السكن الجامعي؟؟؟

[mesa3d]

السلام عليكم ورحمة الله وبركاته


عندي كذا سؤال عن السكن الجامعي ويا ريت تفيدوني؟؟


هل هناك سكن لطلاب السنة التحضرية ؟ وكم تدفع في الترم؟


وهل السكن في تفتيش كل ماتدخل وممنوع الخروج بعد الساعة 12 ليلا؟؟؟؟

[northstar]

ان شاء الله هذا الرابط
يفيدك

بالتوفيق
http://www.skaau.com/vb/archive/index.php?t-16304.html

[رائد دوت كوم]

المشاركة الأصلية كتبت بواسطة mesa3d السلام عليكم ورحمة الله وبركاته عندي كذا سؤال عن السكن الجامعي ويا ريت تفيدوني؟؟ هل هناك سكن لطلاب السنة التحضرية ؟ وكم تدفع في الترم؟ وهل السكن في تفتيش كل ماتدخل وممنوع الخروج بعد الساعة 12 ليلا؟؟؟؟

انا احد ساكن السكن سابقا ومتخرج العام الماضي ...
ياطويل العمر ... يقولون ممنوع الدش ..(( لكن يمديك تدخله في شنطة وتركبه))
اذا طلعت السطح بتشوف كل الطلاب مركبين ..وهم مو مشددين اذا ماجاء منك ازعاج للجيران ..


------------
اما من ناحية السيارات ممنوع دخولها الا للضرورة...يعني توصل شنط للداخل او تطلع عفش..
واللي قال يفتشونك اذا دخلك او خرجت كذب ...عادي ياعمي أدخل أي وقت وأطلع أي وقت ماحد يمك ...

-----------
الزيارات للاصدقاء والاصحاب اذا يجونك من الساعه 3 العصر حتى 11..
لكن اذا عارفت وشبكت حراس البوابة يدخلون أي ضيف يجيك أي وقت.. وسهل تشبيكهم أجلس معاهم لو مرة وحده وسولف في علوم السيره والديره ...وتصير خوي لهم خخخخخخ ..
----------
أهم شيء عند الحراس تبرز بطاقة السكن .... وتكون مجدده للترم ..لان كل ترم يغيرون لونها ...
اكثر شيء كان يوقف لي بالسكن التجدييد ...علماً بأن رسوم السكن 1000 ريال للترم الواحد ..
وترم الصيفي بـ 500 ريال .. علما بأن معظم الحراس مو معقدين ... البعض يمشي مايقولك شيء...
---------
مشكلة السكن ينقصه بعض الخدمات الاخرى مافي مطاعم زينه ..ولامكتبة ..كان في مقهى انترنت والسرعه زفت والسعر بـ 5 ريال للساعه ..واجهزة برضو زفت ..

بس بوفيه واحد وياربي لك الحمد ..
بس اذا صار عندك سياره يهون كل شيء ...
--------
حلاة السكن .... في جمعة الاصدقاء والشباب ...ويجبرك على المذاكره...وآمان بعد الله على أغراضك الشخصية... بس مايمنع انك تقفل الغرفه اذا جيت طالع ... لكن انا جلست اربع سنوات ماقد سمعت ان حصل وسرقت غرفة ... لان كل اللي بمرحلة الجامعة عقولهم كبيرة ومتعلمين ومترفعين عن الدناءات
--------
انا الى لي سنة متخرج منه لكن واللهي أحن لهم وأصير أروح لآصحابي هناك وأسولف معاهم ..
وأي سؤآآآل آخر ...انا موجود

[mesa3d]

رائد دوت كوم يعطيك العافيه


كفيت ووفيت