من احلى التجارب ^_^ موضوع اتمنى يفيد كل الطالبات الجدد بالسنه التحضيريه

[Mis hadooll]

اولا: احب اقوول مبروووك لكل الناجحين بالثانويه والقدرات والتحصيلي
وان شاء الله ربي يكتبلكم كل خير وتنقبلو هنا

دحين طبعا اهم شئ عشان القبول هوه النسبه الموزونه الي هيا عباره عن نتيجة الثنوي +القدرات+التحصيلي
بعدين قدمنا للسنه التحضيريه
وتوقف القبول للبنات عند 85 والي انقبلو بعد كدا بنسب موزونه 84 و83 انقبلو على اساس انهم انتقالي بس طبعا دا كان على سنتنا
والسنه دي اعتقد القبول اتوقف على 81 او 80
الانتقالي لهم نفس الدراسه والاوقات وكل شئ بس انهم ماياخدو مكافأة

طبعا هيا سنه عامه وخطتين وانته وحظك اي خطه حتكوني
مجموع المواد حيكون 9
احياء وكيمياء وانجلش واحصاء خطه أ
فيزياء وماث ومهارات اتصال وانجلش وحاسب خطه ب

طبعا اغلب المواد باانجلش بس لو تذاكرو اول باول مافي مشاكل
يعني الشرح اغلبو يكون عربي المصطلحات بالانجلش اهتمو بالقوانين والاسئله الي الدكاتره يعطوكم عليها امثله كثير مواد حيكون لها ملازم وبنك اسئله ولكها حتفيدكم لو تذاكرو منها ان شاء الله تجيبو A او B

طبعا اكبر مصييبه واكثر شئ سئ حتواجهوه هوه الاشاعــــــات
واكبر غلط تعملوه انكم تسمعو لكل شئ


من الاشاعات انو كلية الطب حتقبل بس الي معدلاتهم 4.8 و 4.9
دحين اكيد لازم تشدوو حيلكم عالاخير بس لمن الواحد يسمع اشاعه زي كدا انا عن نفسي جاتني حاله نفسيه واكتآآآب وسرت ماخرج ولا ااكل
والحمد لله كان معدلي اقل وانقبلت
يعني الي ابغاكم تفهموه حاولو ماتتوترو كثيير ولاتستسلمو الموضوع يبغالو صبر وتركيز واشتهاااااد
وترى حتلاقو وقت اللفله واللعب
بس اذا اهتميتو بالمحاضرات اول بأول وذاكرت كل شئ بيومه...
وطبعا الاشاعات التانيه كثيييييييييييييييير>>>
راح ياخدو نسب الثنوي
راح يخصصو قبل ماتنتهي السنه
وكلااااام كثيير
فلاتسمعو شئ الا وانتو متأكدين منوو
اصعب المواد كانت الاحياء لازم مذاكره اول باول عشان لاتتعبو
الحاسب الي تعرفلو حترتاح فيه وتجيب عالي ويرفع معدلها
والي ماتعرفلو صراحه انصحها تاخد الرخصه وتفك نفسها لانو حتخبص الدنيا هيهيهيهي >>زي ماعملت انا اول

ابدا ابدا
لاتفكرو تكنسلو محاضرة ماث او فيزياء او احصاء او كيمياء
لانو حتندومو كثييييييييييييييييييييييييييير وتسيرو كدا
هع هع انا ندمت
بس ممكن الواحد لمن يتخنق مرره ويحب يخفف عن نفسو كنسلو مهارات اوا انجلش بس طبعا مو تاخدوو راحتكم لوووووووووووووول لانو في DN الي هوه حرمان من الماده لمن الغياب يتعدى 25% من المحاضرات
في بريكات ههههههههه مع انو كثير احيانا كانو ياخدووها في حل التمارين بس يعني مو مشكله
شدوو حيلكم وحاولو على قد ماتقدرو توصلو لاحلامكم ودائما افتكرو انو كل شئ بيد ربنا سبحانه وتعالى وكل شئ بأمروو
ولا تخلو درجة امتحان تحبططكم لانو الامتحانات كثيره والفرص موجوده واتمنى الله يعينكم...
نسيت اقلكم انو حيكون في اختبار بكل امتحان دوري يوم الخميس
ههههههههههه كنت احقد والله عشان الويك اند حقي يروح
بس دحين لمن اتذكر كان احلى يوم امتحانات لمن يكون يوم الخميس




