسبه للانتظام
وهل هو التأهيلي مجاني؟

[lovely.soul]

8- اسمي في التسجل للجامعه بالانقليزي يختلف بحروف بسيطه مو نفس الشهاده بالتمام؟؟ هل هنا في تأثير .؟؟؟

[MNMO0ONA]

المشاركة الأصلية كتبت بواسطة lovely.soul طيب ليش تتوقعي تأهيلي ؟؟ ليش كم ممكن تكون النسبه للانتظام وهل هو التأهيلي مجاني؟

لاني بتكلم عن نسب ا لعام الماضي المسار العلمي انتظام وقف على 85 والمسار الاداري انتظام وقف على 82
انا نسبتي كانت السنه اللي فاتت 79 وانقبلت تأهيلي في الجامعه وانتظام بس في الكليه
التأهيلي السنه ب 16 الف يعني الترم الواحد ب 8 الاف بس بعد مادفعنا الرسوم صدر اعفاء من الملك عبدالله الله يحفظو ورجعو لنا الرسوم فما اعرف از الاعفاء مستمر او انو كان بس السنه اللي فاتت

[MNMO0ONA]

المشاركة الأصلية كتبت بواسطة lovely.soul 8- اسمي في التسجل للجامعه بالانقليزي يختلف بحروف بسيطه مو نفس الشهاده بالتمام؟؟ هل هنا في تأثير .؟؟؟

الافضل انها تكون مطابقه للمكتوب في الشهاده بس ادا اختلاف بسيط حرف حرفين ان شاء الله مافي تاثير

[مرمر@ زماني]

ماشاء الله كفت ووفت اخت منمونة
والله يوفقك يارب

[M!sS Wd]

المشاركة الأصلية كتبت بواسطة lovely.soul 6- لو حاولت في اني اكون (بواسطه) طيب اكلم الناس الي اعرفهم لمن اجي اقدم يوم 5-8 ولا متى احرك الجهه الامنيه .. ههههههههههه!!

ما شاء الله دا الي يخلي الشعب السعودي يطور .. و واسطتك شهادتك في الثانوي واختبار القبول .. !!

[lovely.soul]

لا بجدارتي
بس الجامعه تتطلب نسوي كده

[M!sS Wd]

المشاركة الأصلية كتبت بواسطة lovely.soul لا بجدارتي بس الجامعه تتطلب نسوي كده

لو بجدارتك ما كنتي احتجتي اي فيتامين و .. والجامعة تتطلب نسوي كدا !! ليه حاطين في المتطلبات يكون عندك واسطة !!