تجمع طلاب وطالبات الـit الخاص بمادة تحليل نظم,,cpit 250 (حوار طوال الترم)

[.: نبراس :.]

السلام عليكم و رحمة الله و بركاته

كيف حال طلبة و طالبات المستوى السادس

اكيد الكل عنده اختبارات ,, الله يعين الجميع و يوفقنا

تذكروا في اخر محاضرة للدكتور قال انه ناوي يختبرنا اختبار كويز الاسبوع الجاي و حيكون مفاجئ

لكن الله يسعده دكتور ماجد

من لطفه و تعاونه معانا و بعد ما تأكد اننا مضغوطين مره

وافق يأجل الكويز لبعد العيد ,, غير كدا حيختبرنا 3 كويزات على طول الترم

و يختار احسن علامتين منهم

الخبر فرحني ,, فقلت اجي افرحكم انتو كمان ^^

اتمنى لكم التوفيق

^_^

[.: نبراس :.]

السلام عليكم و رحمة الله و بركاته

كل عام و أنتو بخير جميعا

يارب تكونوا قضيتوا عيد حلو و أنبسطتوا بالإجازه دي << أستبعد

أنا حأقول يارب تكونوا بعيدين عن الأحداث الي صارت مؤخرا في جده و يكون الكل بخير

المهم

يا جماعه تتوقعوا في دراسه يوم السبت ولا الدكاتره حيغيبوا

بالذات الدكتور ماجد

معقول حيختبرنا من يوم السبت أول ما نرجع ولا نقدر نغيب

لأنه و بصراحه أحتمال نزول الأمطار مازال موجود

غير كدا احتمال انهيار سد بحيرة المسك قائم حسب ما سمعت

جيت أسأل عن زملائنا الطلاب إذا كانوا حيغيبوا عن مادة دكتور ماجد و إختبارها

و إذا في أحد يقدر يسأل الدكتور عن موعد الإختبار

دمتم بخير ^_^