احب اقلكم انو السنه ذي كانت من اجمل تجارب حياتي
اتعلمت منها كثير زي الصبر وانو الواحد لازم يتعب عشان يوصل لاحلامو وانو لازم مانفقد الامل ابدا وربنا مايضيع تعب احد
كانت سنه متعبه ومرهقه ومسليه وممتعه مليئه بالمواقف المضحكه وخلتني اتعرف على صديقات مايتعوضو ودكاتره كمان ^_^
قضييت ايام كثيره ابكي
وقضييت ايام اكثر واكثر اضحك
اتمتعووو وعيشوها بكل ثانيه فيها
اتمنى لكم كل التوفيق من قلبي وإن شاء الله مايكون كلامي كثير وطفشكم

أختــــــــكم:

Dr. dolly

[جالكسي22]

هلا بسميتي والله صارت دكتورة
الف مبرووك وموفقه ان شاء الله يارب

كلامك رائع
والله يوفق الجميع يارب

[Mis hadooll]

تسلمي ياعسل
والله يبارك فيكي
وعقبال الجميع يتخصصو ويرتاحو
^_^

[أميرالظلام]

يا اخوان افيدوني من فظلكم انا معدلي 3.50هل ممكن ادخل علوم طبيه وشكرا

[هيموجلوبين]

يارب يريحك دنيا واخره كنت شايله همها ربي مايوريكي لاهم ولاتعب ياقمر يسلموو على كلامك الاكثر من روعه ولوكان اطول كان كملته ياقلبي

تقبلي

[$$د.عباادي$$]

المشاركة الأصلية كتبت بواسطة mis hadooll كانت سنه متعبه ومرهقه ومسليه وممتعه مليئه بالمواقف المضحكه أختــــــــكم: dr. Dolly

ياعيني على الوصف

شكرا جزيلا يادكتورة وإن شاء الله الأخوان
والأخزات يستفيدوا من موضوعك
تحياتي..

[كومة مشآعر]

اللهـ يسسسعدكـ يآإرب ..

واللهـ إحنــآ محتآجين تشجيع .. كل إلي حولينآ يحطموو من جد >< ..

اللهـ يوووفقكـ يآإرب .. وعقبآإلنـــآآ نصير دكآترهـ مثلكـ هع ..

ومشكورهـ واللهـ مآ قصرني ...

[M!ss Mojy]

يــــــــــــــــــاه بجد رجعتيلي شريط الذكريات كلووووو

بجد كانت من احلـــــــــــى سنوات عمـــــــــــــــري

تعلمت فيها اشيــــــــــــاء كثيــــــرة

واولها ( ذاق حلاوة النجاح من ذاق طعم التعب )

بجد ماتحس بقيمة تعبك واجتهادك الا في الجامعة

في الجامعة تعرف قدراتك ومستواك وميولك

في الثانوي كنت احب المواد بسبب الابلات مو عشان المادة نفسها

اما في الجامعة لاااااا بجد عرفت انا ايش المواد الي استمتع فيها وايش المواد الي احبها

في الجامعة تعلمت معنى الاعتماد على النفس

يعني كل شي في الجامعة انت تجري وراه ..... وانت تدور لمصلحتك

يعني مافي دكتور يقولك هذا مهم وااشروا على هذا بيجي منو في الاختبار

<< زي شغل الثانوي يعني

في الجامعة مافي هذا الكلام ..... انت كبير انت تعرف مصلحتك

ولافي احد يدور عليك ويسحبك لين باب الكلاس

يعني اذا انت تعرف مصلحتك بجد وتبغى تحقق هدفك راح تحضر وتحاول تفهم وتنتبه

اما اذا انت بايعها ..... قدامك الطريق ترى مافي احد بيسأل عنك ..!!!

