سؤال عـــــن الدراسه في قسم الأحيــــــــــــاء و الفيــــــــــزياء}~

[أحلى حلم ...]

بسم الله الرحمن الرحيم
السلام عليكم ورحمه الله وبركاته

أتمنى منكم إنكم تساعدوني وتجاوبوني على أسئلتي...

1\ الدراسه و المقررات في قسم الاحياء و الفيزياء هل هيه بالانجليزي فقط ؟؟
و إذا كانت بالانجليزي يساعدوكم ويدونكم تراجم او ملازم بالعربي ولا لا؟!

2\ هل الشرح و إلقاء المحاضره يكون بالانجليزي و لا بالعربي ؟!؟

3\ هل الاسئله في الاختبار بالانجليزي وكيف نمط الاسئله هل هوه ( إختياري ) فقط أم إنه ( مقالي ) للمستوى الثالث والذي بعده ؟!
و إذا كانت مقالي هل يوجد اسئله مثل أشرحي او تحدثي أو عددي و تكون الاجابه باللغه الانجليزي في الفيزياء و الاحياء ؟؟

أنا بنتظار أجوبتكم و ياليت تجاوبوني بصرااااحه وخاصه عن قسم الاحياء

ولكم مني كل الشكر و التقدير

[R-Kh]

وعليكم السلام ورحمة الله وبركاته
...

1\ الدراسه و المقررات في قسم الاحياء و الفيزياء هل هيه بالانجليزي فقط ؟؟ و إذا كانت بالانجليزي يساعدوكم ويدونكم تراجم او ملازم بالعربي ولا لا؟!

شوفي يا بنتي
الاحياء على اساس انو صار بالانجلش كمان
بس انا شايفه انهم للان بيدرسوا عربي
وحده من صحباتي احياء بتقول انو قالولهم دا الصيف حيغيروا المناهج لـ انجلش
يعني بكل الاحوال الفيزياء والاحياء انجلش
...

2\ هل الشرح و إلقاء المحاضره يكون بالانجليزي و لا بالعربي ؟!؟

الشرح عربي + مصطلحات بـ الانجلش
ولو في دكتورة تشرح انجلش وقفيها عند البوينت اللي ما فهمتيها وراح تفهمك اكيد
...

3\ هل الاسئله في الاختبار بالانجليزي وكيف نمط الاسئله هل هوه ( إختياري ) فقط أم إنه ( مقالي ) للمستوى الثالث والذي بعده ؟! و إذا كانت مقالي هل يوجد اسئله مثل أشرحي او تحدثي أو عددي و تكون الاجابه باللغه الانجليزي في الفيزياء و الاحياء ؟؟

الاغلب بيجيب اختياري
واسئلة اجابات قصيرة
ما اتوقع انو في اسئلة بالانجلش وفيها عددي واشرحي الا نادرًا
...
يعني اغلب الاحياء خيارات والفيزياء طبعًا مسائل
...
لو تحبي تحفظي أحياء
ولو تحبي تفهمي فيزياء
وشوفي نفسك فين تحبي تكوني
والله يوفقك يارب
..
:)

[أحلى حلم ...]

مشكوره ياقلبي على الرد ...
أنا دخلت إحياء لاني حاسه أنه ممتع رغم إني أحب الفهم ...و ربي يسهل
لاكن تفاجأت إنهم قالولي إنوه إنجليــــــــــزي ؟!! علشان كذا قلت إذا كانت إنجليزي أحول لحاجه فيها أرقام أحسلي

لاكن مبين من كلامك إنوه الاحياء العام اللي فات كان عربي !!! يعني مكان من زمان إنجليزي ؟!؟ طيب كانوا الاختبارات تبعتهم بالعربي كلها يعني مافيه إي سؤال بالانجلش ؟!؟!
وكمان هوه التحويل بعد ترم ولا بعد سنه زي ماهوا موجود في موقع العماده ؟!؟
وأنا اسفه تعبتك معايه

[R-Kh]

صحباتي كانوا بياخدوا وراثة واحياء دقيقة بالعربي لكن المصطلحات انجلش
زي كتاب معمل احياء 281 لو اخدتيه يكون المصطلح انجلش والتعاريف والشرح عربي
...
والاسئلة تجيهم فيها المصطلحات انجلش وبس
...
انا السنه الماضيه اخدت ماده بيولوجيا الخلية من قسم الاحياء وكان الكتاب عربي ماعدا المصطلحات
وكانت تجينا فراغات واختيارات
...
وبالنسبة للتحويل ماعندي فكرة
بس تابعي الاعلانات فـ الكلية
....
لو حابه الاحياء اتوكلي على ربك
ولا تخلي اللغة حاجز
حتتعودي عليها وتصير دي المصطلحات سهله جدًا عندك
..
:)

