بنآت العلمي ادخلوا وبنآت الادبي كمان ... سؤال مهم..

[ميعاد]

السلام عليكم ورحمة الله وبركاته..

مبرووك للمقبوليين وعقبال البقيه ياارب..

انا اان شاءالله موعدي الاثنين ..

وانا من الثانوي علمي..

واعرف انو حقيين العلمي يخيرووهم مابين المسارات..
والادبي مالهم الا مسار الاداري..

طيب حبيت اسأل لو اخترت المسار العلمي..{ان شاءالله اختاروه..

طيب يعني بعد السنه التحضيريه حقين المسار العلمي يقدروا يتخصصوا من تبع المسار الادبي..

يعني مثال :... لو وحده اختاارت مسار علمي وحاطه في بالها قسم تدخله..

طيب وسار اللي سار وفي الاخير نفسها تدخل قانون او علم نفس , او .... الخ..

السؤال هووونا.:
هل يمكن للي في السنه التحضيريه مسار علمي يختاروا من التخصصات اللي موجوده في المسار الادبي..

ان شاءالله فهمتوا انتظر جوابكم

..

[.,.نيــــــــــــــــــــران.,.]

http://www.skaau.com/vb/showthread.php?t=88645

[υикиσωи]

وعليكم السلام ورحمة الله وبركاته ..

لا أبدا لا يحق لاي طالب من المسار العلمي انو يتخصص في التخصصات المتاحة للمسار الأداري والانساني ..


حددي تخصصك وهدفك من البداية يا قمر ..

ربي معاكي ..
=)

[super girl]

اهليييين معياد
لا ياقلبي ماظن كذا
انتي تخيرين بين التخصصات تبع المسار حقتك
والله يوفقك

[Hiromi]

لا مااظن ينفع لاني اعرف بنات مسار علمي كانو يبغى يدخلو قانون

وسألوا العمادة قالو ماينفع كل مسار له تخصصاته الخاصة

[misslolo]

لا ماينفع فقط تدخلي التخصصات الخاصة بالعلمي أما كلية الإدارة والإقتصاد أو الأداب هذه خاصة بالمسشار الإداري الإنساني

[&عبوودي&]

اتوقع ماتقدر

[ميعاد]

شكرا كثييييييييييير..

والحمدلله اني تلقفت وحطيت موضوووعي قبل لااروووح فييها..

وي دحيين احترت اكثر يوووو..

عموما الله يعطييكم العافيه على تجاوبكم معااي..