الأخطاء الشائعه عند الكتابة .. موضوع للنقاش

[لولو كاتي]

المشاركة الأصلية كتبت بواسطة سعيد الغآمدي الــسلام عليكم ورحمة الله تعالى وبركاته وارضاته ومرضاته واشرف تحياته عزيزي مشاهد موضوعي إن كنت بالصباح فصباحك نور وسرور بتغريد الطيور وجود البخور وريح العطور وإن كنت بالمساء فمسائك نور وسرور بغلا القصور والوان الزهور وطعم الهامور إعذروني على نقدي ولاكن هذا مايزعجني بجوفي وأردت ان ابوح لكم مابداخلي ____ صـ ـوـما مـقبولآ..وإفطآرا شــهــيا

وعليكم السلام ورحمة الله وبركاته

اولا شوفوا الاخ كيف بدأ موضوعه بالتحية الاسلامية وبمنتهى الذوق والحرص قدر الامكان على مشاعركم لكن واضح انه ماعندكم ديمقراطية يعني ماتسمحوا لاحد يقول رايه اذا كان مخالف لكم >>اذا الجامعيين كدا اجل البقية كيف؟؟؟؟!!
ثانيا كل مافي الموضوع انه حب يبوح عما بداخله وعن الامر الذي يزعجه وهذا من حقه ومن حق كللللللللللل واحد فينا مو معقولة انكم تعاملوا اخوانكم كدا
الا اذا كنتوا في بيتكم متعودين على دا الحال
ثالثا ارتقوا شوية
بالله عليكم راجعوا الصفحات وشوفوا الردود وطريقة ردكم
قارنوا بين طريقة ردكم وطريقة صاحب الموضوع
هل هو غلط عليكم حتى زعلانين كدا؟او انه الموضوع ضرب على وتر حساس.. وهذا الارجح

ابغى اوضح شي بس
هو لمن قال ايظا واكلتوووووووووه وصححتوها له..
هو قالها بعفوية يعني هو في باله انها صح حسب علمه وحسب ماقرا في المعجم وحسب ماتعود وحسب وحسب.....يعني هو في نظره انه هذا الصح
والمشكلة ليست هنا على الاطلاااااااق
لكن لاحظوا معي وهنا صلب الموضوع
انتوا لما تكتبوا تيب= طيب
و عاتي= عادي
و تبعا=طبعا
انتوا بتكتبوها مع انكم عارفين انها غلط وعارفين الصح من الغلط ولمن يكون الواحد عارف الغلط ويسويه بيكون غلطه اكبر من الي موعارف
انتم بصراحة تتصنعوا وماتتكلموا بعفوية على بالكم انه دلع وميوعة مع انه حسب علمي لايوجد ميوعة في الكتابة ههههههههههههههههه
الدلع في النطق مو في الكتابة
يعني مصيبتكم اكبر
المشكلة ليست في لهجتكم
بالعكس اللهجة الحجازية رائعة وهي لهجتي ولكن في الكتابة يفضل انه الواحد يكتب كلام واضح للجميع

ممكن تفهموني الكلمات الي بالاحمر هادي بأي لهجة؟؟
هل هذه هي لهجتكم الي قاعدين تدافعوا عنها؟؟
يعني حتى الاجانب الي انتوا قاعدين تقلدوهم مايكتبوها كدا للمعلومية يعني

وزي ماقال واحد من الاعضاء كل واحد يتكلم بلهجته
مو بلهجة غيره زي بعض الناااااااااس الي كل ردودهم بالشامي
معظم البنات قايمين يتكلموا سوري في كل ردودهم
وكوننا بنخالط الاجانب معليش هادا مو عذر يخلينا نتخلى عن لهجتنا ونتكلم مصري او سوري او لبناني
السوريين لمن يجوا عندنا بيتكلموا سوري مافيهم احد بيتكلم سعودي يعني كل واحد المفروض يحاااااافظ على لهجته مو يتاثر بالاجانب الي مقيمين في بلده عندنا بنقالة واندونيسيين مو معقولة اننا حانتكلم زيهم!! من الطبيعي اننا نتكلم بلهجتنا فقط
اذا كان في احد لازم يتأثر بالثاني فمن باب اولى انه الاجانب
هم الي يتكلموا سعودي لانهم في السعودية مو احنا نتاثر بهم ونحرف لهجتنا ونقلب مصري
لاتصير عقولكم متحجرة اذا الموضوع ماعجبكم مو معناها انكم على صواب

فين النقاش ياجامعيين
مني شايفة نقاش خليتوها حرب واعتبرتوا الموضوع اعتداء على لهجتكم وخليتوها غيرة ولقافة


ارتقوا عشان تخلوا الناس فعلا تغار منكم :)