طالبات متسولات في الجامعة ؟!!

[شمس الامل D]

المشاركة الأصلية كتبت بواسطة مُتميزة بأخلاقي والله أنا وقعت في نفس المقلب حسبي الله عليهم الله يتبصر فيهم .. الترم اللي فات كان عندي محاضرة في التاسع وأنا في الطريق تقريباً كنت عند الرابع جاتني وحدة قالتلي عندك 10 ريال أنا بكل براءة إلا بكل سجذااااجة وغبااء وفغاااره - مقهورة من نفسي - قلتلها لا والله ماعندي صرف وأنا صادقة والله المهم رحت المحاضرة ونسيت القصة .. وبعد ماخرجت من المحاضرة رحت الكافتيريا اللي عن مبنى 12 أشتريت وسار عندي صرف خخخ .. وطبعاً كنت رايحة بعدها على البيت وماشية مستعجلة والمحفظة في يدي كمان وجاتني نفس الـآدمية قالتلي عندك 10 ريال .. وأنا >< أعطيتها على طول .. قالتلي نسيت المحفظة وأبغى أصور ورق أنا ماأهتميت بالسبب أصلاً .. شكلها كان مايطمن ابتسامتها كانت غريبة يعني شكلها كأنها تقول دي الغبية صدقتني عاد أنا مظهري وشكلي يساااعد .. بالنسبة ليه في نفس اليوم كنت أقول في نفسي أعتبرالفلوس لوجه الله و ربي يجازيها من فوق .. بس دحين كل مااتذكر أتحسب عليها وعلى أشكالها واقول الله لايسامحها مررررة أنقهرررت مو على الفلوس بس أكره أكررره الاستغلال والاستهبال .. وكويس والله إنك كتبتي الموضوع عشان البنات الجدد وحتى الغير جدد اللي ماعندهم خلفية عن الحرامياااات ينتبهوا هدا مو تسووول الا نصب وسرررقة عيني عينك واستغلال وقلة حيا .. والحمدلله مو بس أنا اللي انخدعت يعني في غيري .. وانتبهوا من منطقة مبنى 12 وتوابعها المنطقة شائكة والله أعلم إنها مقرّهم .. هههه وعلى الأقل إنتي أعطوكي مواعيد وخلوكي تتأملي يرجعوا فلوسك أما أنا ماقالتلي أرجعها ولاشي وأصلاً ماسألتها ولا أهتميت لانه هداك اليوم ماأدري ايش اللي حصل لي كأنه غيمة غطت على دماغي وأعاقته عن التفكيرر كل مااتذكر أدعي عليهاااا .. يلا أهم شي خلينا نتعلم من الموقف و لايلدغ المؤمن من جحر مرتين والأهم إنو هما اللي ضحكوا علينا ولا إحنا اللي ننصب بعيد الشر عننا الله يبعد عننا هذا الدااااء .. ..

خوفتني من الجامعه وانا اقول اخويا ليش ينصحني واعطاني محاضره عن الجامعه

ماحسبتها كذا بويات وشحاته لاحول ولا قوه الا بالله صرنا لهذا المستوى مع انها جامعه

يعني الانتظام دوافير واكيد انهم شاطرين وعقلهم مو عقل خرجات وشباب

والانتساب مو محتاجين فلوس ليييييش الشحاته

كلام كبييير ولله