وقت مراجعتي راح .. وش اسوي؟

[salonas]

ياخوي ارسل لي د.عبدالفتاح مشاط
هو ان شاء الله رح يفيدك

[MNMO0ONA]

ودا ايميلو
asmashat@kau.edu.sa

[بنوتة جامعية *_^]

الللللللللللللله يوفق لك وييسرلك امــــــــــــوركـ ..

[ضي الحروف ~]

^

^

الله يسمع منكم

و جزاكم الله خير

[فروته]

خيووو لا تخاف انا السنة اللي فاتت قدمت على الجامعة و ما قبلوني الا تاهيلي بس

و دخلت تاهيلي بس علمي و كان صعب علي و سحبت ملفي

و خفت انه هذي السنة ما انقبل و الاولوية تكون للطلاب المتخرجين حديثا

و لما قدمت قبلوني انتظام بمكافآت كمان هههههه يعني ازين من اللي انقبلت فيه السنة اللي فاتت


انت لو هالسنة راح تجلس بالبيت انصحك انك ما تضيعها هباء منثورا

افضل شي تاخذ لك دورة icdl اللي هي الرخصة الدولية للحاسب
ومنها راح تشيل مادة الحاسب من جدولك و ما عاد تاخذها

و كمان خذ لك دورة انقلش راح ترتاح بالجامعة يصير مرة سهل عليك
مع انه اساسا الانقلش حق الاداري سهل

وعلى قسم القانون اللي هو ( الانظمة ) يوجد ايوه من الكليات المتاحة لمسار الاداري انساني


عسى يارب نشوفك السنة الجاية تجي هنا بالمنتدى و تقول ابشركم الحمدلله انقبلت مسار اداري انساني انتظام كمان

[مظلومين يالسنه التحضيريه]

المشاركة الأصلية كتبت بواسطة ضي الحروف ~ ^ ^ جزاكم الله خير بس انا مو من مدينه جده .. صعبه اسافر و روحه وجيه بس عن سؤال لكن بدق عليهم يوم السبت الصباح وبستفسر عساهم يقبلوني مشكورين كلكم

اسمحلي
ياخي انت غريب شي في مصلحتك تستكثر فيه سفر ؟؟
اجل لا تتعب نفسك ولا تتصل ولا شي أستنى السنه الجايه و قدم من جديد إذا انتا كذا
انا صارت معايا أكثر من مره في الجامعه و غيرها يجي الي يرد على التلفون يفلت من عندو وهوا أصلا مو داري بالهرجه لمن اروح أراجع أحصل كلام غير ألي قالو ..

الأفضل إنك تروح تراجع بنفسك و عند كذا شخص ..

[تحب ربها]

ترى لو دقيت بس مااحد راح يهتم لموضوعك <اسأل مجرب
انا رحت لمن عندهم بنفسي ووقفوني خمس ساعات عشان تحويل من كليه
هم يمكن يمرمطوك ويرفعوا ضغطك لاكن في النهايه ربنا يسهلك إن شاء الله

[ضي الحروف ~]

انا المشكله اللي عندي
حطيت شهادتي الاصليه بجامعة طيبه
ما ابغى اسحبها و بالاخير اتوهق مع جامعة الملك عبد العزيز ما تقبلني
الغلط غلطي و انا اتحمل ذنبي :(


طيب عندي سؤال ..
الحين السنه اللي تجي قبل اقدم اسحب ملفي من جامعة طيبه و لا لما تقبلني جامعة الملك عبد العزيز ؟

[MNMO0ONA]

في شرط من شروط القبول في الجامعه
انها ماتنقبل طالب منسحب الا بعد مرور 3 اشهر من سحب الملف
يعني تسحب ملفك قبل ماتقدم عالجامعه ب3 اشهر
بس ماعرف ازا كان قصدهم طالب منسحب من الجامعه نفسها او من جامعات اخرى
لاكن استفسر من الدكتور عبد الفتاح وان شاءالله تلاقي الجواب الاكيد

[فروته]

ايوه لازم يمر على سحب ملفك 3 شهور

لكن شوف انت ادرس بجامعة طيبة و حول على عزوز عشان تضمن لك مكان و ما تضيع سنة من حياتك عالفاضي