واكيد راح تمر عليكم اوقات تتمنوا فيها ترجعوا لايام الثانوي والدلع

بس صدقوني راح تعدي عليكم ايام حلوووووه وممتعه وماتتنسي

واهم شي خلال دراستكم في التحضيري حطوا في بالكم هدف واسعوا لتحقيقه

هذا بيساعدكم كثييييير وبيقوي من عزيمتكم وارادتكم اذا ضعفتوا او فقدتوا الآمل

ويلا كلها كم شهر وبعد كذا نشوف كل واحد يسأل عن نتايج التسكين

ويعطيك العافيه دكتورة هدوول عالمبادرة الحلوة منك

[Mis hadooll]

المشاركة الأصلية كتبت بواسطة كومة مشآعر اللهـ يسسسعدكـ يآإرب .. واللهـ إحنــآ محتآجين تشجيع .. كل إلي حولينآ يحطموو من جد >< .. اللهـ يوووفقكـ يآإرب .. وعقبآإلنـــآآ نصير دكآترهـ مثلكـ هع .. ومشكورهـ واللهـ مآ قصرني ...

تسلمي ياعسل
ولا تتحطمو ولا شئ هيا تجربه حلوه ومرحله مهمه
والله يوفقك وإن شاء الله يكتبلك الي فيه الخير
وتعدي السنه دي على خير
^_^

[Mis hadooll]

المشاركة الأصلية كتبت بواسطة m!ss mojy يــــــــــــــــــاه بجد رجعتيلي شريط الذكريات كلووووو بجد كانت من احلـــــــــــى سنوات عمـــــــــــــــري وانا كمان والله تعلمت فيها اشيــــــــــــاء كثيــــــرة واولها ( ذاق حلاوة النجاح من ذاق طعم التعب ) هادا كان احلى شئ طلعنا بيه بجد ماتحس بقيمة تعبك واجتهادك الا في الجامعة في الجامعة تعرف قدراتك ومستواك وميولك في الثانوي كنت احب المواد بسبب الابلات مو عشان المادة نفسها اما في الجامعة لاااااا بجد عرفت انا ايش المواد الي استمتع فيها وايش المواد الي احبها في الجامعة تعلمت معنى الاعتماد على النفس يعني كل شي في الجامعة انت تجري وراه ..... وانت تدور لمصلحتك يعني مافي دكتور يقولك هذا مهم وااشروا على هذا بيجي منو في الاختبار << زي شغل الثانوي يعني في الجامعة مافي هذا الكلام ..... انت كبير انت تعرف مصلحتك ولافي احد يدور عليك ويسحبك لين باب الكلاس صح كلامك يعني كل واحد يعرف مصلحتو لو حضرتو واهتميتو تنفعو نفسكم ولو ماحضرتو تضرو نفسكم يعني اذا انت تعرف مصلحتك بجد وتبغى تحقق هدفك راح تحضر وتحاول تفهم وتنتبه اما اذا انت بايعها ..... قدامك الطريق ترى مافي احد بيسأل عنك ..!!! واكيد راح تمر عليكم اوقات تتمنوا فيها ترجعوا لايام الثانوي والدلع بس صدقوني راح تعدي عليكم ايام حلوووووه وممتعه وماتتنسي واهم شي خلال دراستكم في التحضيري حطوا في بالكم هدف واسعوا لتحقيقه هذا بيساعدكم كثييييير وبيقوي من عزيمتكم وارادتكم اذا ضعفتوا او فقدتوا الآمل ويلا كلها كم شهر وبعد كذا نشوف كل واحد يسأل عن نتايج التسكين ايوه ان شاء الله ويعطيك العافيه دكتورة هدوول عالمبادرة الحلوة منك

الله يعافيكي
ونشوف بعض ان شاء الله بما اننا زميلات ^_^