عاجل شركة المطرفي للنقل اسئله ارجو الاجابه عليها يابنات

[&جوري&]

السلام عليكم بنات انا اخيرا والحمدالله قررت اتفق مع باصات المطرفي

ولمى كلمناهم قالو في vip وفي التميز

انا احترت ماني عارفه ايش الافضل بليز بنات انا محتاجه شي مريح ماعندي استعداد اتبهذل

يعني قولو كيف التعامل معاهم وكيف مواعيدهم وعندي سؤال مهم كيف لمى اخرج لازم انتظر كل الي معايا ولايجيني على الوقت ضروري تفيدوني باسرع وقت وبكون لكم شاكره

[مني يغار الورد]

انا صاحبتي معاه مرة مرتاااحة بس طبعا التميز ب750 مدري 800
والفي اي بي حيكون ع حسب بعدك عن الجامعة وتقريبا 350 او 400 بس في بنت اعرفها ب300 يمكن قريبة شوية للجامعة
ان شاء الله اكون افدتك

[مياسة العود]

كل حي أو منطقه لهم باصات خاصه فيهم يعطوك رقم الباص اللي تنتظمي معاه على طول

مواعيدهم انتي اكتبيلهم مواعيد الصباح يعني اذا تبغي تكوني بالجامعه 8 بالتمام حيجوك سبعه

وفي العوده كل ساعه يجي الباص

يعني لو خلصتي وحده ونص اصبري لغاية الساعه 2 عشان يجي

و2 وثلث يمشي يعطي الباص للبنات عشرين دقيقه لغاية مايجوون وبعدين يمشي

باصات الـ vip مكيفه وحلوه ومريحه

بس مصيبتهم انه تلفلفي كثير واذا حظك حلو بالعكس بتوصلين بدون لفلفه

التميز ماجربتها بس ناويه عليها

[الفتاة الطموحة]

اهلين جوري

حبيت أقلك عن تجربتي .....

أنا اشتركت معاهم في الصيفي ويارب ماينعاد كان يجيب الصداع يعني يلف في الحي 600 بيت وأنا أكره ماعليا اللف

المهم أنا حرمت اني ادخل معاهم ...

في الصيفي لانه كان استغلال وكان هوا تقريبا الشركة الوحيدة اللي توصل حسب الاسبوع من رجب بشهر

يعني كانوا حاسبين الترم الصيفي انه 6 اسابيع = شهرين ( ب1000ريال )

بس انا شهر واحد معهم وربنا فكني وصرت اروح بسواق اهلي

يعني ماأقلك هوا سيء لدي الدرجة هما باصاتهم نظيفة ومكيفة وتمام التمام بس انا ماعجبني حكاية اللف .... دلع ههههه

[ع ـبث طـفلهـ]

التميز ب 600 وتلقي قدامك أذا طلعتي مشروبات ساخنه او بارده هذا حسب كلام الموظف
والفي آي بي حسب بعدك عن الجامعه
وصحبتي فيه تمدحه انا اول مره اشترك فيه ومن ناحية ألفلفه شي طبيعي مع الباص
موفقه ياعسل

[احلاهم واتحداهم]

انا في ال vip
انا ساكنه بالسليمانيه يعني جنب السور ب 380 حسيته مرره غالي واعرف بنات ابعد مني ب400 يعني مافرقت بشي
وهم عندهم مويه بارده وعصيرات والباصات نظيفه ومكيفه بس مارتحت مو زي السياره الخاصه بس هذا الشهر وان شاء الله اغير سياره خاصه

[&جوري&]

يسلمو بنات على الافاده

بس قررت اجرب هذا الشهر خدمة التميز عندهم وبشوف لوتعبت بترك

ياليت الي عندها فكره عن خدمة الميز تفيدنا

[No0oSaH]

جوري أنا في الـ vip ومرره مرتااحه والحمدلله وميزة ال vip عن التميز إنه خاص بحي معين مو يلفلف بيك أحياء جدة
في المقابل التميز مو خاص بحي معين يعني ممكن يلف بيك كذا حي ..

وهدا الكلام عرفته من بنت معايا في ال vip جربت التميز امكن شهر وقالت مررره سيء يدور الفيصلية وبعدين يلفلف في الصفا فكان دوخه بالنسبة لها ..

وبالنسبة للموية والمشروبات الباردة كمان موجودة في ال vip....

أتمنى إني اكون افدتك ..

[east flower]

عزيزتي جوري أنا ليا سنة اتعامل مع شركة المطرف باص vip

اول شي vip إذا كانت المحاضرة 8 يجيكي 7 ويلف بس في الحي أنا كل اللي معايا بيوتهم مره قريبه من بيتي يعني مو هاديك اللفلفة وكل واحد حسب مزاجو اش يحب 400 ريال في الشهر وبالنسبة للرجعه كل ساعه في رحله زي ما قالو الأخوات إذا خلصتي وحده ونص تستني باص 2
انا مره مرتاحه معاهم لا تعب ولا شي بس حسب انتي اش ترتاحي فيه

بالنسبة للتميز هو أغلى شوية والسيارة فان على ما اعتقد وتشيل 6 او 7 بنات هادي معلوماتي عنهم

[رويده عباس]

عزيزتي الحين رفعو الاسعار انا حي المحمدية وكانو يوصولني ب 450 وكنا بالعينها واليوم يوم جيت اجدد قالوا ب 500 قلنا لهم باي باي وسجلت في الخالد والله يسهل وبس