الحق حط رجلك

[v500000]

اليوم هو اليوم الخامس وماظهرت نتيجة اي ماده لا من خطه أ ولا من خطه ب

ثاني شي كل يوم مسكرين تخصص وتحولونه تعليم عن بعد وما احترمتو عقولنا لما سجلنا بنظام الانتساب

ثالث شي الرسوم ما ادري متى بتشوفون حل برا طلاب الابتعاث يكلفون الدوله اكثر من مئة الف سنوي

وحنا عاجزين على 3 الاف ريال وبرضو ماراح نحضر ونشغلكم بلاه يامدير عاجزين حتى تخففونها؟؟؟؟

رابع شي الأختبارات كانت لمادة العربي من خطه أ ومادة الاحصاء من خطه ب وفي اخر يوم واسئله كانت في غاية الصعوبه حتى لمتخصص او دكتور ماده يعني تعجيزيه والوقت مايكفي حتى لحلها بشكل سليم وبمعرفة الخطوات مسبقا

خامس شي اعتقد انكم ظلمتونا كثير مو معقول تعوضون خساير الجامعه من السيول اللي صارت على حسابنا

سادس شي دخلنا الاختبار ودافعين 200 ريال لكل يوم اختبار بمجموع الف ريال

عارف وين خلونا قبل الاختبار بالساحه الخارجيه بالمواقف وطردونا وقالو لاجاء وقت الاختبار ندخلكم

سابعا ياطويل العمر اذا ماعندك اي كنترول على اوضاع جامعتك ليه بعدك قاعد

عط فرصه للغير يثبت وجوده مثل ما اثبت وجوده مدير جامعة الملك سعود بالساحه التعليميه ومنها تقدر تحقق الوزاره وتصير وزير قد الدنيا

اجتهد مع نفسك الله يحفظك والناس بيدعون لك ولاتخربون البلد اكثر من ماهي خاربه
_____________________________________________

طبعا فيه رد عجبني من ضمن الردود:((يا فرعون من فرعنك !!! ما لقيت أحد يمنعي ؟؟؟؟

يجب إعادة النظر في الطريقة التعليمية ( الجامعة ) وملائكية الدكاترة !! وبلاهات البعض منهم !!..))

اختصر مابقلبي بسطرين هالحبيب والله يعطيه العافيه