بين اداره محليه و نظام سياسي

[loletaaaaa]

كيفكم
رمضان كريم وعيد سعيد عالجميع يارب :)

انا ان شالله الترم الجاي ابا انزل مواد اختياريه ومحتاره بين دي المادتين يابنات
اداره محليه مع عنود السبعان
ونظام سياسي مانزلو مع مين لسه
والمادتين ناس تمدح وناس تذم

ياريت الي درست دي والي درست دي تفيدني ايش المطلوب وايش التكاليف وكيف الاسئله واي معلومه ان شالله تفيد لانو مررره محتاره
وبالنسبه للنظام قالولي في بحث عن مجلس الشوري مع امل عرب وتقومي تعرضي وانا ابا شي خفيف شويه :$
يعني مافيا اختياري وتكاليف كتيره زي كده عادي تكليف بس مو دسم كده حسيت مجلس الشورى وعرض كمانه مرررررررره دسم :s
وبدي اسال كمان عن مبادئ سياسه حانزلها ان شالله

ناس قالولي امل وناس خالده وناس زينب ياريت برضو تفرقولي بينهم عشان اشوف مزايا وعيوب كل وحده واخد مع الافضل:d

وشكرا مقدما

[وسن5]

انا درست ادارة محلية مع عنود سبعان وكانت حلوة وفيها تكليف بسيط تحدد لك مواضيع واختاري منها واكتبي كلة انا جبتة من النت وكان حلو وتعطي علامات حلوة واسئلتها واضحة وحلوة
وبالنسبة لمبادئ سياسية انا اخذتها مع امل عرب وكانت حلوة اكتبي كل شي في المحاضرة والاسئلة من الكلام اللى قالتة في المحاضرة
والله يوفقك ويوفقنا معك

[وسن5]

اما بالنسبة لزينب انا اخذت معها مادة اسمها مهارات وبحث علمي هية طيبة بس اسئلتها مو مررة حلوة وتجيب النوم محاضراتها

[loletaaaaa]

الله يسعدك يارب ياوسن شجعتيني للادراه المحليه ومبادئ سياسه يارب ينزلوها مع امل يسير كويس انو من المحاضرات يكفي علينا كتب فمواد التخصص
الله يوفق الجميع يارب :)