ياريت لو الكل يدخل ويديني رأيوو *_^

[crazy 4ever]

السلام عليكم ورحمه الله وبركاته

ياجماعه الخير انا طالب سنه تحظيري وكان نفسي ادخل كليه الهندسه وللاسف درجاتي ضعيفه في الرياضيات يعني مافي قبول

وقلت مابستسلم >>ياقوي خخخخخ

وقررت اني اتخصص السنه الجايه في كليه العلوم التطبيقيه وأبغا أسألكم عن الكليه كيف دراستها؟(صعبه او سهله)

ايش شروط القبول في الكليه ؟ كيف مستقبلها الوظيفي للي اتخرجو قبل كدا؟

وكم سنه الدراسه ؟ وايش افضل تخصص في الكليه؟

ولاأشوف احد مايرد عشان لا أزعل واسيب الجامعه كلها ويمكن جده لو عصبت كمان >>الله يخليك

[weddah]

أهو ردينا عليك لا تزعل ولا تسيب الجامعة =)

اول شي اذا انت مرره تبغى الهندسة حطها رغبة اولى
ما تدري اش ممكن يصير

بالنسبة لكليتنا العزيزة
عندك 3 تخصصات
تقنية مختبر
أشعة تشخيصية
وعلاج طبيعي

ما في شروط معينة للقبول
يعني مو زي الطب والهندسة نسبة عامة وخاصة ومدري ايش

الدراسة 5 سنين مع التحضيري والامتياز
يعني تحضيري+3سنين+امتياز=5سنين

سهله او صعبة واش افضل تخصص دا شي نسبي وانت شوف اش يناسبك
بعد ما تقرأ عن كل تخصص طبعا وتسأل وتعرف كل شي

والله يوفقك ان شاء الله في القسم اللي تبغاه

[crazy 4ever]

سؤال اخير بس....

كيف مستقبلها الوظيفي حسب الدفعات اللي قبل اتخرجت؟

ويسلمو ع الردود

[JuStice]

.

المستقبل الوظيفي مضمون إن شاء الله ,

أول دفعة أتخرجت من الأشعة السنة الماضية ما كان فيها أي نسبة عطالة حسب كلام أستاذ جهاد

.

[asma'a]

وعليكم السلام ورحمة الله وبركاااتهـ,.

انا قسم علاااج طبيعي,,

وأتذكر انه كانوو يطلبوو درجاات عالية في البيو والكيمياء والفيزياء..

غير كذا مااتذكر,,

وكمااان الدرجاااات مو مقياااااس,, لأنه في الأخير هما بيمشو على حسب استيعاب الكلياتـ..

وبالنسبة للصعوبة والسهووولة.. ماتقدر تمشي على كلامنا,, لأنه كل وااحد وقدراته الخاصة,,

انا عن نفسي احس اني تعبااانة لأني مااحب ادرس كثيير.. والمواد يبالها اطلاع اول بأول,, وما تخلي كل شيء عالاخير.. ولا حتتعب زي ماأنا تعبانة الحين..

واذا انتا حبيت التخصص.. حتمشي فيه تمامـ..

وانتا طبعا حط رغبتك الاولى يعني الشيء اللي تحبه.. بعدين خلي العلوم الطبية رغبة ثانية..

والله يوفقكـ وين ماكنت وفي اي تخصص كاتبلك اياه ربنا..

وبالتوفيق..

دمتـ بخير,,,

أختك: أسماء..

[crazy 4ever]

يسلمووو ياسومه ولكل اللي رد عليا

ربي يسعدكم ويوفقكم .... تشاو