استفسار لو سمحتوو

[Language of Love]

السلام عليكم ورحمة الله وبركاته

كيفكم ان شاء الله تمام

المهم ابغا اخش في الموضوع عشاني ما احب المقدمات

عندي كم سوال ابغا اسال بنات جدة يا ليت تجاوبوني لاني من مكة ما اعرف كيف الانظمة

ابغا اعرف اول شي انظمة اللبس كيف

تاني شي الجوال عادي بكاميرا ولا لا

تالت شي ابغى اسال كيف اعرف انا في فرع البنات ولا السليمانية ولا مدري اشكلو ما فهمت شي المهم لما سجلت قالتلي تبغي في الكلية ولا الجامعة قولتلها مدري ايش الفرق قالت شوفي ايش الاقرب قولتلها انا من مكة قالتن اقرب الجامعة المهم ماني عارفة فين اروح <<<< تعبت

وبعد كدا ابغا اعرف ازا في بنات من مكة يطلعو جدة كل يوم ومو لاقين سواق يكلموني خاص

واااسفة عالاطالة واتمنى تجاوبوني بليييز

وبس

[Zooni]

وعليكم السلام ورحمة الله وبركاته

الله يحيي بنات مكة ياهلا ..~

طال عمرك بالنسبة للبس .. عادي اهم شي تنورة تكون طويلة او ميدي عادي لكن البنطلون ممنووووع

البلايز اقصى حد نص الكم ما يرتفع عن كده ..

بالنسبة للجوال بكاميرا ممنوووووع ,, مخالفة على طول انذار وينأخد جوالك ..

وموضوع الجامعة او كليه تعرفيها من بطاقتك

ازا كان مكتوب انتظام طالبات معناته في الجامعة ,, ولو مكتوب فرع بنات معناته في الكلية

وبس يا ستي .. اتمنى اكون افدتك ..~

[Language of Love]

ااااه ابكي انا ولا ايييش

طيب
يسلموووو خيتو