الي اخذت ايض مع الدكتور هناء

[بسمة الكون]

السلاام عليكم

كيفكم ياحلوووين

انا اخذت ايض مع الدكتورة هناء مو عارفه كيف اذاكر

وكيف طريقتها ياليت تفيدوني والبنات مره خوفوني

وقولوا لي اذا اقدر احذف الماده الحين والالا

ودعواتي لكم

[najjo]

يا تغيري شعبتك يا تحزفي المادة من الاساس ونزليها السمستر الجاي مع اي وحدة غير هناء
انا اخدت الكورس دا معاها
ودرجتي زفت و8 بنات من شعبنا رسبووووووووووو
اسلئلتهاصعبة مدري من فين تجيبها مو من السلايدات ولا من ليبن كوت
يعني اللي تشرحو غير واللي في الكتاب غير والللي تجيبو غير
الموهيم عشان لا ينزل معدلك بسببها حرام وربي 4 ساعات روحي عابطي الشؤؤون ولا مشرفة 08 ولا انتي ايش واحزفي المادة او غيري شعبتك روحي لاعتماد حويت

[بسمة الكون]

انا 08 بس اش اقول لهم واين القى المشرفه الي تقولي عليها

بس اش السبب اني بحذف الماده :(

[بسمة الكون]

اقدر الحين اغير الشعبه ؟؟

[najjo]

ماادري ازا تقدري تغيري ولالا روحي اسالي المشرفة
تلاقي اسامي المشرفات عند مكتب رئيسة قسم الكيميا حيوي مكتوبة في ورقة
مثلن قولي انو عندك ضغط وساعاتك كتيرة والمادة صعبة ومنتي قادرة تفهمي مع الاستازة اي شي يجي في راسك قوليه
اهم شي تقتنع هيا

[calbooza]

يا اهلا ببسمة الكون
انا اخذت ايض1 عند هناء قشلان بالعكس دكتوره جدا ممتازة وعسل وشرحها حلو..
حتى اختباراتها مو صعبه على اللي يكون مركز معاها في المحاضرات ويذاكر اول باول...واسالتها تجي كلها من الكتاب ماتخرج عنها والله العظيم..اللي يذاكر بتركيز يعرف يحل..
اسالتها سهله مو صعبه وتقدري بالراحه تجيبيa+
طريقة المذاكره انا وصحباتي كنا نكتب معاها كل شي تقوله في المحاضرة ولما ترجعي البيت بيضيه على كتاب ليبنكوت
وذاكريه ذاكري بس التوبيكات اللي تطرقلها مو كل الكتاب معاك...
الحمدلله انا وصحباتي كنا نحل في الاختبارات واخذنا درجات حلوة ماشاء الله..
لاتستعجلي وتحذفي الماده على كلام البنات بس....اذا احتجتي مساعده انا موجوده...
والله يوفقك....:)

[*ThE LoSt DrEaM*]

الله يوفقك يارب ^^

انا سمعت انو بنات اخذو السمستر دا معاها ويقولو صارت تسهل الماده عليهم


وبيفهمو منها .. انا ماأرتحت لها ..اذا انتي تفهمي منها كملي

ماتفهمي احذفي ولا غيري الشعبه

يعتمد عليكي انتي وعلى فهمك .. وبالنسبه للأختبار حقها مايتعبر سهل ولا صعب

اذا ذاكرتي تماام ميه ميه بتحلي .. اذا اي كلام انسي^^ .. طبعا انا ماكنت افهم شي منها

فـ عشان كدا ماحليت .. في ناس تفهم وتحل

يعتمد على فهمك واكررها للمره التالته هههههههههههههههه


سلملم ^^

[بسمة الكون]

المشاركة الأصلية كتبت بواسطة calbooza يا اهلا ببسمة الكون انا اخذت ايض1 عند هناء قشلان بالعكس دكتوره جدا ممتازة وعسل وشرحها حلو.. حتى اختباراتها مو صعبه على اللي يكون مركز معاها في المحاضرات ويذاكر اول باول...واسالتها تجي كلها من الكتاب ماتخرج عنها والله العظيم..اللي يذاكر بتركيز يعرف يحل.. اسالتها سهله مو صعبه وتقدري بالراحه تجيبيa+ طريقة المذاكره انا وصحباتي كنا نكتب معاها كل شي تقوله في المحاضرة ولما ترجعي البيت بيضيه على كتاب ليبنكوت وذاكريه ذاكري بس التوبيكات اللي تطرقلها مو كل الكتاب معاك... الحمدلله انا وصحباتي كنا نحل في الاختبارات واخذنا درجات حلوة ماشاء الله.. لاتستعجلي وتحذفي الماده على كلام البنات بس....اذا احتجتي مساعده انا موجوده... والله يوفقك....:)

مشكوره يالغلا حمستيني

طيب اذا ممكن تعطينا اشيائك نستفيد منها اذا تقدري

دعواتي لك بالتوفيق في الدارين