للاداره العزيزة والى الاخوان الذين لهم معرفه.؟

[الهليمة]

بسم الله الرحمن الرحيم


اخواني الاعزاء .,. عندي استفسار بسيط اتمنى الاجابة عليه


هل الشخص الموظف بوزارة الصحه بمرتبه فني سواء فني تمريض او فني اسنان الخ


وسجل بالجامعه عشان يدرس ادارة مستشفيات , اذا خلص ان شاء الله من الدراسه وحصل

على البكالريوس ادارة مستشفيات هل تقبل بوزارة الخدمه المدنية ويحولونه من فني

الى اخصائي ادارة مستشفيات ..؟

اتمنى الاجابة .., جزآكم الله الف خير

[90909]

والله ماودي أسدها في وشك بصراحة كوني

أول رد . بس يعني فحطت في هالموضوع ومالقيت له رد يعني شغله غامضة عجزت أفك شفرتها من ناحية التعديل الوظيفي.

ومن ناحية التخصص ألي ذكرته أو المسار خدمات صحية وإدارة مستشفيات على حسب المراسلات مع عميد كلية الإدارة البروفيسور حسام العنقري أنهم قفلو المسار وراح يكون قسم مستقل وراح تكون الدراسة فيه فقط للإنتظام , فإذا كنت للحين ماتخصصت الضاهر يخلف الله عليك سكروه,, باح.

مع إني قريت تصريح لدكتور الخيال على موقع كلية الإقتصاد والإدارة بس تصريح مافيه تفاصيل كثيره..

وياليت أحد يفيدنا أو أنك تتصل على الكلية وتسألهم ,

بس لا تسحب علينا ردلنا خبر ,, ترا الحال من بعضه..

ويالتوفيق

[الهليمة]

اخوي 90909 مشكووؤوؤوؤر


والله اني متخسر الفلوس اللي دفعتها


حتى اليوم رحت لوزارة الخدمه المدنيه وقالو لي نشيلك من الكادر الصحي ونحولك علىالكادر العام

وعلى المرتبه السادسه

وانت سكرتها بوجهي الله يعين ياشيخ

ماعليك رآح اشوف لها حل وارد عليك <<

<< صرت انا اللي ادور الحل ههههههههههههه

[عازف]

مااتوقع يحولونك اخصائي 0!!!!!!!!!!!!

[90909]

إحنا أول شي مشكلتنا مع ذولي الجامعة

أنهم سكرو التخصص ولو يخلونا ننتسب في تخصصنا الي نبيه إنكان زين

وبعدين بعد التخرج يفرجها ربك . بس هي تسكرت من أولتها.

وألله لا يهينك أي جديد عن الهموضوع خبرنا ترانا في الأنتظار للأخبار الطيبة.