استفسااار ممكن تردوا بليز الى كل الاقسام

[twinkle20009]

....استفسار ....
اختي نفسها تدخل مدرسة مطورة وممكن مساعدة وتردوا كيف نظام المدرسة وفي احد دخل هادي المدرسة ودخل كلية طب الاسنان وكيف الانجليزي صعب ولاسهل وشكرا للي يرد اسم المدرسة الخمسون المطورة (على مااعتقد )وهي في جدة

[روزاليندا&MJ]

صراحة أبداا ما أنصحها لأنوا كثير من صحباتي دخلوا مطور وأغلبهم 95% وفوق لكن مساكين انخسفوا بسبب البحوث وغيره وقوليلها لاحقة على هم الجامعة ونظامها و حتطفش منه انشاالله أكون ساعدتك حبيبتي و هذا بس اللي أعرفوا وحاضرين بالخدمة

[R-Kh]

لو تقصدي الـ 54 اللي في الفيصليه
انا درست فيها
وكنا اخر دفعه تعليم عادي
والدفع اللي بعدنا مطور
...
هيا مديرة المدرسة كانت شويا صعبة ودحين اتغيرت
لكن لو اختك تبغا علمي
ابلات العلمي بجد مرررره كويسين
لكن لو ادبي ما انصحها
اختي كانت ادبي وشافت الويل منهم
كان يجي الاختبار وباقيلهم فصول ما خلصوها
والله اعلم لو اتغيروا او لا
المناهج اكيد اتغيرت..بس بالنسبة للمعلمات لهم فضل كبير عليا
...
بس ايام دفعتنا الحمدلله العلمي نسبنا كانت عاليه
...
الله يوفقها ويسهلها ويسهلك طب الاسنان
..
:)

[طـمـوح]

الموضوع مكانه هنا
:s

[هيموجلوبين]

الخمسون الاربعه والخمسوون كلها تعتبر حكومي والشغل كلو راجع للطالبه نفسها يعني ما اعتقد في احد يستنا الاسئله لمن حدو عشان يكون سهل

الخمسون درست فيها اول سنه باولى ثوني اول تجربه ليا بمدرسه حكوومي

جلست انا مابحياتي حبيت شي اسمو رياضيات كنت اشوف العمى ولا اشوفو بفضل الله ثم بفضل معلمه اسمها عائشه الغامدي ماشاء الله سرت اعشقووووو اوكي العربي في حياة وعزيزه والله زي السكر بس مع البنت الي محترمه حالها
شوف الدين كانت في ابله الله يهديها بس الي اعرفو انها نقلت الجدد مابعرفهم الفيزيا ابله زي العسل اسمها زبيده يالله ادا شرح ماشاء الله روعه ادا كل شي الاحياء يتاشرر بس بعقل يغني مو تعطيك الاختبار لا بتاشر وشرحها روعه الكيميا والله كانت نهاية السنه تفتح الكتاب تقول الصفحه الي موة مهمه حطو عندها اكس صغيير عشان لايبان يعني مو تحزف اساله لاتحزف صفحااات وهيا جنوبيه زي العسل اسمها <<<نسيتو
والله مدرسه روعه مايهم كيف طريقه تعليمها لان مو حص محاضرات مايهم هوا كيف الي يهم الطالبه الكتاب هواهوا نفس الشرح الي بتقولو المعلمه بالعكس اعرف بنات بسنه ثالث الترم الاول جايبين بالتمانينات وماشاء الله دحين متخرجين ب90 وفوق يعني كلو على البنت

مدرسه بجد روعه بس مافي اي مدرسه الا ويبغالها اجتهاااااااااااااااااااااااااااااااااااااااااااااا د ونصيحه مني لو هيا ثاني لو الظروف تسمح تروح من سنه ثانيه مدرسه خاصه اظمنلها والتقديم ماييميز بين خاص وحكومي بس انا اطريت اني احول من سنه ثانيه ارجع للخاص رغم انو ماشاء الله كانت روعه بس انا شردت من ابله الدين وشردت من ابله الرياضيات غير ابه عائشه لاوحده تانيا ولمن شردت طلعت ابله الدين خرجت والرياضيات مستمره ورحت او رجعت للخاص


الي هيا لو احد يبغاها روضة البوادي الاهليه
كانو يقلو الافضليه للحكومي والي اشوفو انو ماشاء الله نص البنات بخااص

[سكرت العسل]

شوفي أنا وحده من صحباتي كانت بأولى ثانوي بمدرسه مطوره
وبعد كذا حولت للمدرسه عاديه
اذكر كانت تقول نظامهم مثل الجامعه والاعتماد الكلي على الطالبه مو على المعلمه يعني تنمي المهارات الفكريه
يعني يبيلها واحد متفضي للدراسه ويبحث ومافي شي صعب بالاجتهاد .....
بالنسبه لي ماأنصح أختك تدخل مطوره كفايه هالانظمه اللي راح تواجهه من معدل تراكمي للثاني وللثالث
والقدرات والتحصيلي والسنه التحضيريه ....وبعدها تخصص طب اسنان يعني مشوار متعب
وخليها تستخير قبل

[][_ غــــــيــــــر _ ][]

السلام عليكم ورحمة الله وبركاته ..

الله يعطيك العافية على موضوعك و سـيـتـم نــقـــله لـلـ قــســم الـمـناسـب .
.. دمــــــــــ ـ ت بـــخــــــيــر ..

[memestudent]

انا طالبة اتخرجت من الثانوية المطورة 54 تخصص علمي وصراحة المطورة احسن من العادي وانصح كل اللي اعرفهم انو يروحو مطور لانو المواد تكون اقل 7 مواد اكثر شي كل ترم والعربي ناخذو 4 اترام وهو تقويم مستمر ومرة سهل كلو حق الابتدائي ومواد الدين ناخذ كل مادة مرة وحدة في سنوات الدراسة كله والفيزياء والكيمياء والاحياء ناخذوا مرة وحدة كل سنة والانجليزي ناخذو 5 اترام ويكون مرة سهل وحلو وحتى بعض الشباتر اللي ناخذها في الجامعة اخذتها في المدرسة بس الرياضيات كل الاترام غير انو في مواد جديدة حلوة وسهلة وكمان تقويم مستمر هذا انها ما راح تتعب بسبب الاختبارات لانو في اختارات نصفية 25 درجة والنهائية 50 درجة في اختبارات دورية بس مو دايما وحسب كل ابلة هذا غير انو درجات الاختبار تعتبر من درجات المشاركة ولا تخاف من الابحاث لانو حتى النظام العادي يطلعو ابحاث وانا الحمدلله قبلوني طب بشري ووحده من البنات قبلوها طب اسنان وبالتوفيق