[never hide]

انا تخرجت السنة اللي فاتت من قسم الاحياء و كان عربي الا اذا الدكتورة بدها تعطي انقلش فهو شي يعتمد على الدكتورة اكثر

مثلا انا درست ما دتين من قسم الاحياء انقلش وحده منهم كانت الدكتورة تشرح انقلش و لما شافت انو محد فاهمها صارت تشرح عربي و الكتاب انقلش

الثانية كانت تشرح بالاثنين و تعطي ملازم بالعربي و الانقلش

الاختبارات عربي ( + مصطلحات معظمها لاتيني ) لكنها بسيطة

لكن اللي اشوفه حاليا انو فيه توجه لجعل قسم الاحياء انقلش و ما اعرف ايش قررو

عشن كدا لو تسألي البنات اللي لسه ما اتخرجو يمكن يقدرو يفيدوكي

او اسألي المرشده الاكاديمية حقتك ( و غالبا ماراح يكون عندها اجابة شافية )

و لو حابة تعرفي الجواب الاكيد اسألي رئيسة قسم الأحياء و هي تقولك اش اللي قرروه

و بالتوفيق

[أحلى حلم ...]

ربي يسعدكم زي ما أسعتوني بردودكم

عشن كدا لو تسألي البنات اللي لسه ما اتخرجو يمكن يقدرو يفيدوكي

ياليت اي وحده أحياء لساتها ماتخرجت تساعدني >_< لاكن مبين غنوه قليل اللي تخصصوا إحياء !!

او اسألي المرشده الاكاديمية حقتك ( و غالبا ماراح يكون عندها اجابة شافية ) و لو حابة تعرفي الجواب الاكيد اسألي رئيسة قسم الأحياء و هي تقولك اش اللي قرروه

وكيف أقدر اوصلهم قبل بدايه الدراسه؟!؟!

[123]

انا متخصصه احياء وان شاء الله السمستر الجاي حيكون المستوى الخامس D:
وبالنسبة للغة لييين دحين الاحياء االعام بمستويييه الاول والتاني هوا االي انجلش واختباراتو اختياري والمواد الباقيه بالعربي واختبااراتها ع حسب الدكتورة ممكن تخليها مقالي او اختياري وفيها مصطلحات لاتينيه او انجلش
بس قالولنا انو ع السمستر الجاي او الي بعدو حيخلو الاحياء كلو انجلش ماادري بصحة دا الكلام xD
والله يسهلك الي فيه الخير ان شاء الله ولاتخافي من اللغة مع الايام حتتعودي ان شاء الله ^-^
اتمنى اكوون افدتك وملحووظة ترا الاحيااء مليااان مو قليل بس مشغولين مايكتبو في المنتدى xp

[MS.Sowaleh]

المشاركة الأصلية كتبت بواسطة 123 انا متخصصه احياء وان شاء الله السمستر الجاي حيكون المستوى الخامس d: وبالنسبة للغة لييين دحين الاحياء االعام بمستويييه الاول والتاني هوا االي انجلش واختباراتو اختياري والمواد الباقيه بالعربي واختبااراتها ع حسب الدكتورة ممكن تخليها مقالي او اختياري وفيها مصطلحات لاتينيه او انجلش بس قالولنا انو ع السمستر الجاي او الي بعدو حيخلو الاحياء كلو انجلش ماادري بصحة دا الكلام xd والله يسهلك الي فيه الخير ان شاء الله ولاتخافي من اللغة مع الايام حتتعودي ان شاء الله ^-^ اتمنى اكوون افدتك وملحووظة ترا الاحيااء مليااان مو قليل بس مشغولين مايكتبو في المنتدى xp

يا حبيبي مشغولين الله يستر هههههههههههه

شكرا الله يعطيكي العافية

[أحلى حلم ...]

تسلموو حبايبي على الرد ...

بس قالولنا انو ع السمستر الجاي او الي بعدو حيخلو الاحياء كلو انجلش ماادري بصحة دا الكلام xd

أنا كمان سمعت عن هالكلام لاكن كيف اقدر اتاكد من إنوه صحيح ولا لا ؟! ياليت اي وحده تعرف ومتاكده تقول ليا أو تقلي طريقه اقدر أعرف هوه صح هالكلام !!
وهوه بس الاحياء اللي راح يكون إنجليزي ولا كل المواد زي الفيزياء و غيرها ؟!