بين حملة التأجيل .. و إنكار الوطنية ,, رد على مقال رئيس تحرير جريدة الوطن

[Dr.Sosa]

انا حتكلم بالعامي


اول شي في حديث للرسول صلى الله عليه وسلم يقول : "حب لأخيك ماتحب لنفسك"


وفي حديث تاني يقول : "مثل المؤمنين في توادهم وتراحمهم وتعاطفهم مثل الجسد الواحد إذا اشتكي منه عضو تداعي له سائر الجسد بالسهر والحمى"


وفي حديث كمان يقول : (( مَنْ كَانَ يُؤْمِنُ بِاللَّهِ وَالْيَوْمِ الْآخِرِ فَلَا يُؤْذِ جَارَهُ وَمَنْ كَانَ يُؤْمِنُ بِاللَّهِ وَالْيَوْمِ الْآخِرِ فَلْيُكْرِمْ ضَيْفَهُ وَمَنْ كَانَ يُؤْمِنُ بِاللَّهِ وَالْيَوْمِ الْآخِرِ فَلْيَقُلْ خَيْرًا أَوْ لِيَصْمُتْ ))


لاحظ من كان يؤمن بالله واليوم الآخر فليقل خيرا أو ليصمت


بأي حق تقول عننا ماعندنا وطنية


انتا ماشوفت الناس الي غرقت ماشوفت جثة الطفلة الي غرقت ماعندك قلب !!


ناس قد ايش راحت في السيل دا ومين المسؤول ؟؟ ليش ماتكتب عنهم ؟؟ ليش ماتقول انو هما ماعندهم وطنية ؟؟


ولا ماعندك الجرأة الكافية زي انك تجرد طلاب جامعة طول بعرض من الوطنية !! ليش ؟؟


ماشوفت المأساة الي سارت


ياشيخ لو كافر كان حس انتا انسان ماعندك مشاعر ولا ذوق ولا اخلاق


اتعجب انهم خلوك رئيس تحرير جريدة !!


عيب عليك تقول ماعندنا وطنية نحنا ماقلنا اجلو الدراسة شهر مانبغا ندرس ونحنا ناس فاشلة


لا والله نحنا نبغا نرتقي بمجتمعنا ووطننا ونشيل كل الأشكال الي زيك للأسف وبنجد ونجتهد ونثابر ولله الحمد


اصلا كيف تتجرأ وانتا انسان الناس تعتبرك مثقف تكتب كدا عن ابناء وطنك وبلدك بس ابدا لا والله ولا عندك ذرة ثقافة


انتا فاهم الدنيا غلط واسلوبك غلط


يلا روح انتا وورينا وطنيتك وروح قويزة ونضف مع الناس وياريت تكون في الأيام الي متوقع فيها نزول المطر الغزير



وبالمرا عد الناس الي ماتو كويس وتعال اكتبهم كويس في الجريدة وانتبه تغلط وانتا تعد



نحنا مانستنى احد يجي يقلنا تعالو امسكو مكانس واعملو حملة اسمها خلوها تنور


نحنا وطنيتنا وديننا هما الي يخلونا نسوي كدا مو واحد زيك يقولنا ايش نعمل !!


اتمنى كلامي دا يوصلك بالحرف الواحد


اسلوبك مستفز ويعصب وماعندك ذوق ولا أخلاق وانسان مو مثقف