بنات خطة *ب* ساعدوني الله يسعدكم ....

[lalo..]

بسم الله الرحمن الرحيم


بنات كيفكم ؟؟ ان شاء الله تكونو كلكم بصحه وسلامه وشادين حيلكم في المزاكره

يا حلوات الله يسعدكم ابغا اطلبكم طلب وربي ما عندي احد غيركم ارجعلوو بعد الله تعالى

الله يخليكم ابغا احد يساعدني انا مررره حايسه ومتقروشه حدي ومني عارفه ايش امسك ولا من فين ابدء
كل شي فوق راسي متراكم والمحاضرات ما يحتاج اقلكم عليها كيف كانت
وانا دحين مني عاررفه ولا شي

الاحصاء اخر محاضره حضرتها ليها كانت يوم الثلاثاء حضرت المحاضره الاولى بس التانيه ما مداني وما عرفت فين وقفت وادا خلصت الكتاب ولا لا اسم الاسادة احلام السومحي

و الانقليش ولله الحمد ما حضرت غير كم محاضره لانو النت ما كان يساعدني وكل الي طلعت بيه كم معلومه يا دوب امشي حالي بيها واسم الاستادة شيرين

بالنسبه لمهارت الاتصال الحمدالله كويسه نزلت من البنات الي في المنتدى الله يعطيهم الف عافيه ياارب عروض واشرت منها ومن الي حضرتو مع الاستادة واسمها لينا شلهوب

اما التفكير حدث ولا حرج الله يسامحها بس كنت كل محاضره احضرها معاها كانها حصة قراءة ما فهمت ولا شي منها والكتاب يسد النفس استغفرالله بي استادة الماده دي اسمها امل خضرجي


انا سمعت انو يوم الاحد في بنات رايحين الجامعه بس متى وكيف وانا نفس المدرسات وايش الي ساير ما اعرف

كل الي اتمناه منكم انو تفيدوني باي معلومه ولا شي
والله مالي صحبات معايا ولا شي وتعبانه تعب ما يعلم بيه غير ربي
الله يسعدكم ياارب ويوفق الجميع

واسفه على الاطالة وازعاجكم