موضوعي يخص جميع طالبات الخطه ( أ ) بخصوص اسئلة الاختبارت في جميع المواد

[فرحة]

الي جميع اخواتي العزيزات " هام جداً "

اخواتي الموضوع الحمد لله اتثبت لكن رجاءً

ابغا اطلب منكم طلبات عشان الموضوع يصير مرتب وسهل بالنسبه لكم

اولاً على اي طالبة عندها تقرير يعني معلومات عن اي مادة انها تكتبلي هيا على الخاص

عشان ارتب كل المعلومات واقسمها كل ماده انزلها في تقرير منفصل

بعد كدا اوعدكم راح اكتب كل اسماء كل الطالبات الي شاركونا بتقاريرهم

ثانياً لا اريد من اي طالبه ان تشارك بأي رد عادي مثل الدعاء لي او شكري حتي لا يزيد عدد الردود

شكركم ليا وصل واهم شي عندي انكم تستفيدو من الموضوع وانا دا هدفي من فتح الموضوع

ثالثاً الاسئله راح تجي كالتالي صح وخطأ واختياري

وراح تكون موحده اي كل الاشتاذات راح يشتركو مع بعض في وضع الاسئله وفي النهايه كل استاذه راح تضع عشرة اسئله

لذلك على كل طالبة انها تكتب لنا ايش الاشياء المهمه الي اخذتها من استاذتها عشان في النهايه اقدر اجمع في الموضوع

ملخص لكل الاشياء الهامه من جميع الاستاذات

رجاءً يا بنات انا عارفه انكم ما عندكم وقت وبترجعو تعبانين من الجامعه

بس ياريت يوم الخميس يكون عندي تقارير كتير منكم وزي ما اتفقت معاكم ترسلوها ليا على الخاص

عشان ارتبها لكم

طبعاً كتبتلكم الكلام دا هنا لاهميتو خفت انكم ما تنتبهو عليه لو كتبتو هناك بسبب كثرة عدد الردود هناك

اخيرا ابغا اركز على الاشياء المهمه الي راح تحددها معاكم استاذتكم لازم تكتبوها معاها وترسلولي هيا على الخاص عشان انزلها كلها في تقرير منفصل لانه حسب المعلومات الي وصلتني من صديقاتي الي درسو انتساب انو الاستاذه اذا قالت عن شي انو مهم معناها راح يجي اكيد في الاختبار لانو
زي ما شرحتلكم كل الاستاذات يتجمعو وكل استاذه تضع عشره فقرات اكيد ما راح تحط الا الفقرات الي
قالتلكم عليها اثناء الدوره التأهليه انها هامه

اخيراً لا تنسوني من الدعاء
ودمتم بود

[عنيد بس عميد]

الله يوفقك أختي فرحة

[الطالبه المجده]

ان شاء الله راح اكون اول المرسلين بس انا ما اعرف اكتي فى الخاصبا الله علمين انا من جد اجي تعبانه ما احصل وقت ادخل المنتديان شاء الله الاربعا فى اللليل كويس انا اعمك كل الا قالتوا الاستاذه

[Be happy (:]

الله لايحرمنا من ناس متعاونين ويحبون الخير
مثلك ياعسل(:

[فهد العنزان]

مشكورة أختي (فرحة)

وعلى فكرة جميع أسئلة المواد تضعها (لجان) لكل مادة سوءً للخطة (أ) ـ (ب)

[فرحة]

المشاركة الأصلية كتبت بواسطة الطالبه المجده ان شاء الله راح اكون اول المرسلين بس انا ما اعرف اكتي فى الخاصبا الله علمين انا من جد اجي تعبانه ما احصل وقت ادخل المنتديان شاء الله الاربعا فى اللليل كويس انا اعمك كل الا قالتوا الاستاذه

اختي العزيزه اولاً شكرا لاهتمامك لانك اول من رد عليا
ثانياً مو مشكلة خذي وقتك بخصوص التقرير الي حتكتبيه ليا يوم الاربعاء انا اصلا منتظره من البنات
التقارير الي حيكتبوها ليا بعضهم بيكتب بشكل يومي والبعض وعدوني انهم يوم الخميس يرسلولي
على الخاص كل شي صار معاهم
بس ابغاكي تركزي على الاشياء المهمه الي الاستاذه بنفسها تقول انها مهمه
والاشياء المحذوفه
بخصوص كتابة رسالة على الخاص ححاول اشرحلك مع اني مدرسة فاشله
اول شي تعالي عند اسمي اضغطي بزر الماوس الايمن ثم تظهر لك لوحة فيها خيارات اختاري خيار ارسال رساله اكادميه الي فرحة
اضغطي على هذا الخيار وراح ينفتحلك صندوق الرسائل حقك طبعاً اكتبيلي الرساله ثم اضغطي ارسال
اذا ما عرفتي قوليلي عشان اعيد شرح الدرس خخخخ

[فرحة]

المشاركة الأصلية كتبت بواسطة be happy (: الله لايحرمنا من ناس متعاونين ويحبون الخير مثلك ياعسل(:

هدي احلا دعوه اسمعها
شكرا يا قمر...

[فرحة]

المشاركة الأصلية كتبت بواسطة عنيد بس عميد الله يوفقك أختي فرحة

شكرا يا عميد
الله يوفقنا كلنا وتتحقق احلامنا
ادعولي يتحقق حلمي ...