علي اي بر رسيت

[عبدالله الاول]

السلام عليكم ورحمة الله وبركاته
بما انكم مثلي ملهوفين على التسكين وننتظر بفارغ الصبر ومعد في اعصاب مستنين اللحظة اللي ندخل فيها على الاودس ونشوف اسماءنا مسكنة في كلياتها
لا كن ابغى اسألك واسأل نفسي ويش من تخصص بتدخل؟
وليش؟
ترى الموضوع مهو سهل ولا هو هين
التخصص قرار مصيري مثل الزواج
حتختار مجال تعيش معاه باقي حياتك

عشان كذا انصحكم بالاطلاع عن تخصصاتكم
ولا تسمعوا كلام الناس وتأكدوا من كذا بنفسكم

واختم بالقصة الطريفة
وقد حدثت معاي شخصيا
سمعت ثلاث طلاب ما اعرفهم في احد الاختبارات في السنة التحضيرية(ايام ما كنا صغار)
يبوا يقنعوا بعضهم ان قسم المحاسبة هو قسم القانون على الرغم في الجامعة لا يوجد قسم اسمه قانون
بل هناك قسم يدرس فيه القانون هو قسم الانظمة

[رفيعة الشان]

اكيد الواحد حتى لازم يستخير اذا كان محتار بين التخصصات من جد لانة تحديد مصير

في السنة التحضيرية(ايام ما كنا صغار)

ههههههههههههه عبدالله يعني يقالك الحين كبرت صراحة ضحكتني الجملة هذي

[wan]

كلامك صح هوا قرار مصيري

و ترا الأنظمه هوا نفسو القانون

الحمدلله أنـآ رسيت على بر بعد مالفيت على أقسام كتيير بس اهم شي قررت و بأستنى التسكين عشان اختار التخصص
و ليش اخترتو لأنو انا أتطلعت على الخطه الدراسيه للقسم ( إعلام ) و عجبتني المواد حسيت إنها على ميولي
يعني ( تصوير ضوئي ) انا هنا اموت في شي اسمو التصوير الفوتوغرافي
و برضو باقي مواد القسم كلها عباره عن مهارات تفكير و مهارات إتصال إللي كنا ندرسها أول سنه

يلا عاد لا تقولو ألله حلو الإعلام يرحم أمكم لا تزاحموني خلوني أتنغنغ من نعيمو في دا الشهر الكريم
>>>> أمزح والله أمزح


ثانكيو عبدالله الأول ع الموضوع

[samado]

وعليكم السلام ورحمة الله وبركاته

والله التخصص الي ابغاه لغات اوربية في كلبة الاداب ان شاء الله ... بسبب اني مني فالح الا بالانقليزي :)

[بنت من الجامعه]

أمممم والله انا محتااارة صرااحه
مدري ايش ابغى بالضبط
قلت أبغى نظم معلوومات إداريه
وفكرت أنظمه بس مدري لها مجالات وظيفيه ولا بجلس بالبيت
وفكرت برضو إعلام بس يقولو انو للبنات مافي غير صحاافه
وحسب وجهة نظري انو صحاافه للبنات وفي السعوديه مو متووفرة كتير


بس أخت وان إيش هوا التصوير الضوئي مافهمت عليكي ؟
يعني في تخصص كده في الاعلام ولا هده ماده
لانو لو كده في في الاعلام يسير شي حلووو وبجي معاكي هع
يسلمووو

[[:مريــم:]]

ان شاء الله راح أرسى على بر ال english

يارب توفيقك للجميع

[فروته]

انا لسى سنة تحضيرية

السنة الجاية اصير كبيرة هع

والله حسستونا اننا بيبيهات خخخ شعور حلوو ترى

لكن ان قدر الله السنة الجاية و جا وقت التخصص

يا اني باتوهق

حيل محتارة ولا ادري من جد وش ابي اتخصص

كل ما رسيت على واحد احطه ببالي طلعوا لي فيه اللي حولي مليون الف عيب

فما ابي اسمع اي شي عن التخصصات لين يجي وقتها

ما ابي احط هدف معين ببالي

ابي اشد حيلي لاقصى حد ممكن و اجيب معدل يسمح لي اختار اللي ابيه

ان شاء الله عاد يا رب

وانتوا عاد ادعوا لنا بالتوفيق

والله يوفقكم انتوا كمان بعد

[wan]

المشاركة الأصلية كتبت بواسطة بنت من الجامعه بس أخت وان إيش هوا التصوير الضوئي مافهمت عليكي ؟ يعني في تخصص كده في الاعلام ولا هده ماده لانو لو كده في في الاعلام يسير شي حلووو وبجي معاكي هع يسلمووو

التصوير الضوئي هوا التصوير الفوتوغرافي يعني فن التصوير وكدا
و دي ماده تدرسيها في المستوى السادس أعتقد أو الخامس
و باقي المواد كلها زي مهارات الإتصال و مهارات التفكير
خشي موقع الجامعه و شوفي الخطه حق الإعلام مسار صحافه و شوفي المواد
و الله يحيكي نسير صديقات

[مُنى ~]

أنظمة إن شآءِ آلله 3>

[Magic Smile]

محآسبة وووبسسس ،،
الله يوفق الجميع ^_^