هذا رد الدكتور عبدالفتاح مشاط على ايميلي بخصوص اختبار تحديد المستوى

[Alaa Al ghamdi]

السلام عليكم ورحمة الله وبركاته

ارسلت رسالة على ايميل الدكتور عبد الفتاح مشاط
عشان اسالو عن اختبار تحديد المستوى لانو كل واحد جالس يجيب معلومات من عندو
وقلت اجبلكم الخبر من المصدر الاكيد...وطبعا الدكتور الله يعطيه الف عافيه ماقصر ولاتأخر في الرد
كلها ساعه يمكن او اقل.....
هذي رسالتي فيها اغلب الاسئلة اللي ممكن نسالها:

استاذي عبد الفتاح مشاط عندي استفسار بسيط.. انا طالبة مستجدة في جامعة الملك عبدالعزيز تخرجت من الثانوي بشهادة علمية وتم قبولي واصدار بطاقتي الجامعية ولله الحمد في المسار الاداري... سؤالي هو: سمعت كثير عن وجود اختبار انجليزي لتحديد المستوى وعدد من الطالبات تم اعلامهم بالموعد في وقت مراجعتهم لموعدهم في الجامعه... كان موعدي يوم الاثنين الموافق 12/8/1430هـ...ولم اسمع عن هذا الاختبار من اي استاذة هناك ... هل هناك اختبار تحديد مستوى؟ اذا كانت الاجابة بنعم ..هل هو خاص بطالبات المسار العلمي فقط ام يشمل كلا المسارين؟؟ وكيفية التسجيل في هذا الاختبار ؟؟؟هل هناك موقع محدد للتسجيل كما فعلنا سابقا مع اختبار القياس؟؟ام نجتمع جميعا في يوم محدد؟؟ إعذرني على الاطالة استاذي ولكن لكثرة الاقاويل حول الاختبار وماتردد بإنه في اول يوم دراسة ...وبعدم معرفة كيفية التسجيل..قررت ان اسال واتمنى ان اجد اجابة شافية للتوضيح جزاك الله خيرا بإنتظار الرد... الطالبة المستجدة:......

وهذا كان رد الاستاذ الله يعافيه:

نعم يوجد اختبار تحديد مستوى لجميع الطالبات و سيكون يوم 14 شوال في ثلاث أوقات مختلفة و يمكن الحضور في اى موعد اذا لم يحدد للطالبة 8 صباحا 10 صباحا 1 ظهرا بمبنى 420

إن شاء الله يارب اكون افدتكم

تحياتي

[الامل الخالد]

جزاك الله خير

[عسووولة ..]

جزاكي الله الف الف خيييييييير ..
والله ريحتيني انا كنت خايفة ومني عارفة اش اعمل ..
شكرا شكرا .. يعطيكي العافية ..

[Alaa Al ghamdi]

المشاركة الأصلية كتبت بواسطة الامل الخالد جزاك الله خير

وياكي ياعسل تسلمي عالمرور

جزاكي الله الف الف خيييييييير .. والله ريحتيني انا كنت خايفة ومني عارفة اش اعمل .. شكرا شكرا .. يعطيكي العافية ..

وياكي ياعسولتنا

وانا برضو زيك كنت خايفة وماتوقعت انو يرد
لكن الحمدالله ارتحت وقلت اريحكم معايا هههههههههههه

العفو ياقلبي يشرفني مرورك

[بنت من الجامعه]

انا أبغى اعرف ايش لزمتو هدا الاختبار
إحنا أختبرونا في نص الترم فجأه
وإلين دحين مني شايفه انهم أستفادو من الاختبار شي
ولا حتى قاللولنا النتايج حقتنا
أبغىىى اعرف ليش دا الاختباااار وفي ايش ح يستفيدو منو ؟؟!!!

[بنت الرابعة]

مشكووووووره الله يريحك دنيا وآخره ويفرج عنك كل هم وكرب ......اللهم آمين

[المحتاسه]

يعني حتى المسار الاداري كمان ؟؟؟؟كنت احسبه بس للعلمي ؟؟طيب هذا الاختبار الزامي ؟؟؟

[Alaa Al ghamdi]

مشكووووووره الله يريحك دنيا وآخره ويفرج عنك كل هم وكرب ......اللهم آمين

آآآآآآآمين ياربي
بنت الرابعة تسلمي ياقلبي عالدعوة الحلوة

يعني حتى المسار الاداري كمان ؟؟؟؟كنت احسبه بس للعلمي ؟؟طيب هذا الاختبار الزامي ؟؟؟

انا برضو كنت احسبو للعلمي بس

مااعتقد انو الزامي لو مااختبرتي ممكن يحطوكي في المستوى الاول<<ماني متاكدة

بس حتى لو مو الزامي الافضل انو نختبر عشان مانضيع وقت وجهد في دراسة اشياء احنا عارفينها اصلا

كتب الانجليزي كثيرة واعتقد في وحده من المحاضرات 3ساعات ورى بعض
انا اشوف من الافضل لنا انو نختبرو عشان كل واحد يكمل حسب مستواه

تسلمي ياالمحتاسة عالمرور الحلو اتمنى اكون افدتك

تحياتي

[المحتاسه]

مشكوره ياعسل على الرد
طيب يعني مانذاكر ولا شي انروح كذا يعني واحنا مو مذاكرين؟؟بس والله مو فاهمه شي بخصوص الاختبار ممكن تفهميني فيه كل شي ؟؟؟والله يسعدك ويوفقك يارب

[Alaa Al ghamdi]

المشاركة الأصلية كتبت بواسطة المحتاسه مشكوره ياعسل على الرد طيب يعني مانذاكر ولا شي انروح كذا يعني واحنا مو مذاكرين؟؟بس والله مو فاهمه شي بخصوص الاختبار ممكن تفهميني فيه كل شي ؟؟؟والله يسعدك ويوفقك يارب

العفو ياحلوة
شوفي انا اشوف انو كل واحد يدخل بالمعلومات اللي عندو عشان مايحددولك مستوى تدرسي فيه مو مستواكي

يعني مثلا تروحي تذاكري اشياء جديدة وتلاقيها في الاختبار وتحلي
يحطوكي في مستوى مرتفع وتتفاجئي بطريقة الشرح مثلا تكون الدكتورة تشرح بالانجليزي وانتي مو فاهمه

الافضل انك تراجعي القرمر مثلا عشان تتذكري بس القواعد

واذا عندك ملفات وورد ستادي اللي هيه كلمات عامه ممكن تطلعي عليها
وكلها لو دورتي في النت تلاقيها

عرفتي كيف....مجرد انك تسترجعي المعلومات
انا بالنسبة ليا حسوي زي ماقلتلك يعني ماحذاكر زي ماذاكرت لاختبار القياس...وربي إن شاء الله يوفقنا

لانو طبيعه الاختبار مافيها شي ينخاف منو زي رسوب مثلا..لو حليتي تكوني في مستوى عالي ماحليتي تكوني في المستوى الاول وهيه في النهاية نفس المناهج

واسئلة الاختبارات نفسها....وطبيعة الاسئلة حتوقع تكون زي ماقلتلك وورد ستادي وتختاري معناه..او قرمر...او قطعه وتحلي منها

اشياء عادية...معليش طولت عليكي بس عشان اوضح قد مااقدر

تحياتي لك