يامهندس رايك يهمني في الجدول لهذا الترم وماخاب من استشار

[ss11mm]

السلام عليكم ورحمه الله وبركاته

ماادري فكرت في ذي المواد اتمنى ياشباب تشاركوني الراي فيها


1- ee332 نيومركال
2- meng 270 ميكانكس
3- che 210علم المواد
4- والرابعه محتار بين الثيرمو او فلويد او رسم 2


فياليت يامهندسين لو ماعليكم امر تعطوني رايكم في المواد سهله او صعبه وايش احسن دكاتره لاهنتم وربنا مايحرمناش منكم والله ييسر لكم ولنا امورنا بأذن الله

[eng. abdu]

النوميريكال سهله و حلوه بس يبغالها تمرين كثير, و افضل دكتور هو الفهيد عاد ما يحتاج..

و الماتيريالز ساينس ماده دسمه و مليانه يبغالها مذاكره صح و فيها حفظ كتير و ما لها الا دكتور واحد هوا طيب و يشرح بس انو عصبي شويه..

و الباقي و الله ما اعرف عنهم.. بالتوفيق

[صقرر]

جدولك حلو بس انا انصحك تنزل كمان ثيرمو او رسم 2

وأنا انصحك بالثيرمو لأنها سهلة مرة وخذها عند قاري او اسعد خالد اونذر الاسلام

والرسم 2 تراها اسهل من المستوى الاول وبرنامج الاوتوكاد مافي اسهل منه برنامج

والمشروع نهاية الترم قطعة من المهندس ممدوح

بس مدري اخوي انت وش تخصصك ؟

[جون سينا]

صقر الله يعطيك العافية .. سؤالين :
الاول : من جد الرسم المستوى الثاني اسهل من الاول
الثاني : هل الثيرمو سهلة لاني سمعت انها طويلة وعن ايش تتكلم حفظ..

وشكراااا

[صقرر]

والله على كلام كثير من الشباب وانا اولهم واخذت المادة واعتبرها اسهل من المستوى الاول بكثير بدليل ان كل قوانين الرسم من خطوط ومسافات الابعاد الخ ... نفسها في المستوى الثاني


بس التغيير حيكون في استخدام برنامج الاوتوكاد الشهير autocad وتتعلم عليه

والمهندس ممدوح من اطيب المهندسين الموجودين في المادة وفي نهاية الترم تاخذ مشروع autocad و solidworks نفس طريقة المستوى الاول بس الزيادة في الــ autocad

والاختبارات الدورية للمادة يقولك اياها الدكتور وانه حتجي الرسمة الفلانية وهكذا ...

المادة سهلة جدا وانا اعتبرها اسهل من المستوى الاول بدليل ان كثير من الطلاب يشتكون من المستوى الاول انه النهائي صعب والدوري اصعب وهكذا

الثيرمو منهج سهل جدا واذا فهمت شابتر 2 و 3 خلاص المنهج في جيبك تقريبا

لأنه المادة عبارة عن جداول وفيها ارقام لدرجات الحرارة والضغوط الخ ...

واذا تبغى تفهم المادة اكثر حاول تاخذ ملخصات حسن وحيد

فيها امثلة وواجبات محلولة ومفيدة جدا

المادة حقها a + بالراحة بس اجتهد فيها وهي 4 ساعات يعني بإذن الله يطلع المعدل فوق يا رب

بالتوفيق وبإنتظار صاحب الموضوع ليبين لي تخصصه عشان اختار له المادة الانسب

بالتوفيق

[جون سينا]

كفيت ووفيت اخوي صقر ...

[ss11mm]

انا انتاج يااخ صقر ومشكورين ياشباب على التفاعل وربنا يوفقكم

[صقرر]

اذن خذ الرسم المستوى الثاني اخوي لأنها ومع الميكانكس تفتح لك مادة الديزاين 1

فأولى لك تاخذ الرسم والقرار لك

[ss11mm]

صقر معليش سؤال هل تغيرت ساعات الرسم من 3 الى 2 ولا الموضوع اشاعات
ومشكور على ردك السريع يامشرفنا :)

[صقرر]

قرار نزل من ادارة قسم الإنتاج ووضعت قبل فترة في منتصف الترم الثاني لوحات تشير الى تتغيير ساعات الؤسم الهندسي لتصبح ساعتين بدل 3 ساعات

بإذن الله تتغير في النظام الايام الجاية