طب وجراحة بعد الفارم دي؟!!

[بدر الدجى $$$]

السلام عليكم
سمعت انواا اذا الشخص اخذ الفارم دي بعد الصيدلة طبعاا انواا يقدر يكمل طب وجراحة بـ3 سنوات
فهل هذاا صحيح؟؟وارجواا التوضيح.
وشكرااا

[mzat kau]

ممم انا برضو سمعت كدا بس اظن انو مافي احد سواها الين دحين يعني لسه جديدة
^^^ مو متاكده لاتاخدي ع كلامي :)

[بدر الدجى $$$]

ان شاء الله صحيحة مدري حسيت هالكلام مقنع نوعاا ماا
يعني انتي في النهاية دارسة بعض من مواد الطب في الفارم دي
ومشكووووورة اختي ع الرد وان شاء الله نلقى الجواب الاكيييد..

[$$د.عباادي$$]

والله الى الأن ليس لنا علم بالموضوع

ولكن ما أشوف لها داعي ان الواحد يكمل

بعد الفارما دي طب وجراحة

الصيدلة شي والطب شي ثاني

ممكن تحولي اذا تبغي طب وجراحة

تحياااتي....

[طيور الأمل]

و الله ماعندي فكره
بس مثل ما قال د عبادي ما احس له داعي
و التحويل اصرف لانه الصيدلة بعد دراستها مو قليلة ست سنوات
فالتحويل من بدايتها يختصر السنين اذا كانت رغبتك الاساسيه طب

[رقـة الانفاس]

اذا كان يمدي ندرس بعد الفارم دي طب وجراحه حلو

لان التحويل للطب لازم يكون قبل الثلاث سنوات ويبيلك معدل عالي عشان تحول

فإذا يمدي فرصه مررره نايس للي يبون طب

[حابه # اتخصص]

كلام د.عبادي مقنع
بس انا ما اعتقد صح اننا راح ندرس تشريح وكذا بس مو بشكل موسع زي الطب واحنا دراستنا كلها راح تكون عن الادوية لكن في الطب ما ياخذوها بشكل موسع والله أعلم

[Dr. Kheeloo]

ههههههه

نفس هذا الموضوع انقال عندنا

و كنت صاحب الكلام دا بس في الاخر اقتنعنا

انه فعلا لازم نحب الشي و انه اشاعة هذا الشي مو اكيدة و ممكن تتغير ( سواء للأحسن أو للأسوأ )


يعني ليس بالمريح انك تعيش 6 سنوات من دراستك ع امل انك تنقل أحسها مخاطرة بنفسيتك اللي تعتبر هو نافذة ابداعك

يا أنك تحول من الان ,,, أو تقتنع و ( تحببببببببببب ) هذا التخصص لانه فعلا رائع و لا يعرفه غيرنا نحن الصيدلة

في تراكيب دواء و و و و و والخ من علم لا ينتهي


هذا رأي أو هذا ما ختم بيه هذا الموضوع في المنتدى اللي موجود فيه

و سبحان الله واضح انه كل سنة حيمر هذا الموضوع

ربي يسعدكم و يوفقكم

يا دكاترتنا الجدد

:)

[شيهانة ابها]

السلام عليكم ورحمة الله وبركاته...متى الطاله تتخصص بالفارم دي هل هي لازم تدرسها من اول مستوى؟؟؟..ام لودرست اولى بجامعة الملك خالد بعدها اقدر احول للملك عبد العزيز؟؟؟؟؟

[شيهانة ابها]

اقدر بعد السنه الاولى احول للفارم دي علما اني لست من جدة؟؟؟؟؟