تعبت خلاص :(

[pulse heart]

السـلام عليـكم

كل عام وانتوا بخير


انا انتظام ((سنه تحضيريه تأهيلي))وحملت مادتين

اول شي نزلي التسكين وفرحت وبكيت

بس اللي قهرني انه مانزلي التخصص وكل يوم ادخل على هذا القسم عشان اشوف في احد نفس حالتي وارد وبعض البنات ساعدوني معنويا جزاهم الله كل خير

((مني يغار الورد-Wan-نكهة اندومي))

وبعد كم يوم دخلت اشيك

عالاوديس الاقيه حاطين مستمر في دراسته

بدال مستجد آداب لكن دحين مستمر في دراسته

مرره انقهرت وجلست ابكي

مااقول غير

حسبي الله ونعم الوكيل

[رندا البحري]

الله يعينكم....الله بعدنا من السنة التحضيرية........الحمد لله

[مني يغار الورد]

الله يعينك يارب
الله يعوضك يارب ولاتزعلي وإن شاء الله يكون فيه خير لك
شدي حيلك الترم الجاي عشان تفتكين مرة وحدة
الله يوفقك ..ياااااااااااااااارب

[asdfq]

طيب عديتي في المواد اللي حملتيها؟

[wan]

ياقلبي قل ما يصيبنا إلا ما كتب الله
مع اني و الله ما اشوفها مصيبه يعني انتي كلو ترم واحد اللي رح تاخديه

ما بالك البنات اللي في العلمي اللي جالهم اكتئاب و في نص الدراسه قررو يسحبو ولوما إقناع صحباتهم لهم كان يمديهم سحبو و شوفيهم دحين بيعيدو السنه التحضيريه اداري .. رح يعيدو سنه كامله ( تحضيريه ) بهما و غمها و دوامها و حرها و لطعتها و اختباراتها .. سنننه كاااااامله

إنتي ترم واحد و مادتين و لاحقه عالتخصص و التسكين و صدقييييييني خيييره خيييرهـ
بلكن ربي مو رايدلك تتخصصي دحين .. بلكن القسم اللي تبغيه دحين زحمه و عليه ضغط و مارح يقبلوكي و اتخيلي لو انقبلتي في قسم ما تبغيه و ماقدرتي تحولي بعدين وقتها من جد تنقهري ..

ربي خلاكي تشيلي مادتين عشان تشدي حيلك فيهم و تجيبي فيهم درجات ترفعي معدلك
و تكون لكي فررررررررصه في التخصص في الترم التاني اللي ان شاءلله مارح يكون فيه ضغط و زحمه زي الترم الاول .

انتي ارضي بالواقع خلاص ولا تتأففي او تبكي بالعكس قولي الحمدلله


احنا في وقت فضيل قومي صلي شكر لله
و اتخيلي نفسك علمي و سحبتي و سجلتي اداري و حتعيدي تحضيري ... بالله مو انتي اهون عالاقل ؟
انتي مادتين في ترم .. قولي الحمدلله

و الله يوفقك يارب ولاتنسي تشدي حيلك في المادتين


بالتوفيق ياعسل

[نكهة آندومي]

ياعمري ياسوسو
خلاص هذا المكتووب وش بتسوي ماتقدري تغيري
يختي ادرسي ترم وترمين وحملي ماده ومادتين وخلي يضيع من عمرك سنه ولا اكثر
اهم شي تدخلي شي انتي تحبيه
وان شاء الله يارب تعدي فيهم
كلها ترم وانتي متخصصه يارب
وبعدين مافي دراسه تجي بسهوله

ولو وقفت ع الجامعه والله بنجلس نتحسب عليهم من هنا لين مانتخرج
بس وش نسوي لهم

يالله ان شاء الله موفقه

[مني يغار الورد]

والله اندومي ووان صادقين سبحان الله
قدرنا مكتوب منذ سابق عهد عند رب العالمين
الله يكتب لنا اللي فيه الخير

[pulse heart]

جزاكم الله خيــر حبيباتي الله لايحرمني منكم

الحمدلله على كل حاآآآل وان شاءالله اعدي الترم واتخصص

شكرا شكرا شكرا >>قليله عليــكم

الله يوفقكم ويحققلكم اللي تبغوه :)

اسفـــــــــــــه :$

[pulse heart]

ونعما بالله

والله يكتبلنا كل خير :)

[MNMO0ONA]

وااااااان حرام عليكي لاتحطميني
انا كونت علمي وسحبت
اهيء اهيء
ميس سوسو الله يكتبلك اللي فيه الخير ان شاء الله
وان شاء الله ربي حيعوضك الترم الجاي
انتي شدي حيلك وربنا معاكي