طالبات كلية العلوم الطبيه التطبيقيه ,,

[امـــــواج]

السلام عليكم ورحمة الله وبركاته

حابه اسائلكم يابنات كلية العلوم الطبيه التطبيقيه
هل انتو موافقين على انو تنضاف مواد الثقافه العامه على المعدل
وخصوصا بنات التخرج الي مثل حالاتي

لانو اعتراضي بسبب
انو هما ماقالولنا من البدايه ا نو دي المواد حتنضاف في المعدل

ونعتبر دي اول سنه تنضاف فيها على المعدل عندنا

والمشكله ان دكتور عادل ابو زناده كدا مره يوعدنا باجتماع وفي النهايه
يكنسل الاجتماع

بجد ابغى حل للموضوع
]وخصوصا ان بنات الاب (المختبرات) ما انضاف لهم
ولاحينضاف لهم دي السنه


يعني يستنو نتخرج وبعدين يضيفوها بكيفهم واهم من كدا يبلغو الطالبات


كيف تتوقعو الحل واش اسوي

لانو بجد متورطييييييين كتير بالي حيسير

لانو مواد الثقافه درجاتنا فيها مو قد كدا

وحتنزل لنا معدلنا اكتر ماهوا نازل


الي بيدوه حل
او عندو راي يقول لنا :(




تحياتي:
أمواج

[miss chocolate]

لا يا شيخة حتنضاف حتى انا تخرج دا الترم تخرج يعني اذا الثقافة انضافت العربي
انا سمعت قبل كدا بس حسبت للسنوات اللي بعدنا مو احنا وايش معنا بنات مختبرات لا وباقي اقسام التقنية ايوة
هو ناقص المعدل ينخسف !!

[المتفائلة]

الله يكون في عونكم يارب
بنشوف بنات بيعانو والله وبيكون عندهم تعارض
وحووسه

الله يعينكم وييسرها يارب

[امـــــواج]

miss chocolate
انتي في قسم طبي معانا :)

ع العموم الثقافه والعربي سوا
يعني الاتنين انضافو للمعدل


وخليها على ربنا


افكر ما اسكت لانو بجد حيتخسف المعدل
لانو عمرو ماحطينا بال انو في النهايه حيضيفوها


ودكتور عادل ابوزناده هوا بنفسوه قال لبنات المختبرات انو ماحينضاف لدي السنه بس

بس احنا أستاذه سرا وميرفت اكدولنا انو داخل في المعدل


يعني ابو الخسسسف

ع العموم يسلمو لمرورك ومساندتك

[امـــــواج]

المتفائله

بجد اتمنى اكون متفائله من دا الموضوع

بس خليها على ربنا

و ربنا يستر


يسلمووووووو اختي

وادعيلنا تعدي على خير

[miss chocolate]

يب امواج انا في علاج طبيعي
والله يا امواج هم يخسفو بالزات المستويين الاولى التالت والرابع اخدتهم في الصيف وكان نتائجهم حلوة
الله يستر وموفقة ان شاء الله